عاهرة القيصر

الجزء 15

كملنا ديك لعشية فالضحك تعشينا مجموعين خاصنا غير قيصر حبيبي توحشتو بلا قياس هوما كياكلو وانا كنقلب فداك الطبسيل   
زهير:سهيلة علاش ماكاتاكليش   
انا:ماعجبنيش هادشي مازوينش   
زهير:ماشي ضروري يعجبك خاصكي تاكلي لحاجة لي تنفعك ماشي لعكس   
انا:ماكنحملش ناكل شي حاجة ماعجباتنيش   
عفاف:ههه واخا اشنو بغيتي تاكلي   
قلت ليها اشنو بغيت ملي وجدوه بديت كناكل هوما ساكتين اصلان هادي عادتهم كياكلو فسكات والكن انا حلفت مانخليهم   
انا:قيصر تعطل ياك   
عفاف:ههه توحشتيه   
انا:(تنهدت)بزاف ولله   
زهير:(بابتسامة)واحد شوية ويجي غير تعشاي   
ابتاسمت ليه وكملت عشايا من بعد لعشا هو مشا لبيرو انا وعفاف خرجنا لجردة انا تكيت كنقلب فتيليفوني وهي كتقرا فواحد لكتاب مرة مرة كنهضرو واحد شوية ناضت مشات عند زهير بقيت انا بوحدي حتي وقف عليا قيصر بالفرحة نضت عنقتو بالجهد   
جلس فوق فوطوي وجلسني عليه   
قيصر:(كيبوس فيا)توحشتك اسنفورتي   
انا:(بدلع)كداب واعدتيني غاتجي بكري وتعطلتي   
قيصر:او علي تعطلت راني جيت بكري زعما(شاف فالساعة)راه ياله 8 واش انا مولف كنجي مع 8   
انا:اويلي علي 8 واش بصح ههه صحابني واش 1 كاعما طليت علي ساعة غير تعشينا قلت راه تعطلتي   
قيصر:(كيضحك)مولفة كتعشاي مع 8 ياك ماكتفكريه حتال 1 ولا 2 ديال ليل   
انا:ههه هاد الناس كيتعشاو بكري اصلان نهار جاني طويل بزاف وانت مخليني بوحدي..قيصر كتبان عيان بزاف   
قيصر:راه ماناعسش باينة غانطيح ونغيب ههه...فين هي عفاف   
انا:كاينة فالبيرو عند زهير   
قيصر:ياله نمشيو نسلم عليه ماشفتوش كاع دابا يتقلق ههه   
مشينا لقيناهم مجمعين سلم عليهم وجلس كيهضر معاهم انا وافقة حداهم بان ليا زهير معصب ماشي كيما كان قبيلة كيضحك دابا كيبان كاعي وكيهضر غير بزز   
عفاف:جلسي اسهيلة مالك واقفة   
انا:لا غانمشي نخليكم(بست زهير)تصبح علي خير ابابا   
زهير:(باسني فجبهتي)تصبحي علي خير ابنتي   
انا:(بست عفاف)تصبحي علي خير ماما عفاف   
عفاف:غير تسناي غانمشي معاك باش نخليوهم علي خاطرهم   
مشيت انا وعفاف   
قيصر غير كيشوف فيا مصدوم   
زهير:خليك معايا اسي قيصر فين كتشوف   
قيصر:اه اه انا معاك اشنو لموضوع لي قلتي ليا بغيتني فيه   
زهير:فراسك بلي ديك شحنة ديال سلاح لمسروقة بانت فالسوق   
قيصر:اه راه من تما جيت واش قالها ليك مايكل..خاصك تعرف شكون ورا هادشي غاتصدم   
زهير:(بتعجب)وي واش انت عارف شكون ورا هادشي!   
قيصر:وي(عطاه تيليفون شاف الفيديو)   
زهير:(بغضب)داك لكلب ديال روكي انت كنتي عارف شكون وماقلتيهاش!!امتي عرفتي هادشي!!   
قيصر:كنت عارف شحال هدا غير كنت كنتسناه حتي يخرج سلاح حيت الي شك فينا عقنا بيه اكيد كان غادي يتصرف مايمكنش يحصل مع ديك لكمية ديال سلاح كاملة داكشي علاش ماقلت ليك والو مهم دابا ها لفيديو وراه رجعت انا ومايكل لكمية كاملة من لمستودع لي كان مخبي فيه روكي السلاح ودوك لي كانو حارسين داكشي عتارفو من بعد بلي روكي هو مول سلاح راه كلشي عندك دابا انت تصرف مع المنظمة وشوف اشنو غانديرو مع روكي   
زهير: مايمكنش روكي يكون بهاد الذكاء اكيد وراه شي واحد هو لي مخطط لهادشي   
قيصر:حتي انا قلت نفس لهضرة حيت روكي مايمكنش يكون ذكي ويسرق شحنة كبيرة بحال هادي من يد لمافيا الايطاليا مهم انت تصرف فروكي وانا راه كلفت هود يعرف شكون وراه شكون عاونو فهاد الفعلة اشنو باقي؟؟...