Unicode
"ကျနော်က gay......"
"သား!...."
"ဇွဲငယ်......"
"မြေးလေး......."
"ဟေ့ကောင်!......"
ဧည့်ခန်းထဲက မိသားစုဝင်တွေထံမှ တစ်ယောက်တစ်ပေါက်အသံတွေက ထိတ်လန့်တကြား သရဲခြောက်ခံရသကဲ့သို့ ပေါ်ထွက်လာခဲ့သည်။
အားလုံးရဲ့ တရားခံကတော့ ထိုင်ခုံပေါ်မှာ ပျင်းရိပျင်းတွဲထိုင်နေကာ ပီကေဝါးမပျက်။
"မင်းကိုဒီလိုလူတစ်လုံးသူတစ်လုံးဖြစ်အောင်မွေးခဲ့တာ....ခွေးဇာတ်ခင်းဖို့မဟုတ်ဘူးကွ!...."
မယုံကြည်နိုင်တဲ့မျက်နှာကြီးဖြင့် မျက်နှာကြီးနီကာ သူ့အားလက်ညှိုးငေါက်ငေါက်ထိုးပြီး မာန်မဲနေသော
ဒယ်ဒီ့ကို သူလျစ်လျှူရှု့ထားလိုက်သည်။
ဒယ်ဒီ စိတ်ဆိုးလည်းဆိုးချင်စရာပေမဟုတ်လား။သူက ဆယ်ကျော်သက်အရွယ် သစ်ရွက်လှုပ်ရင်တောင်ရင်ခုန်တတ်တဲ့အရွယ်ကစပြီး....ခပ်ချောချောနဲ့နူးညံ့တဲ့ ကောင်လေးတွေကိုစပြီးရင်ခုန်ခဲ့တာ။
ရွယ်တူသူငယ်ချင်းတွေ ဘယ်ကောင်မလေးကဘယ်လောက်လှကြောင်း ဆွေးနွေးနေတဲ့အချိန်...၊
ဇွဲလျှံဘုန်းခ တို့က ပန်းကလေးလိုလှတဲ့ကောင်လေးတွေနဲ့ ထည်လဲတွဲနေခဲ့ပြီ။
ချစ်တယ်ရယ်၊ကြိုက်တယ်ရယ်မဟုတ်၊ဇွဲတို့က တစ်ယောက်ပြီးရင်၊နောက်တစ်ယောက်ကိုတွဲဖို့ စိတ်အားထက်သန်နေပြီ။
အဲ့လိုတွဲရတာကိုက ဇွဲရဲ့ရင်ထဲကအပျော်တစ်ခု။
ဘယ်လောက်ဖြောင့်ဖြောင့် ဇွဲရဲ့ target၊ဇွဲရဲ့typeဆိုရင် ဇွဲတို့က ရေမြေဆုံးထိရအောင်လိုက်ပြီးသား။ဖြောင့်ခဲ့သမျှကောင်တွေလည်း ဇွဲလက်ချက်နဲ့gayသွားတာတွေချည်းပဲ။
အဲ့ဒီတော့....
gayတောင်မှ ဇွဲလျှံဘုန်းခ,က gayတို့ရဲ့ဖခင်ကြီး super gayလို့ပြောလို့ရတယ်။
အခုကလည်း cafeဆိုင်တစ်ခုမှာ ဇွဲရဲ့အသစ်စက်စက်ဘဲလေးနဲ့ dateမှာနမ်းနေတုန်း မာမီက မြင်သွားတာကနေ တစ်အိမ်လုံး အုတ်အော်သောင်းနင်းဖြစ်သွားကြတော့တာပါပဲ။
