حريقٌ إندلَع فِي صَدري،
لَم تُطفِئهُ دُموعي حِين أَنهمَرت.
ـــــــــــــــــــــــــــــــــــــــــ
الكاتبة: أيـار
يوزر انستا: 5wij_17
_ صباح الخير احلى جنه بالكون
_ يا هلا يمه تردين ريوك
_ شنو هاي جنه اكيد اريد اذا من ايدج الحلوه
_ اروحلج فدوه يمه يلا تعاي
_ رحت أكل وانا اسألي
جنه بابا وين؟
_ اليوم طلع للشغل بعد مده طويله
_ بس اليوم جمعه وين اكو شغل؟
_والله يا يمه انا ما مرتاحه اله
_ الله كريم حبيبتي خلي اكوم اغسل المواعين وياج
_ لا يمه لا تغسلين ولا شيء روحي لغرفتج ارتاحي وانا اكمل الشغل
_ شلون حجي هذا جنه بدون حجي زايد انتِ اكعدي وانا اغسل المواعين
_ بس يمه
_ بدون بس حبيبتي لاتخربين مزاجيي فدوهه
_ راسج يابس بطلي هل عناد
_ كلت الها وانا اغمز عليمن طالعه انا غير على جنه
كملت غسل المواعين وصعدت الغرفتي صفنت بالفراغ
شعري ديوكع الحزن مجودر على عيوني بعد موت ماما انا تغيرت
حالتي صارت سيئة كُلش خصلات شعري وكعت ب ايدي جبت المكص من المجر
ورحت كصيت شعري وخليته لحد فكي
غطيت اثار الضرب على جسمي وركبتي ووجهي نشفت شعري وذبيت المكصوص
رحت انام وصحيت على صوت جنه وهي تصيحني
_ شصاير جنه
_ تعاي يمه اجه ابوج
_ باوعت بطرف عيني وكتله هلا يابه
_ عندي موضوع وياكم
_ كالت جنه اتفضل استاذ شصاير
بدأ بابا يحجي
_ مثل ما تعرفون انُ الشرع حلل اربعه وانا رجال ومن حقي اعيش حياتي
ومرتي ماتت قبل خمس اشهر وضلت بنتي بدون ام وانا بدون زوجه
واليوم انا قررت اتزوج على سنه الله ورسوله حالي حال أي رجال واجيت اقدم الكم زوجتي سحر
_ بوسط صدمتي دخلت علينه بنيه يطلع عمرها بالـ30
صحت بصوت
_اانتَ شداتحجيي هاا؟؟؟ ماما ما مرت سنه على وفاتها وجايب النه وحده بنت شارع ماندري منين ما منين وتصيح ام الـ بنتي؟ شاكيتلك حالي انا؟ كلت الك اريد. ام؟ اختار لو انا لو هي محد تحل مكان ماما هاييي هاي بابا؟؟؟ تقارنها ب ماما؟؟ ضربني راشدي بـ اقوى ماعنده لدرجه وجهي حسيته صار نار
_ شلون تتجرأين تصيحين على ابوج وتوصفين زوجته ببنت شوارع
_ شفت ياس شفت بنتك من اول يوم ما احترمتني وصحيت بوجهي وانا ما مأذيتها
_حقج عليه ياروحي حقج عليه تولي بنت الكح** هاي
_شككلتتتتت ها؟؟؟ تسبب ماما وهيي ميته؟ حتى الميتت ها؟؟ حتى الميت ما خلص من شرك ماكو غير هل كح* تروح فدوه لماما
لزمني من شعري وركع راسي بالحايط بقى لازم شعري بقوه لدرجه حسيت راح يوكع ب ايده حجه وهو صاك على سنونه
_ الداتحجين عليها هسه تروحين فدوه لنعالها فاهمه واذا مره ثانيه سمعتج تتجاوزين عليها اكسر راسج سامعه؟؟؟
_ععوفها استاذ ابوس ايدك
_عوفيني جنه هاي يحتاج الها تربيه من جديد
_اابوس ايدك استاذ عوفها
شمرني بالكاع وكال
_ااخذيها جنه ماريد اشوف وجها
تقربت مني جنه وهمست
_تعاي يمه سوده عليه تعاي
كمت وياها ووجهي كلها ازرك من الضرب
حجت جنه وكالت
_ليش سويتي هيج يمه ليش
_ جنه ابوس راسج لا تلوميني يقارن هل كلبه ب ماما شكد جانت صابره عليه ومتحمله الضرب والاهانه وهو ببساطه تزوج بعد ما ماتت؟
_ شنسوي يمه توكلي على الله اتحسبي بس لاتصيحين وتتسرعين تنضربين يمه سوده بوجهي
_ شوفيني مصخنه؟
قاست حرارتي وكالت
_ مصخنه يمه مصخنه تعاي اغسل وجهج واسويلج كمادات واكل تاكلي
_ بيش الساعه؟
ب, 5
_ شكد نمت انا
_ ما ردت اكعدج يمه تعاي وياي
اخذتني غسلت الي وصعدتني لغرفتي راحت ورجعت وهي مسويه اكل وجايبه كمادات
_ااكلي يمه مو زين عليج من الريوك
_ جنه عادي طلب
_ انا اشلع عيوني لجلج يمه انت وصيه سمر
_ حاجي بابا يطلكها الله يخليج
_ صار يمه بس مو هسه
_ براحتج جنه براحتج
كملت اكل ونزلت جنه وكالت الي ارتاحي
اخذت تلفوني وكعدت اشوف صوري ويا ماما وانا ابجي
_ ليش عفتيني يا عزيزه روحي يا ضي عيوني ماكدر بدونج مشتاقتلج اريدج تضميني بحضنج انت ملجأي يا روحي والله تعبت تعاي شوفي حالي بدون ماما عزيزه كلبي وكلشي بحياتي شلون عفتيني
تعاي شوفي حالي وشكلي من الضرب مورم يا ضي عيوني ارجعيلي بس يوم اشم عطرج وانام بحضنج اشكيلج شصار بيه من رحتي يام داشوفين حال عزيزتج؟ انا بنتج ومدللتج شلون عفتيني والله مشتاقلتج جنتِ انتِ الشيء الحلو بحياتي بعد ماعندي غيرج
بجيت بكل قوتي شهكاتي علت صرخت ولطمت وملخت خدي ضليت ساعات هيج لحد ما تعبت ونمت
كعدت على ايد. جنه وهي تمسح على راسي وتقرأ ايات
_ اسفه يمه كعدتج
_ لا ياروحي بيش الساعه
_ ب10
_حاجيتي بابا؟
حاجيته يمه حاجيته
_ شكال؟
نزلت راسها وكالت
_كال خلي تنسى هل سالفه
_ننعممم؟؟ وينهه موجود
_ججوه كاعد هو وسحر
_ انزلي جنه اسبح وانزل وراج
نزلت جنه وضليت وحدي وكلبي محترك من وراه سبحت ونزلت الهم وصحت
_ بابا اختار بيني وبينها
_ اعتقد جنه كالت الج وراح اعيدها انسي السالفه ما عاجبج الباب يوسع جمل
_ والله ما حزرت ماعوف البيت الها تطلكها يعني تطلكها
صاحت سحر
_اانتِ هيو العرمه ديكلج ياس ماكو طلاك يلا ولي
ضربتها راشدي وكلت الها بتحذير
_اانا وابوي لا تدخلين
انا ضربتها لو بابا انجن صار يضربني بكل ما الله انطاه قوه لحد ما خشمي نزف
فكتني جنه من ايده وطلعت اركض من البيت واسمع سحر تصيح
_شفتها هل دايحه بنت الكح**
ضليت اركض واركض والدنيا ضلمه ما اشوف شيء وصلت على الشارع السريع
بوقتها قررت انهي كُلشي حياتي لهنا راح تنتهي اروح يم ماما بديت اتقرب من السيارات شويه شويه
لحد ما حسيت بـ
ـــــــــــــــــــــــــــــــــــــــــ
تصويت يروحي 🤎.
