˚˚
﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِ عَلّى مُحَمَدٍّ وآلِ محمد
-يا مقلِّبَ القلوبِ ثَبِّتْ قلبِي على دينِك .
ــــــــــــــــــــــــــــــــــــــــــــــــــــــــــــ
الكاتبه: أيـار
يوزر انستا: 5wij_17
•
•
•
•
•
•
- بدون لف دوران انا احبج
- ها؟
- احبج شبيج
- شنو تحبني؟
- شنو الـ شنو تحبني بربج لا تفهين احبج و رايدج على سنه الله ورسوله
شكد ما اكول انصدمت ماكفي
عفته بسرعه وطلعت خلاني افكر ماعرف شنو مشاعري تجاهه اخاف اكله احبج وماكون احبه
ماعرف شسوي ضليت طول اليوم افكر وانا احس نفسي ضايعه
داغسل بالمواعين و وكع الكلاص من ايدي دنكت اللم الكزاز وانجرحت
اجت ملاذ تركض
- هاي شبيج ديما غير تنتبهين وين بالج
- ها لا بس هو زلك من ايدي ووكع
- فدوه الج داحجي على ايدج
باوعت على ايدي وشفتها مجروحه وانا أصلاً ماحسيت
راحت ملاذ جابت لاصق جروح كملت الطبخ وصبيته
صحتهم ياكلون وكلت الهم انا ماريد
بس علمود اتجنب شوفه علي
حسيتني بدوامه ضياع حرفياً
رحت لغرفتي وكعدت افكر
كاطع تفكيري صوت ملاذ
- شبيج دمدوم وضعج. مدري شلونه؟
- مابيه. حبيبي
- ليش ما اكلتي؟
- شبعانه
- وضعج ما عاجبني
- لا تشغلين بالج مبيه شيء
طلعت ملاذ من الغرفه وطلع علي برا البيت
شغلت نفسي بالتنضيف
اذن المغرب صليت ورحت سبحت
شعري مبلل وعفت الخاولي على كتفي علمود لا تتبلل ملابسي
دخلت الاستقبال"غرفه الضيوف"
علمود اخذ تلفوني
وانا امشي وادندن رحت لنهايه الاستقبال اخذت تلفوني
وانا داطلع انتبهت علي كاعد وصافن علي
طلعت اركض وخاصه انا بدون حجاب
دخلت الغرفه وانا اكمز من الفشله مشطت شعري وبعدني افكر بالفشله
كعدت اكلب بتلفوني وصاحتني ملاذ
نزلت اشوفها شنو تريد وكالت
- تعاي اكلي وياي جبت الحلى الي تحب
كعدنه ناكل ونسولف بالحديقه
كامت ملاذ تجيب العصير واجى علي اتقدم كدامي وكعد
