˚˚
﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِ عَلّى مُحَمَدٍّ وآلِ محمد
-يا مقلِّبَ القلوبِ ثَبِّتْ قلبِي على دينِك .
ــــــــــــــــــــــــــــــــــــــــــــــــــــــــــــ
الكاتبة: أيـار
يوزر انستا: 5wij_17
«مُلاذ»
📞_مُلاذ امج انتحرت
للحظات طاح تلفوني من الي سمعته صرخت بصوت وصار كُلشي اسود بعيني طحت وانا اون بكلم ماما كعدت على نغزة ابرة وكدامي الممرضه
اخذت لحظات حتى استوعب ليش انا هنا وشصار وياي
_ماما
- بخير انت؟
كمت وشلعت الكانيولا من ايدي وانا اصرخ
- ماما ماماا
ركضت الممرضه واخذت ابره وحقنتنيبيها
فقدت وماصرت احس ب شيء مرت فتره طويله حتى صحيت على ضوء عالي
شويه وصار يتوضح كلشي شفت ديما وهي تبجي
حجيت بصوت متعوب
- اخذيني لماما
- امج بخير ياروحي اليوم نرجع للبيت
- ديما لا تكذبين لعد ليش داتبجين؟
حجت بصوت مبحوح
- بجيت علمود حالتج
-احلفي ديما
- وداعتج ياروحي
«مُلاذ»
صعدت السياره وانا اريد اوصل ب اسرع وقت اتطمنى على ماما وصلت للبيت وشفت هواي ناس بالباب
شفت علي وخالتي وجنه يبجون وبابا وهواي من اقاربي
اجاني علي وهو يركض
-علي شبيها ماما؟
- مابيها يعيوني تعاي اكعدي بخير انت؟
- لاتكذب شوفهم دايبجون فدوه لا تكذب انا بخير
حجه والدموع بعيونه كال
- البقية بحياتج مُلاذ
حجيت وانا اضحك
- شكد تافه يعني هذا شقه بالله؟ يلا امشي ماما بخير هسه نرجع للبيت ونسهر انا وياها
- ملاذ
صرت اصيح
-اييييي عوفووننييي يلا وين ماما اريدها
جنت اباوع على ديما وهي منهاره
- شوفي ديما ماحب مقالبكم يلا اخذوني لماما
- ملاذ خاله سمر ماتت
دخلت اركض ورحت اركض لغرفه امي
طلعت ملابسه وحضنتهن وانا اعاتبها
- ليش رحتي؟ مو كلتي انا يمج دوم؟ شلون تعوفيني يا نور عيوني
ما كلتي بنتي؟ ما كلتي بعد منو الها؟ يمه ليش عفتيني يمه
هديتي حيلي والله هديتي حيلي انا بلياج جسد بلايه روح يمه
بجيت وصرخت لحد ما انبح صوتي
مادري شكد مر وانا ابجي
طلعت برا الغرفه وجانُ اكو هواي نسوان وصوتهن يبجن وينعن صار صوت الصراخ اعلى اباوع على الباب دخل التابوت
نزلت من الدرج وانا اركض واتعثر
وصلت للتابوت بطلاع الروح اول ماوصلت صرخت بصوت
-ولج يمةةةة هاي هييي يمه؟؟ عفتينيي هيج يمهه؟؟ حاجييينييي عفتينيي؟؟
احجييي وياييي يمه شنو عفتيني؟ كافي سمر اكعدي اروحج فدوه لا تهدين حيليي هيج لاااااااااا بهاي اللحظه انا انهاريت اتغيريت اتدمرت كلشي بحياتي انتهى
- كافيي ماريد اعيش خلص امي وراحت
- كافي يمه اروحلج فدوه اكعدي كافي فدوه ماكدر بدونج
صرت اللطم على خدي وعلى عيوني
اجت ديما وياها بنيه من اقاربي يحاولون يلزموني
-عوفووونييي انهد حيليي يمههه اروحلج فدوه اكعدي ماكدر بدونج يا نور عيوني والله ما اتحمل بدونج يمهه اكعدي الله يخليج ياريت الموت اخذني ولا اخذج يااايمه يا روحي يا كلبي
ياكلب ملاذ ياروحي فدوه لكلبج اكعدي
ملاذ بدونج ماتكدر تعيشش كافي يمه
اغمى علي من اللطم
صحيت على طبطبه ع خدي بدا يتوضح
اتذكرت امي
كعدت ابجي
جنت اون ب اسم امي
يمي ديما حضنتني وبجيت بحركه وديما تحاول تهديني
طلعت بالحديقة وكعدت وانا اسمع صوت الاذان
كعدت بالكرسي الي ماما تكعد علي دوم
- ليش راحت امي ياربي ليش اختبرت صبري ب اعز ما املك ماكدر بدونها صرت بدون سند ياربي
اجا علي باسني من راسي وكعد بصفي
حضني وهو يطبطب على ضهري
- كافي مو كسرتي ضهري
كوليلي ياروحي محتاجه شيء؟ انطيج ماي عيوني وعلي
- اريد. امي
- امج ما تتحمل تشوفج هيج
-ععلي
- رروحه
- شلون؟
- شنو؟
- مستحيل ماما تنتحرر اكيد اكو شخص جان السبب
سكت علي
باوعت عليَ تغيرت ملامحه. حجه بتوتر
- اتقبلي الموضوع ملاذ
ديما»
شفت حال مُلاذ
مُلاذ الي جانت ورده هسه ذبلانه
ما مصدكه هاي مُلاذي الاعرفها
اخذتها من ايدها ورجعتها لغرفتها وحقنوها ب ابره ونامت
خاله سمر
الي ودعتنه بضحكه هسه اودعها بتابوت
قره عين مُلاذ شلون راح تقتنع راحت؟
الي جانت مصبره مُلاذ بعد منو يصبر ملاذ غيرها
سمر جانت حنونه هواي علينه وعلى مُلاذ بالذات
رغم التعنيف من ياس ابو ملاذ الى ان هي جانت تصبر ملاذ
وتتحمل كلشي على مودها ما جنت اعرف شنو راح يصير وشنو الايام المضمومه ل صديقتي واختي وقطعه من روحي ملاذ
شنو راح يصير الها وشنو ضامه الها الايام؟
شلون راح تتحمل
اجه علي وجان اكثر شخص دايتعب بهل ايام
-شلونج
- شوفه عينك
-ساعدي ملاذ بهاي الفتره تحتاجج
-ببدون متكول
علي ب ابتسامه
-واثق بيج
«ملاذ»
مرت ايام فاتحه امي وانا مكضيتها بجي على فراكهه مرت الايام بسرعه وانا على نفس حالتي
يوميه اصلي واقرأ قران على ماما واترحم الها
فتحت تلفوني وحطيت حداد ونشرت صورتي انا وماما وياها انا لله وانا اليه راجعون ما مرت دقيقه واجاني رد صدمني
🗨️_ ععبالج هاي نهايتج؟
للا تخافين هاي بدايتج
ــــــــــــــــــــــــــــــــــــــــــــــــــــــــــــ
يتبع....
تصويت ياقلبي🤎.
