هود:ههه سكتي غاتشوهينا غير ضحكت معاك..قالك بغا يشوف هاد سهيلة ديال قيصر لي منوضة روينة ههه
انا:(بتعجب)كيفاش زعما مافهمتش
هود:وماعمرك غاتفهمي المكلخة
قيصر:(بالانجليزية)هادي هي سهيلة
مايكل:(هز يدي باسها)ممم طلعات اجمل مما تخيلتها(بالمغربية واخا معكلة)متشرفين سهيلة انا مايكل صديق مسيو قيصر
انا:(بصدمة وابتسامة صفرة)متشرفين مسيو مايكل
مايكل:(كيضحك)بلاش ديك مسيو قولي ليا غير مايكل غايكون حسن
انا:اه واخا
شفت فقيصر بان ليا كيبتاسم انا غير كنشوف مافهمة والو
قيصر:هدا مايكل صديق ديالي لمفضل
مايكل:(كيضحك)واخا تشوفي فارق السن لكبير بيناتنا قيصر من احسن الناس لي كنتعامل معاهم ولدي وخوية وصديقي
انا:(بابتسامة)اه مزيان
مايكل:انت مزال هنا ياك
قيصر:وي شي ايام
مايكل:اوكي غدا انا عارض عليكم عندي انت ومادموزيل سهيلة باش نتعرفو عليها مزيان
قيصر:انشاءلله
مايكل:(باس يدي عاوتاني)تشرفت بمعرفتك اسهيلة
انا ابتاسمت وشديت فهود مشينا فحالنا ركبت فالطوموبيل كنتسناو قيصر هزيت تيليفون تاصلت بواهيبة علي شحال عاد جاوباتني بقيت كنهضر معاها كتبان ليا مريضة واخا كتنكر خليتها علي خاطرها وقطعت..وليت غير كنحط راسي علي شي حاجة كنعس عيت بزاف..جا قيصر ومشينا لوطيل دخلت دوشت لبست حوايجي حسيت براسي ترخيت حطيت راسي علي لمخدة تكا حداية بقا كيلعب بيديه فخصري وكيبوس فيا
انا:قيصر سمح ليا ولله حتي عيانة بزاف ماقدراش فيا نعاس
قيصر:(بابتسامة باسني فشفايفي)حتي انا ماقلت ليك والو غير نعسي باينة فيك عيانة
عنقني ماكملاش دقيقة غيبت ماعقلتش علي راسي حتال الصباح ملي حليت عيني لقيت قيصر ناعس ومعنقني تخشيت فيه كثر وبقيت متكية حداه حتي فاق
انا:(بأبتسامة)صباح نور حبيب ديالي
قيصر:صباح نور سنفورتي زوينة رتاحيتي شوية
انا:وي حبيبي رتاحيت
قيصر:مزيان(باسني فجبهتي وناض لدوش غسل وجهو وسنانو وخرج تبعتو حتي انا غسلت مشطت شعري وخرجت لقيتو فلاطيراس ولفطور قدامو ياله هز كارو بغا يكميه وانا نجلس فوق رجليه وحيدتو ليه
انا:حتي تفطر بعدا ماتبقاش تكمي علي ريق راه غايضرك هادشي
قيصر:(كيضحك)يخلي ليا لي كيخاف عليا
انا:وعلاه الي ماخفت عليك انت علامن غانخاف
قيصر:اح علي زين ديالي انا..قولي ليا بعدا واش مرتاحة هنا
انا:(حطيت يدي علي عنقو وقربت منو)وي حبيبي يكفي انك تكون حداية فينما كنت غانكون مرتاحة
عنقني وحط راسي علي صدرو كيدوز يديه فوق شعري
قيصر:ياكما نعستي
انا:ههه لا علاش
قيصر:حيت شفتك سكتي
انا:ههه لا مانعستش غير كنت كنتسنط لقلبك
قيصر:ايه واشنو كان كيقول
انا:مافهمتوش كان كيهضر بشي لغة ماكنفهمهاش
قيصر:(كيضحك)ههه انسمع قلبك انتي اش كيقول
حط راسو علي صدري شحال وبدا كيبتاسم
انا:اشنو كيقول
قيصر:(كيضحك)كيقول بزاف..والكن قال ليا هادشي يبقا بيناتنا
انا:ههه واخا..كتخبي عليا
قيصر:ههه اه انا وقلبك بيناتنا الاسرار دابا..اوي فطري
انا:واخا نفطرو بجوج
بدينا كنفطرو ونضحكو مرة مرة حتي صونا تيليفونو جاوب من بعد واحد 5دقايق ناض
قيصر:(باسني فجبهتي)ماكرهتش نبقا معاك مي دوماج عندي ماندير مهم كنواعدك من غدا غانبقا غير انا وياك وماغايبرزطنا حتي واحد
ابتاسمت ليه ومشا كيلبس حوايجو..كملت فطوري وبديت كنطل من لبالكون علي منضر شحال غزال لقيت تما ديك لبسة ديال شينوة لبستها كنتصور بيها جاني لحماق..
ابتاسمت ليه ومشا كيلبس حوايجو..كملت فطوري وبديت كنطل من لبالكون علي منضر شحال غزال لقيت تما ديك لبسة ديال شينوة لبستها كنتصور بيها جاني لحماق...عيطت لواهيبة هضرت معاها بقيت مجمعة معاها شحال دخلت لشومبر وبديت كنتفرج...مهم نهار كولو ماخرجت فين حتي هود ماشفتوش واقيلة مشا مع قيصر ملي وصل ليل جات عندي ديك لبنت ديال لبارح قادات ليا شعري وشوية ديال لمكياج ماعرفتش علاش زعما حتي عيط ليا هود قال ليا نوجد راسي عاوتاني نضت لبست كسوة فالبلو مارين وصندالة فنفس اللون عالية درت للمسات الاخيرة هزيت تيليفون ديالي وخرجت لبالكون كنشوف كان منضر غزال فالليل والاضواء بالالوان بقيت ساهية حتي عاود صونا تيلفون جاوبت وخرجت لقيت هود كيتسناني
انا:اشنو واقع فين غادين عاوتاني
هود:مايكل عارض عليكم لعشا
انا:اوف عاوتاني وانت ماغاديش
أنت تقرأ
عاهرة القيصر
Açãoهذه القصة عزيزة علي واخة قديمة و لكن عندها واحد المعزة في قلبي هذشي علاش بغيت نشاركها معكم هي قديمة و لكن احداتها زوينين نتمنى تعجبكم
