˚˚
﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِ عَلّى مُحَمَدٍّ وآلِ محمد
-يا مقلِّبَ القلوبِ ثَبِّتْ قلبِي على دينِك .
ــــــــــــــــــــــــــــــــــــــــــــــــــــــــــــ
الكاتبة: أيـار
يوزر انستا: 5wij_17
شوفي بالبدايه
انا اشتغل بمكافحه المخدرات مهاب حمد عبدالله
من فتره وصلتنه معلومات عن شخص اسمه
ياس ضرغام فاروق
من اكبر تجار المخـ"ـدرات
والاعضاء البشرية بس ما جان اكو اي دليل يبقي ورا ف جان صعب انُ نلقي القَبض عليَ واستعانينه بـ
الرائد علي حسن فاروق
جنت متوقع انُ هوَ يعرف بالي يسوي عمه وحتى يمكن مُشارك بـ الي ديسوي
بس طلعت غلطان حاول يساعدنه على انُ نلاكي دليل على ياس
وبيوم واحنه نحجي سمعته
سمر وفهمت من كلامنه انصدمت وقررت تساعدنه
ما وافقنه بالبدايه بس هي اصرت انُ تساعدنه
وبالفعل بدأت الخطه ڪ التالي
تدخل المكتب الخاص بـ ياس وتشوف الاوارق والخزنه اذا بيهم شيء ممكن نستخدمه
وجانت على تواصل ويا المسؤولين عن القضية هاي
بعدها بفترة بدأت الخطه
كان محد بالبيت حسب ما فهمت
انت والمساعده وبنتها مو بالبيت وياس بالعمل
ودخلت سمر
لكن لسوء حظها رجع ياس وشافها وشاف الاوارق الي بـ ايدها
بوقتها انهار عليها بالضرب
واخذ تلفونها وشاف المحادثات الي بيها اتفاقنه
قرر يهددها بـ اعز ما تملك
والشخص اكيد انتِ
جبرها تقطع وريد ايدها لأجل حمايتج
ماتت حتى تحميج
وانتِ هنا حالياً مو حتى نعذبج حتى نعرض تكملين الي ما كملته امج
راح اعرض عليج فيديو يوضح الج كُلشي
بدأ الفيديو وجانت ماما داتحجي بيه
- ملاذ ابنتي وقره عيني انت دتشوفين هذا الفيديو يمكن انا متت
ويمكن انا كملت الخطه ونجحت اللهُ اعلم
اكثر الاشخاص ممكن توثقين بيهم حالياً
علي ومهاب وجودج ببيت ياس هوَ اكثر خطر على حياتج لو شفتي الفيديو وانا متت اتمنى تكملين الي ماكدرت اكمله
لانُ اللاف الناس داتموت بسبب المخـ"ـدرات
واللاف الناس البريئه ديموتون بسبب ياس ياخذ اعضائهم لأجل الفلوس
خلص الفيديو وكمل حجي وكال
- احنه مانريد نعرض حياتج للخطر
احنه نريد حمايتج وحمايه الشعب لانُ ههذا واجبنه
وطبعاً ياس مو عصابه واحده
عصابه من جميع البلدان وشبكات مشتركه مع بعض
والآن القرار الج تردين تكملين ويانه؟
لو ترفضين؟
ااذا كملتي ويانه اوعدج مراح يصيبج اي شيء وتكونين بحمايتنا
واذا رفضتي الآن ارجعج لـ بيتكم بس لا تنسين الناس الي بيدج تكدرين تنقذيهم
انا عرفت قتل امج لانُ عدنا جاسوس موجود بالعصابه مال ياس
وطبعاً جنت حاس انُ هي ما انتحرت وبالفعل اتأكدت
انا راح اتركج لحالج تفكرين ساعتين
من يخلصن هل ساعتين راح يكون علي متواجد هنا
والخيار الج
« مهاب»
- طلعت وسديت الباب واري وانا خايف عليها بالفعل
طفله ما ذنبها بس مجبور
طلعت تلفوني واتصلت على علي
- ملاذ صار عدها علم بكلشي خلال ساعتين تكون موجود بالمكان الانا بيه هسه
- جاي
