˚
﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِ عَلّى مُحَمَدٍّ وآلِ محمد
-يا مقلِّبَ القلوبِ ثَبِّتْ قلبِي على دينِك .
ــــــــــــــــــــــــــــــــــــــــــــــــــــــــــــ
الكاتبة: أيـار
يوزر انستا: 5wij_17
جاوبت بـ استغراب
- هايي شصاير؟؟
- ملاذ بسرعه اطلعيي مهاب ينتضرج برا اركضي
طلعت وانا اركض حتى ما غسلت وجهي
لكيت مهاب برا ينتضرني وكال اصعدي
صعدت وانا اللهث من الركض
اتحرك بسرعه كلش مخيفه
حجيت بصراخ
- خففف السرعهه مهابب الله يخليكك
مرت لحظات وصار اطلاق نار على سيارتنا
كال مهاب بصياح
- نزليي راسج ملاذذ
نزلت راسي والجام صار يتكسر
وانا اصرخ بخوف صارو قريبين علينا كُلش
صرخت بصوت عالي ودموعي تنهمر بقوى
- ياعلييي
بين السيارت ضعنه وانا اردد ياعلي
مرت نص ساعه وكال مهاب
- انزلي بسرعه
صحت بخوف
- لا تعوفني فدوه
- ماعوفج وعلي بس انزلي
نزلت وخلاني اختبأ وره بيت مهجور
نزلت وهو اتحرك بسرعه بالسيارة
صرخت وانا دموعي ما كفت
- يارب عافني راح اموت
مرت ربع ساعه
تقربت سياره كلش مني
بدأت اتشاهد
للحظات حسيت هنا نهايتي مستحيل انجي بعد
شفت شخص يطلع عمره بالثلاثينات وصاح
- امشي ملاذ
- منو انت ماروح لا تقتلوني ارجوكم
- اانت امانه مهاب ماسلمج لحد امشي
مشيت بخوف وصعدت بالسياره جانت سياره بيها اكياس طحين
كالي اختبأي وره اكياس الطيحن
مرت ساعات كلش طويله وانا متأكده هاي نهايتي راح اموت
بدأت الضلمه تعم ويجي اليل
وكفت السياره ونزل الشخص من السياره وكال
- انزلي اختي وصلنه
نزلت وانا ارجف من الخوف والبرد
جانت شبه مزرعه وكانُ احنه بالريف
مشينه وجان اكو بيت من طين شوي قريب
طلع من عنده شخص ايده ملفوفه بشاش
بدا يتقرب وتبين ملامحه صحت بخوف
- مهاب
- صارلج شي
- شلون عفتني حقير؟
- ملاذ ادخلي افهمج الصار
صيحت وكلت
- شفتهمني ها؟ عفتني بنص الطريق لان خايف مو؟ جنت راح اموت تدري؟ جان ب اي لحظه ممكن يلكوني ويقتلوني وانا ما ماخذه ثار امي تدري؟
كال الرجال
- ادخلي ملاذ انفهمج الي صار
دخلت وبدا مهاب يحجي
- ارسلنه القوات للمكان الي راح تطلع منه المخـ"ـدرات
وبالفعل لكيناهن موجودات والقينه القبض على كل الي جانُ هناك بس محد منهم اعترف على ياس
واكيد ياس مو غبي وعرف داتكملين الي ما كملته امج
وصل خبر الـ علي انُ همَ متوجهين للبيت الي هو بيتكم
علمود يتخلصون منج يقتـ"ــلوج يعني
بسرعه علي خبر الكل وانا جنت ببيت علي طلعت انتضرج بالسياره وصار الي شفتيه
اتصاوبت ايدي من الرصاص وجان ممكن اسوي حادث وانت وياي
خليتج تختبأين بهل مكان واتصلت على واحد من الفرقه الي هوَ فاضل هذا
اشر على الشاب الي جابني هنا
وانا تعالجت هنا بدون مستشفى
- علي وين؟ اكيد تورط ويانه صح
- لا مو صح ابوج مفكر انُ علي يخون بلده
- زين هو بخير؟ ديما جنه؟
- كلهم بخير بالنهايه هوَ مراح يقتل شخص ماله دخل بيج
- وهسه شنو راح نسوي؟
- راح نكعد هنا لفتره لحد ما نلكه حل وينسجن ياس
تلفونج وين؟
- كسرت الشريحه وكسرته وذبيته من السياره
- زين تسوين ما لازم يكون وياج اي تلفون ممكن يتحدد موقعنه منه
التلفون الي انطينا الج وين؟
- عند علي
- ما بقيتي اي اثر وراج؟
- لا مثل ما كلتوا الي ما بقيت اي اثر
- برافو عليج راح يوصلون اشخاص من الفريق مالنه
هذول فقط الي توثقين بيهم منا لحد ما يصير الوضع تمام
