قلبي لا يحتمل 💔

قلبي لا يحتمل 💔 (كم كنت مغفلة)

قلبي لا يحتمل💔 الجزء الاول (كم كنت مغفلة )
تمشي ؟؟تمشي يعني ايه يعز وسفر ايه وزفت ايه بس هو احنا مش المفروض مخطوبين وانت قدامك مهلة تجهز نفسك ؟كل ده ايه نسيتو
هذا م قالته حور بانفعال واضح
عز:يحبيبتي افهمي انا هسافر اكون نفسي هناك انتي شايفه ان ده حال واحد يتجوز انا لا حيلتي شقه ولا جبت شبكة ده خاتم فضه معفن هو الي خطبتك بيه
حور :هو انا اشتكيت
عز:لا مشتكيتيش يحور بس انا تعبت تعبت من كل حاجه انا قدامي احلام وطموح لازم احققو يحور  ممكن تقوليلي فين الشغل ولا هو مرتب ال ٢٠٠٠جنية في الشهر هو ده الي هيعيشنا خلاص افهمى بقا
حور :ايوه هيعيشنا يعز المهم نبقى مع بعض مش تسافر وتسيبني ولا اكنى موجوده في حياتك وانا معاك وهفضل جمبك الفلوس مش كل حاجه يعز في حاجات اهم مش احنا بنحب بعض ؟
كان هذا سؤالها وهي تتمنى من داخلها ان يكذب افعاله ويخبرها بحبه لها وانه يريدها هي فقط ولكن وقع عليها الرد كدلو الماء البارد
عز :حب ايه وزفت ايه بس انت كمان هناكل حب هنشرب حب هو انت ايه مبتفهميش متخلي عندك طموح ولو ينفع شويه دم كمان ده بدل م تقوليلي تروح وترجع بالسلامة يحبيبي وهستناك العمر كلو
ابتسمت ابتسامة ساخرة بمعنى لا فائدة وقالت :لا مش هناكل حب ي عز انت صح وقامت بخلع الخاتم ووقفت وتختم قولها انا مش هقدر اكمل معاك يعز الحب مش كفايا فعلا في اولويات في حياتنا لازم نحافظ عليها زي نفسنا مثلا
عز: مش هتقدري ايه يروح امك ؟؟ده على اساس ان ده قرارك لوحدك وانا ايه مش موجود ولا تكوني شيفالك شوفه يبت انتي
لتنزل صفعه على وجهه وتقول انت تخرس خالص انت فاهم انا اشرف من ان واحد زيك يتكلم عليا نص كلمة كل الموضوع اني عرفت قيمتي بالنسبالك ايه وقررت احافظ على الباقى من كرامتى سلام يا اكسلانس
لتفيق من ذكراها التى مر عليها ٥سنوات  على صوت رهف صديقة طفولتها لتنبهها بقولها حور انتي سرحانه في ايه يبنتي يلا يماما ورانا غسيل اطباق بالكوم تقوليش هنغسل اطباق الحارة كلها ولو اتأخرنا صاحب الزفت المطعم مش هيحلنا ولا العقربة وام اربعة واربعين صاحبة السكن لتقوم حور بالضحك على قول صديقتها وتقليد صوت سهام صاحبة السكن الذي يعيشون به التى لا تقبل بالتأخير عن ١٠مساءا وتقول والله عال ي حبايب الست الوالدة الي بليتنى باشكالكم بت انتى منك ليها انتو هتفضلو تجولي متأخر كدا لأمتى الي يشوفكم وانتو جايين السعادى يقول شغاليين في كباريه مش مطعم
ليضحكا سويآ على م يصيبهم من اذى من هذه الدنيا الشاقه ولكن لا يستطيعون تغيير الواقع
رهف :بقولك ايه يبت ي حور
حور :قولي ي اخرة صبري 
لتتردد رهف هل تقول لصديقتها عن ما حدث ام لا لتقول لها حور مالك يبت انت ترمى الكلمة وتسكتى كدا ليه عاملالك عمله ولا ايه ولا عايزه فلوس لتضحك وتضيف لو فلوس انت عارفه الي فيها مفلسين كلنا ياااابااا
لترد رهف بتوتر قائله لا ولا مصيبة ولا حاجه ولا حتى فلوس ياختى متخافيش بس اصللل
اصل ايه يرهف قلقتيني
قالتها بتوتر ناتج عن خوفها ولكن صدمها الرد اكثر مما توقعت
اصل انا عرفت ان الزفت الي اسمو عز رجع من السفر
وكأن العلم سكن تماما من حولها فلا تشعر ولا تسمع اي احد كل م في بالها الان هو ذكرياتهم سويآ في اوقات الشجار والفرح والمذاكرة والفراق بينهم فمهما انكرت هي تحبه نعم تحبه رغم كل م فعله بها من اهانات وخيانه ولكن ماذا نفعل في هذا القلب الذي لا يقع الا في حب من يأذيه فقط لتقول بالرد على صديقتها محاولة مداراه ما بداخلها طب وفيها ايه م يرجع ولا يتنيل انا مالي لتقول لها رهف بأعجاب لا ينتى م هو مش راجع ايد ورا وايد قدام ده بقا مليونير بقا رجل اعمال كبير اوي خالص بس في بيقولو ان شغلو كلو شمال وعامل حفلة بمناسبة رجوعه بلدو تاني ولامم فيها كبارات البلد كلهم متيجي نروح ي حور واهو نشوف عز المقشف بقا عامل ازاي
لم ترد عليها كانت في عالمها الخاص عالم الألم ليقطع شرودها دخول صاحب المطعم وتجمع جميع عمال المطعم لأمر هام
المدير : انهاردة جايلنا واحد من اكبر رجال الاعمال في البلد واختار مطعمنا مخصوص عشان يحتفل برجوعه مصر انا مش عايز غلطة مفهوم ليقوم احد العمال بالسؤال هو مين هو يفندم ليأتي الرد الذي قلب جميع الموازين
المدير :عز الاحمدى صاحب واحدة من اكبر شركات السياحه في البلد
يتبع.....