احَياناً مشاعِرنا
توهمَنا بَمشاعر نِاس يخطئون بأسامَينا
نجَيهم روحنِا تزخ شوگ
نرجَع مَادري شبيَنا
مَن ملگِاهم البَارد نحَجي وبالهُم شارد
هَاي الحَظة نشوف كُل شيء من طَرف واحد
بَس ندارك الموِقف ونلملم بقايَانا
نَفس يثگل ، نبض صَاعد
مُشكله المشاعر هَاي مابيها الخطأ وَارد
غلطة مُمكن تذِلنا من نشغل
نفسَنا بَناس لكن هُمَ مو النا !
يَجيهم يوم بيَ يرحون وكُل العدنا تَبقى
عيون بيها دَموع مفضوحه تحِضن نظرة مذبوَحه
وبَهذا الوقت نِلام
مو الا النحَبه يكون گوه چفوفنِا تلوحة
لكن مَبين البيه شوگ من يَشتاگلك
وتغِيب تلگه بّابَكم روحه
احَياناً مشاعَرنا تهِوى النتعَب بگرَبة
وتاخَذنا لمُجرد ناس يَمهم نشعر بَغربة
احَساس التجَيه مشتاگ لكِن باله مو ويَاك
صعَبة الواحِد يجَربه
والحَل الاخيَر يكون كَلمن يرحِل بَدربه .
ــــــــــــــــــــــــــــــــــــــــــــــــــــــــــــ
الكاتبة: أيـار
يوزر انستا: 5wij_17
تقربت وشفت من الفتحه مال الباب يمه خمس رجال
جان حجيهم ما مفهموم
- طلعت البضاعه من بيروت
وسلمنه العميل كل الي اتفقنه نسوي
وهذا المبلغ
- وشنو عن البنت؟
- باجر نبلش سيدي
- تمام تكدرون ترحون
اتقربو من الباب وانا طفرت لغرفتي
طنشت الكلاام لانُ مافهمتَ
رحت اتوضيت وصليت وقرأت قران ڪ عادتي
صارت بالـ 5:44 نزلت اسوي ريوك علمود اروح للشغل
سويت ريوك وصعدت ابدل
رن تلفوني وجانت ديما
📞_ شكد متكبره لا سألتي عليَ ولا كلتي صديقتي شلونها
📞_ ديما لا تثبريني راسي شويه وينفجر
📞_ صدُك شبيه راسج البارحه ماما كالت الي
📞_ مابيه اندعمت واصلاً الاصابة خفيفه
📞_ راح اجيج نروح سوه
📞_ دا ابدل انتضرج
,ــــــــــــــــــــــــــــــــــــــــــــــــــــــــــــ
مرت نص ساعه واجت ديما مبدلة
كالت
- ياروحي هذا كله وتكولين مابيج شيء؟
شنو رأيج تاخذين اجازه
- لا هاي هيَ انا بخير ماكو داعي اجازه
- براحتج يلا امشي
طلعت ويا ديما للمستشفى
انا وهيَ ممرضات
اول ما وصلت لكيت ايسر وفاطمه وبارق اصدقائي بالشغل
كال ايسر
- انا اكول ليش المستشفى منوره
كالت فاطمه
- لانُ انا موجوده اكيد
كال بارق
- انجبي ام راس اكيد لان ميمي هنا
كالت ديما
- شكلي صرت ما اعجب
كال ايسر
- لا يابه كلشي ولا ديما هاي كمر
حجيت انا
- وانا ضوء الكمر صح
- اي يابه
كال بارق
- يلا كلمن على شغله
- شوف هذا مصدك نفسه عود مديرنه
- اهو اجت ملاذ ودوختها يلا على شغلج يلا
- مشيت مشيت
مر اليوم وجان ممل
بين المرضى والابر والعلاجات واللعبان نفس
وانا داطلع من غرفه شخص من المرضى اجت استبرق وانضربت بيه وكُل الكهوه الي جانت داتشربها انذبت على ملابسي
- اسفه بالغلط
- وجع حتى وجع متشوفين عميه
- اوي هاي شبيج دا اكُلج بالغلط
- وجعوي حتى وجعوي وخر مني الغثيثه سم
عفتها ورحت امسح بالكهوه مداتروح رحت كعدت على كرسي وانا معصبه
اجاني طفل و كال
-خاله هاي الج
شفت بيده ورقه محتواها
"ابتسمي ولا تعكرين مزاجج بشغله تافهه ابتسامتج حلوه ترا"
- حبيبي هاي منو انطاها الك؟
- مادري عمو انطاها الي وكال هاك فلوس وديها لهذيج البنيه
- تمام حبيبي تكدر تروح
راح مني وانا طنشت الموضوع وذبيت الورقه بالنفايات
رحت الغرفه مال ممرضين او مكان الاستراحة
فتحت فوني ووصلني مسج من حساب وهمي
🗨️_ ليش طنشتيها تكدرين تبتسمين
🗨️_ راح تضل تتختل وره الكيبورد؟ اخر مره اتصلت وكمت تمسلت
🗨️_ مو انا غلطانه
🗨️_ دوختني والله هاك بلوك
ذبيت الفون وتعكر مزاجي فوك ما هو متعكر
اجت ديما
- يلا نطلع
- اامشي نولي امشي
- بيج شيء؟
حجيت بعصبيه
- بيهه شيء؟؟ شوفيني شلون بخير ابتسامتي شعرضها؟
- تتف عابت
- عابت الج خوش
- هاي مو صوجج صوجي انا الي انتضرتج ساعه
- تعيريني؟ محد كال الج انتضريني روحي وحدج خوش
- هاي شبيج شديتيها؟؟ اروح وحدي احسلي
- ما ميته عليج روحي
«ديما»
طلعت وانا معصبه من مُلاذ تعصب امشي وادردم
يعني شنو ذنبي تعصب وتذب عصبيتها بيه لا ونوب تكُلي تعيريني يمتى اتحملها يعني دريت صديقتي ولازم اتحمل طكاتها بس كافي تعصب ولازم ديما الحماره تتحملها لا فوكاها بس تكول اسفه اسامحها بعني كافي كافي تعبت منها انا اطلع كلبه اذا حاجيتها
امشي وسمعت صوت علي
- مصخنه؟
- اجه الثاني لاا بخير انا
- مو يكولون اجه مرض ياهو ينصاب يصير مسودن وشفتج تمشين وتحجين ويا روحج عبالي طكلج خيط
- رحم الله والديك
- تدللين وين مُلاذ؟
- اشش اشش يا حماره هايي خرب لو اكضهاا اشرب دمها يارببببيي
- هاي شبيها البت؟
- حظره الخانم مُلاذ تعصب وتجي تدردم عليَ وتعصبني وياها
- امشي يابه هي مُلاذ تشيب راس الطفل
راح ترجع وحدها؟
-اايي بس شوف شنو رأيك نرجع الها خطيه
- عوفيها عصبيه هسه هي ترجع وحدها قابل طفله
وصلنه انا وعلي للبيت ودخل وتلكتنه ماما كال علي
- لكك لكك شوف شوف منو هذا
- يابعد ماي عيوني عليوي شلونك يمه
- اروحلج فدوه خاله تعاي ابوسج مشتاقلج
- تشتاقلك العافيه يا نور عيني
حجيت بنرفزه
- وانا بالجذب ماكو هلو شلونج
ضربني علي بخفه على راسي وكال
- معليج ام خشم
صرخت
+ اييييي مامااا راسييي يمكن راح يتخيطط الحكيلييييي صار عندي نزيف
اجت امي تركض وشافت مابيه شيء وكفت وهي لازمه كلبها
كال علي بصدمه
- خاب من كبر طمج
- خو يطمك
- ما اموت انا
- اي صح لانُ عار
- شو طاكه ميانه ام خشم
- انجب انت وشواربك جنك العكيد ابو شهاب
- خشمج تريله
صاحت امي
- دوختونييي
كال علي وهو يبوس راسها
- ااسف يمه تروحلج فدوه هذيج ام خشم
- ااكل خرا خوش
- خاله سكتيها
كالت امي
- تعال يمه خلي نصب اكل وتاكلون اخذها على كد عقلها
- يلا خاله
مرت ساعات
وكلت
- شووو مُلاذ تاخرت؟
كال علي
- اتصلي عليها
- ديطلع مُغلق
- اانتضريها يمكن شويه وتجي
- تمام كلبي ما مرتاح
- ماكو شيء عيوني قابل صغيره
«مُلاذ»
طلعت من المستشفى روحي طافره امشي واريد اخذ تكسي مع انُ البيت مو بعيد
دا امشي وشفت بنيه تبجي سأالتها
- بيج شي يروحي؟
- عفيه ابوي وكع من العماره اريد شخص يساعدني اشيله
-تتعاي انا وياج
مشينه لعماره قريبه بس مهجوره
دخلنه وداريد. اكول الها وين ابوج
طلعت قماش ابيض من جيبها وكالت اسفه وحطته على خشمي وو
ــــــــــــــــــــــــــــــــــــــــــــــــــــــــــــ
يتبع....
تتصويت ياروحي 🤎،
