قلبي لا يحتمل 💔

قلبي لا يحتمل الفصل الثاني والعشرون (اوراق الماضي)

قلبي لا يحتمل💔 الفصل الثاني والعشرون (أوراق الماضي)
انت دائي وانت دوائي يا فقيدتني وانت هوائي من دونك اختنق حتى ألقى مصيري
وقعت كلمات الطبيب على زين كالصاعقة وكأن الكون سكن حوله لا يسمع ولا يرى
الطبيب: زين بيه ...زين بيه
ليصرخ به زين ويمسك بقمصة ليشعر الطبيب ان نهايته ستكون على يد زين الان
زين: انت متشكش ...انت فاهم  انا لو حسيت بسس ان حور مش هتبقى كويسه هقطع خبرك انت فاهم
الطبيب:انا...انا مفيش في ايدي حاجه انا بقترح انك تعملها التحاليل عشان نطمن ولو في حاجه نقدر نعالجها ونلحقها ده مش ذنبي
زين: هنشوف بس لو جرالها حاجه متلومش الا نفسك
واه مفيش حد هيعرف الخبر ده حتى لو اتأكدت منو فاهم
الطبيب: ف...فاهم
ليخرج زين وبداخله كالعاصفه وكل ما يدور في ذهنه هل سيفقدها حقآ ؟
################
تجلس سليبيل في احد الأماكن المشبوهه تنتظر صديقتها عزة لتأتي عزة بعد فترة
سلسبيل: اتأخرتي كدا ليه يا زفته انت
عزة: اتأخرت ايه بس ده كلها ربع ساعه
سلسبيل: شششش خلاص انت هتحكيلي قصة حياتك جبتيلي الي قولتلك عليه
عزة: يا سلسبيل كدا مينفعش انت كدا بتأذي نفسك جامد
لتصرخ بها سلسبيل من كثرة تعبها بسبب تأخير موعد جرعه المخدر
سلسبيل: انت مالك انت تتعبني ولا تريحني هو انت ولي امرى انجزي
لتخرج عزة كيس به مادة بيضاء(هروين) في الخفاء وتعطيها لسلسبيل لتفرغ سلسبيل محتوايات الكيس علي يدها وتستنشقها براحه كمن عادت له الحياه
عزة: والله العظيم هتموتي نفسك بالزفت ده
سلسبيل: هو انت فاكراني عايزة اعيش ؟ انا بتمنى الموت كل يوم انا قرفت من نفسي انا بقرف ابص لنفسي في المراية انا.....
لتبتر عبارتها حتى لا يكشف امرها وما فعلته بأخيها امام صديقتها
عزة: كدا مينفعش.. انت يا سلسبيل الي بتقولي كدا ده انت اي حد يتمنى منك نظرة بس وانت جايه تقولي قرفانه من نفسك
لتقول سلسبيل بضجر
انت هتعرفيني اعمل ايه ومعملش ايه انت مالك اصلا غورى من وشي الساعة دي
لتنظر لها عزة بحزن وتتركها وحدها ولكن لا تستطيع تركها هكذا لتقوم بمكالمه مع زين
عزة: زين بيه انا لازم اقولك على حاجه ضروري بخصوص سلسبيل
################
في سيارة زين يسود الصمت على الجميع وحرب النظرات هي من تعمل فمنذ نزولهم من عند الطبيب التزم زبن الصمت ولا يقوم بالرد على اي احد
لتقطع حور هذا الصمت بقولها
حور: هو الدكتور قال ايه
ولكن لم يأتيها الرد لتشتعل غضبا وتصرخ بزين
حور: ما ترد عليا يا كائن انت هو انا مش بكلمك ايه الطريقه دي لو مش طايقني اوي للدرجه دي اطلع بينا على اقرب مأذون وطلقني دي مش طريقه تعامل ابدا بجد
لتحاول سوزان تهدئه الأمور
سوزان: صلو على النبي يا جماعه كدا في ايه وبعدين يا زين ما ترد علينا
رهف: ما ترد يا عم انت هو انت بتسمعنا سكاتك
ليصرخ بهم زين وقد فاض به الكيل
زين: بسسسسسسس مش عايز اسمع ولا كلمه تاني انا مش ناقص وجع دماغ
ليصلو الي قصر زين
حور: احنا ايه الي جابنا هنا انا عايزة اروح شقتي
زين: سوزى خدي رهف واطلعو انتو انا عايز حور لوحدها
لتسمع سوزان كلام زين وتأخد رهف التي ابدت اعتراضها ولكن لا يوجد بيدها حل اخر
لتصبح السيارة ليس بها سوا حور وزين
زين: بتحبيه
حور: هو مين
لينظر لها زين نظرة فهمتها جيدا لتحاول تلاشي عيناه الي تربكها بمجرد النظر لها
زين: مش عايزة تعرفي انا اعرفك منين مثلا او الإمبراطورية دي كلها جت منين وليه بكره عز وليه اتجوزك وعايز اطلقك وازاي وصلتلك بعد كل السنين دي
حور: حاولت اعرف كتيرررر بس انت مبتتكلمش يا زين وانا مش هفهم من سكاتك بتقول ان كل حاجه هفهمها في وقتها طب قولي ايه هو وقتها انت مت وعيشت قدامي تاني انا مش عارفه اعيش وأأمن ليك انت بتديني الأمان وفجأة بتاخدو مني فهمني
زين: روحي اسألي ابوكي انا اعرفك منين
حور: انت بتهزر؟! انت ليه مصمم تعمل كدا ليه بجد انت ايه مخلوق من ايه انا مش عارفه انت بتكرهني ولا بتحبني حتى يا اخي
زين: احبك مرة واحدة ليه ان شاء الله هو انت فاكرة ان انا ممكن ابصلك في يوم اصلا انت واحده معندهاش كرامه بتجري ورا الي بيكسرها ويهينها ويحاول يقتلها وتفضل باقيه عليه ليكمل بشمئزاز انتو الاتنبن لايقين على بعض جدا
لتشعر حور بأنسحاب انفاسها كيف يجرؤ ويحدثها هكذا
حور: ليه هو انت مبصتليش زمان ورفضتك ولا ايه وخرجت من بيتي زي الكلب المذلول وواعد وحالف تدوقني العذاب الوان لمجرد رفضك انت كائن مريض يا زين
ليفاجئ زين من تذكرها له فهي لم تراه يوم رفضها له حتى
Flash back
يجلس زين مع هادي والد حور
زين: انا طالب ايد بنتك يا هادي بيه
هادي: انت اتجننت انت فاكر اني هوافق عليك بعد الي عرفتو عنك وعن الي باعتينك
زين: ده على اساس انك مكنتش تعرف مثلا وكنت بتحاول تراضي ضميرك بأنك تشغلني معاك
ليتوتر هادي ويحاول استدعاء ثباته
هادي: لا طبعا معرفش انا لو اعرف مكنتش دخلتك بيتي
ليصرخ به زين
لا كنت تعرف تعرف اني ابن اخت الي كسرتها بعد ما امنتلك على نفسها وسلمتهالك وخدت منها بنتها وخليتها على الحديدة كل الي انت فيه ده من فلوس سوزان هانم الي انت مكنتش تحلم حتى انها تبصلك بس انت قعدت تلف وتدور عليها لحد ما وقعتها في حبك وسلمتلك نفسها وجتلك وقالتلك انها حامل وانت كجبان وشئ مش جديد عليك فهمتها انك هتحميها لحد ما تولد وفعلا ولدت وخدت منها بنتها بعد الولاده وقولتلها ماتت وخليتها تمضيلك بتنازل عن كل ثروتها وبعد فترة ترميها في الشارع وتتجوز وتعيشها الجحيم الوان لمجرد انها حاولت تعيش حياه سعيدة بعيدة عنك وعن سمومك فقولت تطربقها على دماغها وتقولها بنتك مماتتش ومش هتشوفيها ومعيشها في ذل وقهر لحد دلوقتي
هادي: كل حاجه حصلت بأرادتها هي مش الملاك البرئ زي ما انت فاهم انت متعرفش الحقيقه كامله
زين: انا الي عندي قولتو انا طالب ايد بنت خالتي
هادي: حور مش بنت سوزان
زين: حور بقا رهف دي حاجه تخصني انا
ليكمل بثقة
انا طالب ايد حور هادي الدسوقي
ليسمع صوت حور من خلفه
حور: بابا
ليذهب لها هادي قبل ان بتهور زين ويخبرها بأي شئ
حور: في اي يا بابا
هادي: ولا حاجه يا حبيبتي بس جالك عريس
حور: عريس!! عريس ازاي وانا مخطوبه قولو ان طلبو مرفوض وانو ميفكرش فيا تاني عشان انا مش ناقصه هم لتصعد لغرفتها دون ان تنظر لهذا العريس لتسمع صوته يقول
زين: انت الي اختارتي يا بنت هادي مترجعيش تعيطي وقبل ان تعلم من المتكلم يخرج زين ولا ترى منه سوى ظهرة العملاق لتصعد الي غرفتها بلامبالاه
BACK
لتكمل حور صفعاتها المتتاليه لزين بكلماتها وقد تجمعت الدموع في مقلتيها
وعلى فكرة انا عارفه ان عندي كانسر في الدم وسمعت. الدكتور وهو بيقولك بس متوقعتش ان دي تكون رده فعلك بعد كل ده
لتفتح حور باب السيارة وتنطلق الي داخل المنزل قبل ان تنهار امامه وتتركه هو في صدمته من كل ما تعرفه
################
تجلس رهف بتوتر وغضب على الاريكه بعد ان تركتها سوزان لتجرى مكالمه هاتفيه
لتنتفض رهف عندما شعرت بخطوات احدهم يتسلل من خلفها لتنظر برعب لتجده كرم
رهف: يوووه مش تعمل صوت يا عم انت وانت داخل اعرف انك ورايا انت عبيط
كرم: عبيط!ده انت خدتي عليا اوي بقا كدا مينفعش
لتنظر له رهف بسخريه
رهف: بقولك ايه انا مش فايقالك روح شوف عايز تعمل ايه
كرم: انا لو هعمل الي انا عايز اعمله فأنا هجيب المأذون واتنين شهود واكتب كتابي عليكي
لتبستم رهف بخجل فهي لا تنكر انجذابها له ولكنها لا تستطيع ان تنجرف وراء مشاعرها حتى لا تقع في خطأ فادح تندم عليه مستقبلا
لتحاول ان تخفي خجلها واعحابها به بتصنعها الغضب
رهف: انت مجنون بجد فاكرني هقبل بيك كدا عادي والمفروض زي الهبلة اطير من الفرحه عشان كرم الشاب الطول بعرض بعضلات لتصفه بنهم وقد شردت في وصفه
واسمراني وعيونو سمرا زي ما حسين الجاسمي قال وفتى احلام كل البنات وجدع وحليوه وزي القمر لتنتبه الي ما تفوهت به لتحاول الهروب بقولها
ده انت تبقى عبيط
كرم : بس بحبك
لتحتل الصدمه جسد رهف وتحمر وجنتيها من شده خجلها لتحاول الهروب منه بأي طريقه
رهف: ايه .. نعم يا سوزان هانم ... انت بتناديني حاضر حاضر جايه حالا
لتتركه يضحك بشده من افعالها الطفوليه وخجلها
################
تجلس سوزان في غرفتها لتأتيها رساله من رقم مجهول مضمونها
مجهول: سوزي وحشتيني
سوزان: مين؟
مجهول : عيب كدا يا سوزي حد ينسى هادي برضو ده انا حتى منستكيش
يتبع.......
##########################تفاعل بقا عشان النفسية بقت صفر في المية
وميجراش حاجه يعني لو فولو صغنن قد كدا 🤏