قلبي لا يحتمل 💔 الفصل الثامن عشر (عودة ساحقة)
التفكير الزائد هو القاتل الاول لسعادتك
تجلس حور شاردة على مكتبها في الشركة
الساعي : يا انسة انسة رهف
لتنتبه له رهف
رهف: مش تخبط يا عم محمد وانت داخل
عم محمد: والله يا بنتي انا خبطت لغايت ما ايدي نملت بس انت الي سرحانه في ملكوت تاني
رهف: معلش والله ياعم محمد مسمعتكش كنت سرحانه
عم محمد: ايه الي واخد عقلك
لتبتسم له رهف فهذا الرجل يشعرها بحنان الاب الذي حرمت منه حيث اختفى والدها ولم تراه في حياتها حتى لا ينفق عليها هي ووالدتها لتكبر في منزل السيد هادي والد حور ليعاملها كأبنه له ويعلمها حتى تخرجت من الجامعة
عم محمد: في واحد برا عايز يشوفك
رهف: واحد! واحد مين
عم محمد: والله يا بنتي ما اعرف مرضيش يقولي اسمو
رهف: طب دخلو يا عم محمد اما نشوف عايز ايه ليخرج عم محمد وينادي الرجل لتتجمد حور بمكانها ما ان رأت وجهه انه كرم
فأخر حديثها معه طلب منها الزواج
Flash back
كرم: تتجوزيني يا رهف
لتلتف له رهف بصدمة ولا ترد عليه
كرم: عايز اعرف ردك يا رهف
رهف: رأيي في ايه
كرم: انا عايز اتجوزك يا رهف
رهف: تتجوز مين يا جدع انت اعرفك منين ولا تعرفني منين عشان تطلب طلب زي ده اصلا
كرم: كل الي اعرفو يا رهف اني معجب بيكي ومش عارف اخرجك من دماغي انا حاسس اني حبيتك
رهف: حبيتني مره واحده لتتابع بأستنكار
هو انت تعرفني تعرف ظروفي حياتي مشاكلي تعبي والقرف الي انا فيه شوفتي زعلانه ومبسوطه ومدايقه ومتعصبه وبعيط وبضحك انت متعرفنيش انت مستحقش حتى انك تعجب بيا
كرم: يارهف انا مشوفتش زيك قبل كدا وعمرى ما فكرت في حد بالطريقة دي انا مش سهل احب يا رهف
رهف: سهل ولا صعب ده ميخصنيش وبعد اذنك اياك ثم اياك تخليني المح طيفك حتى عشان معرفش ساعتها انا ممكن اعمل ايه
لتعود رهف من ذكرياتها على صوته
كرم : ينفع اقعد
رهف: انت ايه الي جابك هنا
ليقول كرم وقد ظهر اليأس والارهاق في عينيه وهيئته
كرم: يعني امشي
لتتوتر رهف وقد شعرت بالشفقة عليه لتجاوب بهدوء
رهف: اتفضل اقعد ليجلس كرم ويخرج تنهيده بان بها كل ما فعلته به الحياه
كرم: انا تعبان اوي يا رهف
رهف: تعبان ازاي يعني من ايه
كرم: من الدنيا الي خدت صاحب عمرى
رهف: استغفر الله العظيم استغفر ياعم الموت علينا حق
ليستغفر كرم ربه
كرم: كل حاجه ضدي حاسس اني في دوامة انا ومش فاهم حاجه اخويا ومات واختو وبقت واحدة تانية بتشرب وتسكر وترجع وش الفجر وشبه اتجننت وسوزان ومش بتبطل عياط والبنت الوحيدة الي حبيتها تقريبآ كدا بتكرهني وانا مطلوب مني اتابع شركات زين وشغلي وحياتي وحياه سلسبيل وسوزي واحاول انساكي مع ان ده مستحيل ليتنهد مجددا بيأس
كرم: انا شايل فوق طاقتي يا رهف ومش قادر اكمل
رهف: انا... انا مش عارفه اقولك ايه انا مبعرفش اواسي بصراحه مش حلوة في الحوارات دي
ليبتسم كرم ويفرك عينيه بتعب
كرم: انا مش طالب منك حاجه انا بس عايز اتكلم واتكلم معاكي انت بس لتخجل رهف من كلماته وقبل ان تجيبه وجدت هاتفها يرن
رهف: ايه ده عم احمد البواب بيكلمني ليه ده مبيطقش يسمع اسمي حتى ليضحك كرم عاليآ ويقول بين ضحكاته
كرم: هو انت كده على طول عاملة مشاكل مع نص الكرة الارضيه
لتنظر له رهف بغيظ وتجيب على هاتفها
رهف :الو يا عم احمد عايز ايه
عم احمد: الست حور يا رهف هانم الست حور اتخطفت من قدام باب العمارة لتنتفض رهف من مكانها
رهف: انت بتقول ايه يا جدع انت انا جايه حالا اسبقني على القسم بسرعه
لتغلق الهاتف وتتجه للخارج ليوقفها كرم
كرم: في ايه يا رهف
رهف: حور يا كرم حور اتخطفت
################
تدخل سوزان غرفة سلسبيل لتجدها نائمة لتجلس بجانبها على السرير وتمسح على خصلاتها برفق لتستيقظ سلسبيل وتقول وقد غلب على صوتها النوم
سلسبيل: في ايه يا سوزي
سوزان : في ان حالك مش عاجبني يا سلسببل
سلسبيل: يوووووه كل شويه حالك مش عاجبني حالك متغير انا تعبت تعبت ابعدو عني بقا يارب اروح عن زين وارتاح واخليه يسامحني
سوزان: يسامحك على ايه
لتتوتر سلسبيل
سلسبيل: على اي حاجه وحشة عملتهالو في حياتي
لتنظر لها سوزان بشك ولكن لا تجد ما تقوله
سوزان: مفيش خروح متأخر تاني يا سلسبيل
سلسبيل : ازاي يعني يا سوزي
سوزان: زي الناس يا سلسببل انا الي عندي قولتو كفاية اوي عليكي كدا لتخرج سوزان من الغرفة وتصفع الباب خلفها بقوة لتتأفأف سلسببل بضجر وتكمل نومها فالنوم هو مهربها الوحيد من كل ما حدث
################
تجلس حور في وسط مجموعة رجال ويديها وقدميها مكبلين وموضوع على فمها ما يمنعها من الكلام ولكن كانت تزوم بكل قوتها
احد الرجال: دي باينها تعبت ياض من كتر الكتمة
الرجل الثاني: طب ما تفك بقها كدا اما نشوف المزة عايزه ايه ليقوم احدهم بفك فمها لتصرخ بقوة
حور: انتو عايزين مني ايه انتو مين وجايبيني هنا ليه
الرجل: والله يا اختي انا معرفش انت هنا ليه بس انا ممكن اقرر انت هنا ليه عادي على فكرة ليمسح على خصلاتها بوقاحة لتبصق حور في وجهه ليقوم هو بصفعها بقوة لدرجة اسيلت الدماء من فمها
ليصرخ احدهم من وراء هذا الرجل صوت لا تجهله حور
عز: انت يا حيوان ازاي تمد ايديك عليها
الرجل: والله هي الي قلت ادبها
عز:انت مش عارف انا مين
الرجل: لا معرفش يا شاطر انا الي ليك عندي عملتو البت وخطفتها وجبتهالك في حته مقطوعة مفيهاش صريخة ابن يومين غير كدا انا مليش فيه ليأمر رجاله بالرحيل ليرحلو جميعآ ويبقى حور وعز وحدهم
حور: انت يا **** الي عملت فيا كدا انا كنت عارفه انك اكيد مش هتفضل ساكت كدا بس حتى كنت تستغلى جايبلي عيال شحاتين يخطفوني
عز: معلش بقا انا عارف ان حور الدسوقي تستحق الافضل وكمان ارملة زين الاحمدي
بس اعمل ايه العين بصيرة والأيد قصيرة
ليختلف وجهه من السخرية الي البكاء
عز: حور انا لسة بحبك انا مش قادر ابعد عنك ولا ابطل احبك لتضحك حور بتهكم
حور: بتحبيني ؟!وهو الي يحب حد يحاول يقتلو
عز: مقدرتش اشوفك مع حد غيري يا حور
حور:فقولت يا ليا يا للموت مش كدا
عز: ايوه كدا يا حور انت ليا انا وبس
حور: نجوم السما اقربلك مني يا عز انت فاهم
عز: يا حور اسمعي مني خلينا نرجع وننسى كل الي حصل والحي ابقى من الميت
#ده بعينك يا عين امك#
ليلتفت عز خلفه وتنظر حور الي مصدر الصوت لتشعر بسكون الكون من حولها
زين: هو في حد برضو يا عزوز بيتجوز ست متجوزة مش عيب كدا
يتبع......
#########################
مش عارفه قلبي الطيب ده هيوديني في داهية يعني مش عارفه اوقف ولا اكمل اعملو النجمة يا اخواتي وكومنت مش هتخسرو حاجه يعني🥺
أنت تقرأ
قلبي لا يحتمل 💔
Romanceبريئة كل ما تريدة حياة هادئة دون صراعات وضغوطات تطمح ان يستريح قلبها وهو صارم لا يرى سواء عمله ولكنها غيرت كل حياته في لمح البصر واعتمدت قلبه كعرش لها
