ကျွန်တော်က ကိုခွန်ကျော်ဇင်ကို ကြည့်ပြီးရယ်ပြလိုက်တာကြောင့်
ကိုခွန်ကျော်ဇင်က ပြုံးပြလာပါတယ်။
" သားအလက်ကတော့ အရမ်းအစသန်တယ် မင်းနည်းနည်းတော့စိတ်ညစ်ရမယ် "
" မဟုတ်တာ ကျွန်တော်လည်း တခြားလူကိုစတက်တာပဲ ရပါတယ်ဗျ စိတ်မညစ်ပါဘူး "
" သားလက်က အစသန်ပေမယ့် ခပ်တည်တည်တံ့တံ့ပဲနေတက်သူ
သူနဲ့မရင်းနီးတဲ့လူတွေကတော့ နည်းနည်းရှိန်ကြတယ် သူနဲ့ရင်းနီးကျွမ်းဝင်သွားပြီဆိုရင်တော့ နေမတက်အောင်စတော့တာပဲ မောင်ဖြိုးဇော်အောင်ရေ သဘောကတော့ အလွန်ကောင်းသလားမမေးနဲ့
မင်းသူနဲ့ရင်းနီးသွားရင် သိလိမ့်မယ် "
" ဟုတ်ကဲ့ "
ကျွန်တော်က ကိုသူရိန်ထက်ဆီကြည့်တော့ ကိုသူရိန်ထက်က ကျွန်တော့်ကိုရယ်ပြလာပါတယ်။
" သားငယ်ကတော့ ပြောမနေတော့နဲ့ ဘယ်သူနဲ့မှကိုမတူတာ
အငယ်ဆုံးမို့ ခပ်ပေါပေါမထင်လိုက်နဲ့ မင်းတွေ့တဲ့အတိုင်းပဲ
မျက်နှာအသွင်အပြင်က သူ့အကိုတော်တွေထက် ပိုတည်ငြိမ်နေတာ
စကားလည်းပြောချင်မှပြောတဲ့သူ အရယ်အပြုံးကလည်းမရှိတော့
တခြားသူတွေဆို သူ့ကိုမခေါ်မပြောရဲကြဘူးလေ
မေးတစ်ခွန်း၊ ပြောတစ်ခွန်းပဲနေတက်တာ သူနဲ့သိတဲ့သူပဲဖြစ်ဖြစ်
မသိတဲ့သူပဲဖြစ်ဖြစ် အဲ့လိုပဲဆက်ဆံတယ်မောင်ဖြိုးဇော်အောင်ရေ
ဘယ်လိုသင်သင်မရဘူး ဒီလိုပဲ
သူ့သူငယ်ချင်းတွေကအသိဆုံး ဟိုမှာ ဝေယံပိုင်ကိုသာမေးကြည့်တော့ အဲ့ဒါငယ်ငယ်လေးထဲကပေါင်းလာတဲ့သူငယ်ချင်းတွေ
ဘယ်နှစ်ခါ သူအရင်စခေါ်ပြီးစကားကိုများများပြောဖူးသလဲလို့ "
" ဒေါ်လေးကလည်း တခြားအရာတွေမှာသာ သူမပြောလိုတာပါ
သူအသည်းကွဲလာပြီဆိုရင်တော့ ကျွန်တော့်ကိုအများကြီးရင်ဖွင့်တက်ပါတယ်ဗျ "
ဝေယံပိုင်က ဘာရယ်မဟုတ်ပဲဝင်ပြောလိုက်ပေမယ့် ညီရဲ့ပုံစံက
ယခုလိုပြောတာကိုမကြိုက်သလိုရှိနေသည်။
သူ့မိသားစုရှေ့မှာ ထိုစကားမျိုးပြောတာကိုမကြိုက်တာပဲဖြစ်လောက်မှာပါ။ ကျွန်တော်ကရယ်၍။
" ညီက လိမ္မာပါတယ် အဒေါ် ကျွန်တော်ကြည့်ရသလောက်တော့
ညီကမဆိုးပါဘူး "
