قلبي لا يحتمل 💔 الفصل الثالث عشر (صدمة)
الموت ليس توقف القلب عن النبض بل هو توقف الحياة عن النبض في قلوب لازالت على قيد الحياة
كان يشعر بتوقف الكون من حوله بماذا تخبره خالته الان هل تخبره بموت اختة وابنتة ونصفه الثاني كان زين لا يرى احد ولا يسمع احد بعد سماع كليمات خالته عن موت اخته
كرم : بعد الشر يا سوزي هتبقى كويسة هي في العمليات وان شاءالله تخرج سليمه
سوزان:سليمة ايه بس البت قاطعه النفس ومبتنطقش ووشها وشفايفها زرق
ليتعاطف كرم مع حالتها هذة ويحاول التخفيف عنها
كرم: ان شاء الله خير ادعيلها انت بس
سوزان: يارب اشفيهالي يارب ومتورينيش فيها حاجه وحشه
################
دخلت رهف لغرفة حور تلهث من كثرة جريها
حور:مالك يابنتي في ايه حصل ايه
رهف:الب..البنت اخت زين بيه جت المستشفى على نقالة وحالتها صعبة اوي ودخلوها العمليات
حور:ايه ليه جرالها ايه
رهف:معرفش بس باين عليها تعبانة اوي كأنها جثة شكلها مش هتقوم منها
حور: تفي من بوقك يا رهف ان شاء الله تقوم بالسلامه تعالي بس انت وديني لمكان العمليات لازم اكون جمب زين
رهف:وانت مالك وايه اكون جمب زين دي
حور:هو ايه الي انا مالي لو هنمشيها كدا يبقى هو مالو هو كمان بيا وبعلاجي وحياتي لازم اكون جمبو في وقت زي ده لتجاوب رهف بمكر
رهف: طيب ياختي هعديهالك المرة دي هجيبلك الكرسي عشان مش هقدر اسندك لوحدي لتجلس رهف حور بمساعدة الممرضة على الكرسي ويتجهو الي مكان غرفة العمليات لتتجه حور الي زين وتتجه رهف الي سوزان لتحاول تهدئتها
رهف:معلش يا طنط ان شاء الله تقوم بالسلامه
سوزان:يارب يا بنتي يارب
#####عند زين######
حور:طمن قلبك يا زين هتبقى كويسة متقلقش ادعيلها انت بس... لتتفاجئ بزين ينزل لمستواها و يحتضنها ويبكي كالطفل الصغير الذي يبكي بين زراعين والدته لتصبح هي كالتمثال دون حركة من صدمتها من فعلته
زين: انا مش هقدر اعيش من غيرها يا حور سلسبيل دي بنتي ياحور مش اختي مش هقدر اعيش من غيرها يوم واحد لو جرالها حاجه انا ممكن اموت لترفع حور يديها بتوتر وتضعها على شعره وتقول وقد شعرت بالاحراج وهي تحاول ابعادة دون ان تحرجه ووتقول:
هتقوم بالسلامة يا زين ادعيلها لتنظر الي كرم ورهف وسوزان الذين لم ينزلو نظراتهم من عليهم وافواههم مفتوحة من الصدمة فهي اول مرة يرو زين بهذة الحالة حتى سوزان لا تتذكر رؤيته يبكي الا في طفولته وبين احضان والدته
لتشعر حور ان وجهها سينفجر من الاحراج فأصبح وجهها مصبوغ بحمرة جبارة من اثر حرجها لتهمس لزين وقد شعرت ببداية هدوءه
حور: ممكن تبعد عشان انا مكسوفة اوي وكدا مينفعش ليستجيب لها ويقف على قدمه ولكن بوجه ثابت وبارد من يراه الان لا يصدق انه هذا الذي كان يبكي منذ ثواني ليخرج الطبيب من الغرفه ليهرولو جميعآ حوله
زين:سلسبيل عاملة ايه يا دكتور
الطبيب: هي بقت احسن عن ما جت طبعا احنا عملنالها غسيل معدة كانت واخدة جرعة زيادة اوي من دوا واظن كدا انها محاولة انتحار فهنضطر اننا نعمل محضر
زين: مفيش الكلام ده ومفيش حاجه من الي انت قولتو هيحصل واظن كلامي مفهوم
الطبيب:انا مقدرش اخالف ضميري يا زين بيه
زين: طب سكت ضميرك المرة دي عشان مسكتكش انا بطريقتي ليتوتر الطبيب هو يعلم زين جيدآ ليتابع حديثه بتوتر :
لازم تحافظو على نفسيتها الفترة دي ويستحسن تعرضوها على طبيب نفسي
سوزان: نقدر نشوفها امتى
الطبيب:احنا هننقلها غرفة عادية دلوقتي شويه وهتقدرو تشوفوها بس ياريت متجهدوهاش ليشكر كرم الطبيب ويرحل وتتجاهل حور النظر الي زين من فرط احراجها منه الان لتتجه الي سوزان
حور: الف سلامة عليها يا طنط ربنا يخليهالك لتنزل سوزان لمستواها وتضع خصلات حور وراء اذنها بحنان ام واضح لتقول:
ويخليكي ليا يابنت الغالي لتحاول حور استيعاب هذة السيدة التي لا تفهمها ابدا ولكن يقطع تفكيرها رهف التي قامت بتحريك كرسي حور لتتجه الي غرفتها وما ان دخلو الي الغرفة لتهتف رهف :
ده ايه الي حصل قدامي ان شاء الله ده انت ازاي سيبتيه ازاي مزقتهوش ولطشتيه بالقلم
حور:معرفش اتسمرت مكاني وخوفت ابعدو وهو في الحالة دي بس متخافيش اول ما يفوق هزعقلو واعرفو غلطو
رهف: ما كان في وقتها ياختي ما خلاص الي حصل حصل ياختي
################
في الغرفة التي نقلت اليها حور وقد استعادت وعيها
سوزان: ليه يا سلسبيل يا حبيبتي تقليقينا عليكي وتعملي في نفسك كدا
ولكن ما من رد كانت شاردة لا تسمع ولا ترى لتبكي سوزان على حالة ابنة اختها هذة
زين: سلسبيل انا جمبك لغاية ما هتخرجي من الي انت فيه ده بس قولي يا حبيبتي ليه عملتي كدا وميهمكيش حاجه قولي عشان خاطرى ليأتيه عدة رسائل على هاتفه ويتجاهلها ليليهم اتصال اخر من رقم غريب ليخرج زين من الغرفة ليستطيع الرد ليأتي الصوت من الهاتف
مجهول : افتح يا زين باشا الرسايل اصل في حاجه هتعجبك اوي ومنها تعرف اختك انتحرت ليه انتشر خبر موت سلسبيل ولم ينتشر بعد خبر انها نجت من الموت ليغلق زين الهاتف ويفتح الرسائل ليرى صور لأختة البريئة كعاهرة
يتبع......
أنت تقرأ
قلبي لا يحتمل 💔
Romanceبريئة كل ما تريدة حياة هادئة دون صراعات وضغوطات تطمح ان يستريح قلبها وهو صارم لا يرى سواء عمله ولكنها غيرت كل حياته في لمح البصر واعتمدت قلبه كعرش لها
