˚
﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِ عَلّى مُحَمَدٍّ وآلِ محمد
-يا مقلِّبَ القلوبِ ثَبِّتْ قلبِي على دينِك .
ــــــــــــــــــــــــــــــــــــــــــــــــــــــــــــــــــ
الكاتبة: أيـار
يوزر انستا: 5wij_17
•
•
•
•
•
•
•
•
"أفاطم"
غسلت المواعين وكملت كل شغلي وحسيت النفس ضاك بيه تمشيت اروحن للبستان اشمن هواء
لبست حجابي وطلعت اتمشى وصلت يم الشجرة الاحبنها البيها ذكريات حيل حلوة
لمستها وصفنت رجعت بـ ذكرياتي لـ قبل سنوات حيل طويلة
اركض بفرح وهوَ يركض وراي يريد يلزمني
- متكدر وانا الراح افوز
- انجبي الفصمه
وانا اركض عثرت ووكعت على خشمي
بجيت بـ اللم
- حيدر خشمي جاي يوجعني
ركض الي بخوف وكومني من الكاع يمسح على راسي وخدي
- جاي يوجعني خشمي
- هسه يروح ابوسنه الج ويخف
باس خشمي بـ لطف وكلت بفرح
- راح الوجع راح
ضحك وكال
- أفاطم
- ها حيدر؟
- انتِ الـ حيدر وحيدر الـ أفاطم خوش؟
- شلون يعني مجاي افهم
- من تكبرين تفهمين قصدي بس ياهو يكلج انتِ منو گليله انا زوجة حيدر، حيدر الي وانا الـ حِيدر
- ليش اكول هيج؟
- أفاطم انا احبج ومن نكبر نتزوج
كمزت بفرح وكلت
- يعني اللبس بدلة بيضه؟
- اي تلبسين بدله بيضه وتكبرين، وتصيرين حلوه
- بس حِيدر امك متحبنه
نزل لـ طولي كرص خشمي بـ خفه وشالني
