عاهرة القيصر

الجزء 12

بداو لخرين كيصفقو جاو كيباركو لينا  
عفاف:(بفرحة)مبروك عليكم اخيرا جا النهار لي نشوف فيه خوية كيحب كنتمنا ليكم حياة سعيدة  
انا:(عنقتها وبست يديها بجوج)شكرا حبيبتي ربي يخليك لينا  
جا زهير حتي هو عنق قيصر وبارك ليه ووقف قدامي انا خطفت شوفة فقيصر لقيتو كيتسني شي حاجة مافهمتش  
زهير:مبروك عليكم كنتمني ليكم حياة سعيدة  
ابتاسمت ليه وبست يديه احتراما ليه غير علي قبل قيصر من بعد باسني فجبهتي  
زهير:حنا دابا عطيناك قيصر واخا غير هو لي عندنا تهلاي فيه نهار نسيق لخبار قلقتيه روحك غانجبدها ليك  
انا تصدمت بقيت كنشوف فيه ونشوف فقيصر كان كيضحك هو وعفاف  
عفاف:زهير سهيلة هي انسب وحدة لقيصر عمرو مايلقا بحالها وانا عارفاها قداش كتبغيه مايمكنش تقلقو  
انا حدرت راسي بخجل اويلي هادو مدوريني بيناتهم عنقني قيصر من بعد جاو لخرين حتي هما كيباركو عاد رديت لبال لواحد لحلوة قدها قداش فيها صورتي انا وقيصر ومكتوب فيها خطوبة سعيدة كل حاجة فهاديك لحفلة كانت مقادة وكتاخد لعقل عمرني فرحت بحال هكا  
قيصر:(كيضحك)ياكما غاتسخفي عاوتاني عفاك بلاش خلي حتي نكونو بوحدنا وسخفي علي راحتك ههه  
انا:ماتصورش شحال فرحانة اقيصر...انت احسن حاجة وقعات ليا فحياتي كاملة  
قيصر:وانتي هي اكبر كارثة وقعات ليا فحياتي كاملة  
انا:(كنضحك)نزل عندي شوية  
قيصر:(بتعجب)ههه واخا  
تحنى عندي شوية شديت وجهو وبستو فجبهتو  
انا:(بابتسامة)كنبغيك بزاف اقيصر  
قيصر:سنفورتي لحمقة كتبغيني  
بقينا كنضحكو وكلشي ناشط وكيحتافل بانت ليا واهيبة وافقة بوحدها وكتشرب عصير ماعجباتنيش حالتها قلبت بعيني علي هود بان ليا واقف مع انجل وكيضحكو مامسوقينش  
انا:(بهمس)قيصر انا غانمشي عند واهيبة نوقف معاها شوية  
قيصر:(بابتسامة)واخا احبيبتي  
خليتو مع زهير ومايكل وجوزيف ومشيت عند واهيبة لقيتها سارحة  
انا:(كنحركها)رجوع لله الاخت فين سارحة  
واهيبة:(بابتسامة مصطنعة)سمحي ليا احبيبتي ماشفتكش  
انا:ماشي موشكيل  
واهيبة:مبروك اسهيلة ولله الي فرحت ليك من قلبي اخيرا وحدة فينا تحقق حلمها كنتمنا ليك حياة سعيدة ومسيو قيصر اكيد غايعوضك علي كاع لي فات  
انا:شكرا حبيبتي ولعقبة ليك حتي نتي  
واهيبة:(بضحكة مستهزءة)ايه...قولي ليا كي دوزتي تسافيرة فهونغ كونغ  
انا:مزيانة واهيبة مالك حالك ماعجبنيش واش عندك شي موشكيل  
واهيبة:(شدات فيدي)ماشي شي حاجة ماتاخديش فبالك انتي خليك فرحانة من بعد ونهضرو  
انا:(بتعجب)واخا علي خاطرك  
واهيبة:(كضحك بزز)كون غير عيطنا لسترة تجي تفرح معانا  
انا:ههه واييه ماتخمميش لعرس نعيط عليها ههه  
وهيبة:ههه غادي يطرطق ليها شي عرق الي ساقت لخبار  
انا:ههه واش متأكدة اوهيبة بلي راك بيخير حيت جيتيني فشكل  
وهيبة:انا ماقلتش ليك راني بيخير غير مابغيتش نهضر فالموضوع دابا حتال من بعد ونعاود ليك كلشي  
انا:واخا لي بغيتي  
خليتها علي خاطرها وبدينا كنشوفو فالبشر ماعجبنيش داك سكوت لي بيناتنا حيت انا واهيبة مامولفينش نسكتو الي كنا بجوج تما عرفت بلي كاينة شي حاجة  
بدينا كنهضرو وسولتها علي لبنات مهم كنحاول نهضر معاها عاودت ليها كلشي داكشي لي داز وطريقة باش طلب مني قيصر زواج فهونغ كونغ وملي قلت ليها سخفت ضحكات بدون شعور خلاتني حتي انا نضحك علي راسي مهم حاولت نخرجها من جو لكآبة لي هي فيه  
واهيبة:(كتشوف فقيصر)كاينة شي مقارنة بينو وبين جاد  
انا؛(كنضحك)بزااااف اوهيبة بزااف  
وهيبة:من غير فلوسو وثروة ديالو  
انا:ههه من نيتك اوهيبة فراسك ماعنديش موشكيل ففلوسو كون ماكان عندو والو غانبغيه بنفس لقدر..هو انسان فشكل اكيد نتي ماغاتشوفيش هادشي لي كانشوف فيه انا  
..واخا هو عصبي قبيح صعيب ماكيتفاهمش...الخ والكن ضريف ورمانسي واهم حاجة انو كيخاف عليا بلا قياس وهادشي بالضبط لي خلاني نبغيه حيت كنلقاه فجنبي وكيحميني وكنحس معاه بالامان(بقات كتشوف فيا بتعجب)عرفتي اوهيبة واخا كتشوفيه هكا كيبان قاسي وصعيب وكاع داكشي لي كيبان ليك فيه والكن راه حنين ولله تصوري كايكون ناشط حتي كنكدها عليه انتي عارفاني لساني مبري مني..كنقول ليه شي حاجة كيتعصب كيحيح.. لغلط راه مني انا وكيجي هو يحزرني ههه بطريقة غير مباشرة مهم هو ماكيبغينيش نبقي مقلقة منو خاصو يهضرني وصافي والي ماهضرناش فاش نبغيو نعسو خاصو ضروري يعنقني وينعسني فحضنو واخا نكونو مخاصمين تما عرفتو بلي بصح قلبو بيض وماكيحقدش..ودغيا كينسي واخا نعيا نوصف ليك باش كنحس من جيهتو ماغانوصل ليك والو كنبغيه بلا قياس
وهيبة:هدا هو قيصر لي كنتي كتخافي منو وكتكرهيه وكتقرفي منو وماحملاهش ياك  
انا:(شفت فيه)تصوري داك لكره لي كنت كنحس بيه تبخر فالهوا مشاعري واحاسيسي كلها تبدلات من جيهتو وليت كنعشقو كنبغيه حد لجنون...علي فكرة حتي هو راه كان كيكرهني ماشي غير انا..يعني شحال من حاجة تبدلات اوهيبة  
وهيبة:(بابتسامة)وي بصح كيقول واحد لمثل ما محبة الا بعد عداوة فراسك انا كنخاف منو  
انا:(باستغراب)علاش!!  
واهيبة:ماعرفتش مهم كنخاف منو عندو واحد لكاريزما وواحد لهيبة فشكل كتخليك تخافي منو...ماعلينا كنتمنا ليكم السعادة انا غانمشي مهم حتال غدا ونهضرو  
انا:علاش غاتمشي دابا باقي لحال تسناي حتي نطلعو بجوج واش ماغاتباتيش فلوطيل   
واهيبة:نونو ولله الي تعطلت راه جيت غير باش نشارك معاك فرحتك مهم غدا الي قدرتي جي عندي للدار غانتسناك باي  
ماخلاتني حتي نهضر بالزربا هزات بوشيط وتيليفون ديالها وحطات لكاس لي كانت هازة ومشات ملي درت بان ليا هود جاي جيهتنا وقف حدايا وبقا كيشوف جيهت لباب منين خرجات  
هود:(هز كتفو ودار ابتسامة ليا)مبروك عليك مدام الناجي  
انا:(كنضحك)ههه مازال ماوليت مدام الناجي ههه باقي خطيبتو اشنو واق..  
ياله بغيت نهضر ونسولو وهي توقف علينا انجل غير لاصقة فيه لله يستر سلمات عليا وعاودات باركات ليا وبقات كتهضر وتمازح هي وياه ويديها غير كيتساراو فجسمو..نضت انا جيهت لبوفيه خديت عصير...