قلبي لا يحتمل💔الفصل الخامس والعشرون(ولادة حب)
تمنِيت لقَائك صدفة ولو مرة؛ ولكن حتى الأحلام لا ترينِي عينَاك.
################
عزيزة بفخر: تمرت فيك التربية يا واد ياعز
عز بسخرية: دلوقتي بتتكلمي عن التربية هو انا اتربيت اصلا
عزيزة: سيبك من الكلام ده دلوقتي انت دلوقتي هتساون زين على الي تعرفو عشان متفضحش البت حور والعقربة رهف صح
عز: مش بس كدا وحياتك انا دمرتو من كلو اختو ومشيتها في سكة المخدرات وخالته وخليتها بين نارين وحور خليت الدكتور بقول انها عندها سرطان وأسهم شركتي رجعت زي الأول وخدت مساعدات من ناس معرفة ده غير الي هاخدو من وراه
عزيزة: احسن اهي الوفتة حور تبعد عننا
عز: ده بعينها حور مش هتبقى لغيري يا امه فاهمة ولا لا
################
حور بأنهيار: يعني ايه؟ يعني رهف اختي؟ وسوزان هانم امي؟ وبابا بالشر ده؟ مستحيل مستحيل ده يكون حصل
سوزان ببكاء: اقسملك بالله ده الي حصل أنا مكنتش اعرف كل ده
اما عن رهف فبقت صامتة ولا تتحدث من الصدمة وتنقض حور بعدوانية على زين
حور: انت كنت تعرف مش كدا وادحلبت وطلبت ايدي عشان تنتقم منو فيا صح؟
زين ببرود: بلاش اتهامات باطلة ملهاش أساس من الصحة
حور بصراخ: اومال اعمل اييي؟ انت ميننن وعايز مني أيه انا هتجنن
ليحتضنها زين ليهدأ من روعها وتبكي هي بعنف شديد من كم للصدمات التي تعرضت لها ليشعر زين بثقلها وهدوئها فجأة ليجدها فقدت الوعي ليحملها ويضعها على الأريكة وكاد قلبو أن ينفطر عليها
سوزان بخوف: بنتي...بنتي مالها يا زين
زين بصراخ في كرم: اطلب الأسعاف يا كرم انا لازم انقلها اقرب مستشفى دلوقتي
ليذهب كرم بسرعة وتحاول سوزان أن تجعلها تفيق ولازالت رهف غير مستوعبة لما يحدث حولها لتفيق على صراخ سوزان لتجد حور فاقدة للوعي وانفها تنزف الدماء بشدة
رهف بتوتر: هوا هولها هي محتاجة تتنفس مناخيرها بتنزف من الزعل والحر
لتحضر سوزان شئ يتجه الهواء بأتجأه حور لتفيق حور بعد قليل وتصبح رؤيتها مشوشة ويدخل كرم سريعًا
كرم: عربية الأسعاف برا وهيدخلو بنقلوها
################
في المشفى
زين: ها يا دكتور حور عاملة أي
الطبيب: زي الفل بس اتعرضت لضغط نفسي شديد
زين: في قالنا أن احتمال يكون عندها سرطان دم
الطبيب بصدمة: مفيش الكلام ده بس عمومًا التحاليل هتظهر بعد شوية ونتأكد تاني
سوزان: اقدر اشوفها
الطبيب: ايوا طبعا بس نصيحة تعرضوها على طبيب نفسي عشان متأذيش نفسها بسبب نفسيتها الوحشه
ليدخلو جميعًا ليجدوا حور صامتة ولا تتكلم وتنظر الي مكان واحد امامها
سوزان: الف سلامة عليكي يا بنتي
كرم: قلقتينا عليكي يا مدام حور
لتنظر له حور من نطق كلمة (مدام) لها وتنظر لزين مجددًا
حور: انا عايزة أطلق
سوزان بصدمة: طلاق اي يا بنتي بس
حور بأنهيار: متقوليش بنتي متحيبيش السيرة دي قدامي
لتنظر سوزان لرهف برجاء
سوزان: قولي حاجه لأختك يابنتي
تضحك رهف بسخرية: اختي وبنتك جديد عليكي الشغل ده يا مدام
كرم: في يا يا رهف دي الطريقة الي تعاملي بيها والدتك
رهف بغضب: ام مين يا جدع انت هو انتو هتكدبو الكذبة وتصدقو نفسكم ده انتو خدعتونا واوهمتونا
حور بهدوء: مفيش ام تنتقم من بنتها وتنظر لزين بأنكسار
ولا زوج يسيب مراتو تترمي في الشوارع ٥ سنين
زبن: كلو يطلع برا
رهف بعداء: برا فين يا جدع انت هتصدق نفسك ولا اي
زين: اطلعو برا عايز اقعد مع مراتي شوية
حور: اطلعي يا رهف هم خمس دقايق يا زين باشا
ليخرج الجميع بالفعل
زين: سامعك
حور: انت الي سامعني؟ انت الي لازم تتكلم
زين: تمام بس مترجعيش تزعلي
أنا مكنتش اعرف بوجودك اما قررت انتقم من هادي الدسوقي انا كنت هنتقم لخالتي الي ربتي وواحد ناقص ضحك عليها وخد فلوسها وأما طلبت ايدك زمان كنت عايز احصرو على اي حاجه توجعو وخلاص
حور بألم: وطبعًا بعد ما مات وقعت شركاتو وخدتها ليك وبكدا حق خالتك رجع صح ومش مهم بقا الي هتترمي في الشوارع وتتمرمط وتتهان
زين: خالتي دي تبقى امك
حور: بس متقولش امك
زين: ده الظاهر عز باشا مسخنك اوي علينا
لتنظر له حور بصدمة
زين: متتخضيش اوي كدا يا حوري مانا لما دخلت اوضك حطيتلك جهاز تنصت صغير اوي وسمعت الباشا وهو بيقولك قد اي جوزك شرير وحرامي بس طبعًا مقالش الكلام الي قولتهولك
حور بسخرية: وانا يا راجل الي فكرتك حسيت بالذنب وبتصالحني اتاريك جي تحطلي حاجه تراقبني بيها
زين: زين الأحمدي مبيسبهاش عايمة يا حور
حور بغضب: انا بكرهك يا زين وبكره عز وبكرهكو كلكو ومش عايزة حد منكم وهطلق وهاخد منك مؤخري واعيش بيه ومش عايزة شقتك الي بأسمي ولا اي حاجه منك فاهم ولا لا
زين بمراوغة: بتحلمي يا حورى
حور: لا هطلق وهقابل ناس جديدة وهحب جديد حد يقدرني ويصوني بجد واعيش معاه في سلام
لتتحول ملامح زين الباردة الي أخرى قاسية
زين بصوت جهورى: ورب الكعبة يا حور لو حد بس فكر يبصلك بصة واحدة لكون ماحيه من على وش الدنيا
حور: وده لي بقا ان شاء الله
زين: عشان انت ليا انا وبس
حور: انا مش ملك حد
زين: لا انت ملكي كلك على بعضك ملكي وابقي وريني بقا الدكر الي هيفكر يبصلك
ليخرج من الغرفة ويصفع الباب خلفه بقوة تماثل قوة غيرته وتبتسم حور برقة على غيرتة عليها ومشاعره التي خصها هي فقط بها
حور: بحبك يا زين والله بس والله برضو لأربيك
################
كرم يا رهف مينفعش كدا بس
رهف: هو اي الي مينفعش انت عايز تجنني اصحى انام الاقي ابويا الي طفش من ابويا وامي الي ماتت اصلا مش موجودة وامي عايشة والمطلوب مني افرح واترمي لي حضنها
كرم: يا رهف الست دي عانت كتير اوي واديكي سمعتي بودنك متجيش عليها انت كمان
رهف: وانا مين يعوضني على الي عيشته والي بعيشه حسو بيا بقا
كرم: انا هعوضك عن الي فات والي جي بس خليكي جنبي متبعديش
لتنظر له رهف بتردد ثم تنظر لسوزان التي تبكي بجانب غرفة حور بشدة لتشعر بالذنب الشديد لتذهب لها بتوتر
رهف بتردد: سوزان هانم
لتنظر لها سوزان بمقلتيها التي امتلأت بدموع القهر
سوزان: ممكن احضنك
ليرق قلب رهف لها وتحتضنها بشدة وتبكي هي الأخرى بقوة وتزداد شهقاتهم معًا
سوزان: انا...انا أسفة على الي شوفتي في حياتك يا بنتي والله انا..انا مكنتش اعرف
رهف: متعتزريش يا سوزان هانم انا....
لتقطع سوزان كلماتها
سوزان: قوليلي يا ماما
رهف بصدمة: ماما؟
سوزان: ايوا
رهف: سامحيني يا سوزان هانم بس انا...انا عمري ما قلتها قبل كدا
سوزان: بس انا نفسي اسمعها
رهف: قريب هتسمعيها بس مش هقدر دلوقتي
سوزان: طب...طب قوليلي ياسوزي
رهف: إذا كان كدا ماشي
لتحتضنها سوزان مجددًا
################
كرم: حبيتها يا زين
زين: حبيتها بس، دي دخت قلبي وربعت كسرت الحصون الي حطتها سنين دخلت عشان انتقم لاقيتني واقع في الحب وفي كل تفاصيلها حياتي اتمحورت حواليها مش عارف تشوف واحدة غيرها
كرم: ياعيني ياعيني لا وهي البت قمر وتتحب
زين بغضب: اتلم احسنلك احسن اوريك انا النجوم في عز الضهر
كرم: خلاص يا عم متمسكليش على الكلمة وبعدين انا اصلا كمان شكلي وقعت، لا وقعت ايه ده انا اتدهولت في حبها
زين: جيت انتقم حبيتها في انتقامي
كرم: هطلقها
زين: أطلق مين انت كمان انا بس هسيبها براحتها الفترة دي وهخليها تحت عنيا بس من بعيد لبعيد وهربيها شوية كمان
كرم: طب انا بقا ياعم
زين: انت ايه
كرم: انا طالب ايد بنت خالتك رهف
زين: لا انت امرك لسة طويل يا شبح طير انت البت صعبة وانا لو مسكتها هقصلها لسانها المترين ده
كرم: ياعم انت جوزهالي بس وانا هلملها لسانها الي مدايقك ده
زين: انا مليش في كلمها وشوف رأيها مع اني رأيي تستن. عليها شوية عشان الصدمة الي خدتها دي
كرم: هعمل كدا بس مش هصبر كتير والا والله اخطفها ومتعرفوليش طريق انا حذرتكم اهو
################
في نهاية اليوم تخرج حور من المشفى وتقرر الذهاب لشقتها مجددًا
سوزان: حور انا عايزة اتكلم معاكي
حور بتعب: بعدين يا مدام سوزان هنتكلم في كل حاجه
سوزان بألم: اي مدام سوزان دي بس انا أمك
حور: صدقيني كدا افضل انا مش هنساكي وهكلمك كتير بس مش وقتو
زين: سيبي الليدي حور على مزاجها يا سوزي اما نشوف اخرتها
حور في سرها: اخرتها خراب على دماغك
مش معقول زين الأحمدي هنا
لينظر الجميع لصاحبة الصوت ليجدوها فتاه غاية في الجمال ترتدي بنطال جينز وبلوزة من اللون النبيتي وعليهم معطف الطب
زين: ازيك يا سالي
لتحتضنه سالي مما أدى لمفاجأة الجميع
سالي: ازيك يا سالي كدا وخلاص موحشتكش يعني
حور: كلك وحش
سالي بصدمة: افندم
حور بغضب: بقولك انتو تعرفو بعض
سالي بدلع: طبعًا ده زيني عشرة سنين
حور: زينك؟! اممم احب اعرفك بنفسي
لتمسك حور يد سالي بقوة من غيظها
حور: حور الدسوقي مراتو
سالي بصدمة: زين انت اتجوزت
زين بمشاكسة: اه بس هطل....
لتقطع حور كلماته
حور: هيطلعني في شهر عسل، اصل احنا عرسان جداد بقا انت فاهمة
سالي بغيظ: اممم الف مبروك عن اذنكم
لترحل سالي ويقترب زين من حور ويهمس لها
زين: هو انا طالع شهر عسل وانا معرفش ولا ايه
حور: ده بعينك
زين بمراوغة: مش عارف لي يا حورى شامم ريحة غيرة في الموضوع
حور بسخرية: يبقى تروح تكشف انف وبالمرة دم
رهف: يلا بينا يا حور
حور: يلا يا رهف
زين: ماشي يلا هوصلكم
حور: لا معلش هناخد تاكسي
ليمسك زين بيدها بقوة ويدفعها داخل السيارة
زين: طول مأنت على زمتي يبقى تسمعي كلامي وبس
وتركها ويغلق الباب ويوصلهم الي الشقة بعد أن أمر بالحراسة عليها وقام كرم بإيصال سوزان للقصر لتخرج حور من السيارة وتتجه لشقتها
رهف: انا هروح اشترى حاجات من السوبر ماركت اكيد البيت ناقصه حاجات
ليأوم لها زين بالذهاب ويصعد خلف حور وقبل ان تغلق حور باب المنزل يمنعها زين من إغلاقه ويدخل ويغلق الباب
حور: انت اتجننت بتتهجم عليا في بيتي
ليقترب منها زين ولا يتكلم
حور: انت عايز ايه يا زين
ليبقى زين يقترب وهي تبتعد حتى أصبح الحائط خلفها زين أمامها والمسافة بينهم معدومة
حور: زين ابعد
زين: لي
حور: عشان كدا عيب ابعد
زين: تؤتؤتؤ مش عيب خالص انت مراتي
حور: على الورق وبس
زين: لا متقلقيش من الناحية دي شوية ومش هيبقى على الورق
لتتلعثم حور في حديثها
حور: رهف....رهف هتيجي
زين: ما تيجي
لتشهق حور بصدمة: فار
لينظر زين الي ما تنظر إليه ليجدها هربت منه ولكنه امسكها مجددًا وضمها إليه بعناق ملئ بالحنان وتحاول حور الخلاص منه ولكن لم تستطيع لتستلم في النهاية ليتركها زين ويطبع قبلة على وجنتيها الي أصابها الحمار الشديد من الخجل
زين: راجعلك تاني يا حوري بس متخليش دماغك تسوحك
ويتركها هي في صدمتها مما فعل وتضع يدها على مكان قبلته
حور بجخل وفرحة شديدة: يخربيتك جنانك، بحب قمر يا ناس
################
عز: يعني اي يا أمين باشا بتتخلو عني في النهاية
أمين: انا مليش في الشغل الشمال يا عز خليني براها كدا انا مش ناقص شوشرة
عز: وديني لطربقها على دماغك يا أمين انا عز وهجيب حقي منك ومن الي ممشيك وراه زي البهيمة
ليأتي زين من خلف عز
زين: اي طولة اللسان بس يا عزوزززز
################
تصرخ سلسبيل بألم بسبب عدم أخذ جرعة المخدر
سلسبيل: خرجوني من هناااااااا يا زييييييين مش قادرة هموووووت يا زييييين
مجهول: عايزاني اريحك
سلسبيل: ارجوك انا في عرضك
مجهول: بس بشرط
سلسبيل: اي حاجه انا موافقة
مجهول: يبقى هتساعدبني نقتل زين الأحمدي اخوكي
يتبع......
آلاء ايمن
عارفة أن بقالي كتير مش بنزل بس والله غصب عني الشغف صفر
أنت تقرأ
قلبي لا يحتمل 💔
Romansaبريئة كل ما تريدة حياة هادئة دون صراعات وضغوطات تطمح ان يستريح قلبها وهو صارم لا يرى سواء عمله ولكنها غيرت كل حياته في لمح البصر واعتمدت قلبه كعرش لها
