عاهرة القيصر

الجزء 7

تتمة...هود وهيبة كيبغيو نهبط عندهم نضحكو ولا نجمعو انا كنبقا غير فالبيت يإيما ناعسة ولا كنتفرج ولا كنفكر فيه عمرني عرفت بلي الاحساس ديال الاشتياق كيعدب بهاد طريقة ...ليوم فقت عادي بحال ديما كان صهد دوشت ولبست شورط قصير وديباردو ديالو وجلست فالبالكون كنفطر وكنتمنضر فالناس جا هود جلس معايا شوية شاد فيا من بعد جاه تيليفون بدا كيهضر بشي لغة مافهمتهاش كيشوف فيا وكيبتاسم انا بقيت كنسول فيه بالاشارة شكون حيت قلت يمكن يكون قيصر بحال الي حسيت غمز ليا وخلاني علي اعصابي نضت حتي انا جيت من وراه عنقتو وحطيت ودني علي تيليفون كنسمع كان صوتو ناري قلبي كيضرب بالجهد واخا مافهمتش اشنو قال والكن مهم سمعت صوتو رجولي خطير كيدوبني اوووف ناري شحال توحشتو سالا معاه وقطع
هود:(كيضحك)اناري قجيتني غاتقتليني ههه
انا:(جلست قدامو)انا اشنو قال ليك!! غايجي !!
هود:هه ياك سمعتيه اش قال اشنو بفيتي
انا:(ضربتو لكتفو)باركة من تفليا اصلان مافهمتش اشنو قال واش سول عليا!!
هود:فين حاشاها ليك الحمقة عاد تهنى منك ومن مشاكيلك ووحلك فيا انا ههه
انا:(كنخنزر)باز ليك تقول كتعطيني لبيبرون لله يمسخك(كنعيب فيه) وحلك فيا انا
هود:ههه غير كنضحك معاك الحمقة...مهم راه ماقال ليا والو غير ضبر ليا علي خدمة خرا ههه مهم نخليك دابا من بعد نرجع عندك الحاجة ههه
ضربني فراسي ضربة خفيفة ومشا انا ساليت لفطور ونضت شعلت تلفازة كنتفرج حتي جات عندي كلثوم هضرنا شوية من بعد مشات تشوف خدمتها دوزت ديك لعشية كيف خوتها لملل حتي واهيبة ماشفتهاش هاد يوماين مشات لدار هي وكوثر هضرت معاهم فالتيليفون شوية كنضحكو حتي جا هود تلاح فوق ناموسية حط ودنيه علي تيليفون كيسمع اش كنقول كيرد ليا صرف زعما... بديت كنجر لواهيبة لسانها وكنهضر عليه خايب وكنعاير فيه زعما باش نشوفو اش غاتقول ساع بنت لحرام غرقاتني سبان ماخلات فيا غير لي نسات جاتها نفس عليه انا وهود مايتين بالضحك عليها خطف تيليفون من عندي وبداو كيترومانساو عليا... وانا اولاد لحرام عندي لجفاف لعاطيفي
ملي سالا وقطع دار عند كيهضر معايا
هود:واش مامليتيش من هاد لبيت نهار وليل
انا:نونو مامليتش غير خليني
هود:نوضي لبسي حوايجك وياله نخرجو انا وياك
انا:نو ولله مافيا لي يخرج عيانة
هود:ياك دابا مابغيتيش تخرجي معايا
انا:ولله مافيا خلي حتي غدا ونخرجو بيما نيت تكون واهيبة
هود:(غالبة عليه ضحكة)واخا لي عجبك دوماج نتي عيانة دابا كنت بغيت نقول ليك راه مسيو قيصر جا والكن ماشي موشكيل حتال غدا وشوفيه بيما ترتاحي ههه
انا:(بصدمة نضت وقفت)حلف حلف بالله حتي جا كتكدب!!
هود:ولله حتي معاك بصح جا قبيلة راه كاين فبيرو عندو شي خدمة اوي ملي نتي عيانة خليك ناعسة فهاد لبيت حتي ترتاحي ههه
انا نضت بالزربا ماشعرتش براسي بغيت نمشي نشوفو حتي وقفني هود
هود:رجوع لله الحاجة غاتمشي عندو هكا بهاد لحالة وزايدون الي مشيتي عندو دابا وهو مشغول غادي يغوط عليك هاني نبهتك
شفت راسي لابسة غير شورط ويباردو ديالو ديال نعاس شوهة
انا:ماشي شغلك انت انا غانمشي يدير لي بغا يغوط ولا يزمر
نضت بالزربا كنقلب لماريو اشنو نلبس هود ميت عليا بالضحك
هود:ياك عاد كنتي عيانة ومافيك لي ينوض دابا وليتي كتنقزي علي لله ديري شي مشكيلة عاوتاني بنتي ليا توحشتي لعصا هههه
انا:اووف سكت واش نلبس هادي ولا هادي
هود:(كيضحك)سيري عريانة حسن ههه
انا:(زفيت عليه بالكسوة لي كنت هازة)تفو عليك ماكتحشمش انا لي حمارة دايرة فيك راسي
هود:(كيضحك)وحتي انا جاوبتك انا لي كنعرف ذوق ديالو كيداير ههه
انا:صافي ماتعطلنيش
هود:لبسي هادي لي عندي وسيري ضبري لراسك مهم انا تبريت منك ههه
عطاها ليا وخرج كيضحك... انا لبست كسوة كحلة تقاديت بقيت قدام لمرايا 100 عام كنقاد فراسي قلبي كيضرب بالجهد بالفرحة اخيرا غادي نشوفو توحشتو بلا قياس خرجت ديريك لبيرو ديالو وقفت خديت نفس عميق و حليت لباب ودخلت قيصر كان واقف بهيبتو ورجولتو لمعهودة وهاز شي وراق كيشوف فيهم غير سمع لباب تحل وطلع راسو شاف فيا وخنزر
قيصر:(كيخنزر)ياك ديما كنقول ليك دقي حتي نعطيك الاذن عاد دخلي ...كدخلي بحال الي داخلة لزريبة
انا ابتاسمت ماتسوقتش لهضرتو اصلان ولفت عليه كيبان ليا راسي زعمت شوية مشيت بالزربا عندو تعلقت فيه وعنقتو بجهد حتي تشتتو دوك لوراق لي كانو فيديه.. بقيت كنفرغ شوق ديالي فيه...حتي هو شاف حتي عيا وهزني عندو دورت رجلي علي خصرو و عنقني بقينا معانقين شحال...
انا:(ببراءة شفت فوجهو)توحشتك بزاف...علاش تعطلتي
بقا كيتأمل فيا شحال ابتاسم ابتسامة خفيفة وجلس فوق لكرسي انا جالسة فوق رجليه شدني من وجهي باسني فحناكي بجوج وفمي... اح شحال توحتشو نزل يديه وبقا شاد فخصري وانا شادة فعنقو
قيصر:(باستهبال)اشنو كنتي كتقولي!!
انا:(بخجل)قلت ليك توحشتك بزاف علاش تعطلتي وماديتينيش معاك
قيصر:(بابتسامة)لمرة جايا نديك معايا ...قولي ليا بعدا ياكما سنفورتي دارت لبسالة ملي ماكنتش
انا:مالي عندي 4سنين ندير لبسالة حشومة عليك
قيصر:(باستهبال)علاه شحال عندك فالعمر
انا:عندي 18 زعما ماعرفتيش
قيصر:ممم راك باقي صغيرة راه قدك كيديرو لبسالة فكريني نهار السبت نديك لملاهي تلعبي مع سنفورات صغار لي بحالك ههه
انا:(تقرصت وجمعت ضحكة)كضحك عليا دابا ماشي حشوما عليك
قيصر:لا ماحشوماش عليا...انتي لي حشوما عليك
انا:(باستغراب)علاش حشوما عليا
قيصر:حيت سنفورة...مالكي كاتباني صفرة واش مريضة (خنزر)ولا ماكاتاكليش عاوتاني ياك
انا:(ببراءة)نونو كناكل ولله سول هود
قيصر:(كيضحك)شكون غانسول
انا:هود
قيصر:شكون
انا:(باستغراب)هود
قيصر:شحال حنينة هاد هود لي قلتي قولي قيصر
انا:مسيو قيصر
قيصر:مسيو زمر..وقولي قيصر هكا كيما قلتي هود
انا:(بدلع)قيصر
قيصر:اح علي قيصر..قولي براء
انا:واش عاد كنتعلم نهضر ولا.. شكون هاد براء بعدا
قيصر:(كيضحك)ولدي هدا سميتو براء
انا:(بصدمة)علاه عندك ولد واش انت مزوج
قيصر:(باستعباط)علاه مافراسكش
انا:لا مافراسيش
قيصر:اوي هاهيا فراسك راه انتي بوحدك لي عارفة هاد سر حتي واحد ماعرفني مزوج وعندي ولد راه هما عندمن مشيت هاد الايام ...ياك ماغاتقوليها لحتي حد
انا:(حركت راسي)لا
قيصر:(حابس ضحكة)بانت ليا سنفورتي بحال الي تقلقات
انا:(بنفي)لا علاش انتقلق
قيصر:حيت قلت ليك مزوج وعندي ولد
انا:لله يخليه ليك علاش غانتقلق.. شكون انا اصلان باش نتقلق
قيصر:اه بصح شكون نتي باش تقلقي اصلان ياك انتي غير سنفورة مهم دابا عندي خدمة كثيرة (بغمزة)حتال ليل ونتلاقاو اوكي
انا:اوكي
باسني فمي ونضت من فوقو تميت غادية وهو يعيط
قيصر:اجي بعدا اري دوك لوراق لي شتتي قبيلة
انا:اه واخا سمح ليا
هبطت نجمعهم ليه قاديتهم بغيت نحطهم فوق لبيرو وهو يضربي لطرماحتي تفو انا نيت معصبة وزاد عصبني
انا:(بعفوية)حشوما عليك ماكنحملش لي يضربني تما
قيصر:اوي ماتحملينيش واش انا قلت ليك حمليني انا بعدا كيعجبني نضربك تما ماغايحدهاش ليك طبيب دابا ملي عرفتك كتعصبي منها عاد غانزيد فيه انا حتي تولي تعجبك
شفت فيه شحال استأذنت باش نخرج وخليتو سديت لباب ومشيت
===》قيصر كيضحك وكيفكر فسهيلة
..(قيصر داير حوار مع راسو):هاد لبنت شحال نية ههه دغيا كتيق..ناري اقيصر شحال انت شرير...علاش درتي ليها هكاك خليتها محروقة...علاش قلتي ليها هادشي ...خليها باش نيت تشغل شوية وتفكر فيا كيما كنفكر فيها...ناري علي شرير ماعرفت اشنو بغات فيا...ماعرفتش كيفاش ولات كتبغيني بطبعي لخايب.. كيفاش تقبلاتني كيف انا عرفاتني اش نكون ودخلاتني لقلبها ...كيفاش تغرمات بيا وبغاتني بعيوبي ومعاملتي لخايبة اللي مايتحملها حد... عمرها كانت مادية ولا طلبات مني شي حاجة.. وكتسمع لهضرتي وكتخاف مني بحال شي بنيتة صغيرة كتسحرني ببراءتها وجمالها وعويناتها وشعرها وكلها... ماعرفتش كيف دارت حتي دخلات لدماغي بهاد طريقة ... ولكن واش ممكن تكون دخلات لقلبي... واش بصح اقيصر وليتي كتبغيها...
صافي ركز فخدمتك دابا اش هاد تبرهيش ديال لمراهيقين...~
...كملت خدمتي واخا مابغاتش تحيد من بالي حاولت نركز ومانفكرش فيها بزاف والكن بدون جدوى... من بعد ماساليت دوك لوراق بزربا مشيت لجناح ديالي دوشت وتكيت باش نرتاح خديت لمخدة فاش كتنعس وعنقتها ...اويلي اش هاد لحماق اقيصر...الخ
بقيت فصراع مع راسي قلبي كيقول حاجة وعقلي كيقول حاجة حتي استسلمت لنعاس...