يمامة الضبع .
بقلمي ::- ودق الدليمي .
وسيأتي يومٌ لَن يَبقى فيهِ شيءٌ مِن كل تلك الأشياء التي شَوَّهت حياتي ومَلأتها بالحُزن، واترَعَتني بالكَربِ مِراراً. سيأتي يومٌ بَعد أن يَصِل الإنهاك حَدَّهُ، يَعُمُّ فيه السّلام. ولَن تكون تلك خاتمةً للأشياء، بل طريقةً للولادة المُتَجَدِّدة.
- هرمان هسّه
_______________
يمامه ::-
ما اعرف شكد المده النمت بيها بس جنت احس بيهم احس بكلام يروح ويجي همسات بإذني تصيح بأسمي نغزات بأيدي اثر الابر برد وحر اصوات هواي بأذني .
فتحت عيوني ما توضحت الرؤيه بسرعه رجعت غمضتها اخذت شويه وفتحتها نفس الشي وهنا تأكدت عيوني بيها شي طرافي ما احس بيهن اريد احرك ايدي خدرانه حركت راسي وركبتي تشجنت اريد احجي ما اكدر ركزت بالغرفه نفسها بس شصاير وياي ليش هيج دا احس اريد اكوم بس ما بيه حيل معقوله من ضرب عزام .
بقيت صافنه اريد اعيط ما اكدر صوتي رايح حاولت كذا مره احجي فشلت انفتحت الباب ودخل صكعه تقدم اتجاهي وهو موسع عيونه انصدمت من منظره وهو همات منصدم .
ما اعرف شبي انخبص بيه اخذ ايدي قاس النبض اريد اعرف شبي اريده يحجي ماكو باوعلي وعيونه مدمعه هزيت راسي بمعنى شبي.
صكعه ::-الحمدالله على سلامتج الف الحمدالله ياربي والله ممصدك كعدتي ولجججج طيحتي كلبي عليج.
بقيت صافنه بوجهه شبي هذا الثاني هز جتفي.
صكعه ::- يمامه بيج شي تكدرين تحجين شو بله سمعيني صوتج يلا احجي بس شويه شويه على نفسج.
هزيت راسي بما اكدر فهمني مسح عيونه وراح يركض شويه ودخلوا كلهم اجاني عزام مسرع وهو يتفحص وجهي مصدومه من تصرفاتهم خله ايده على راسه وكعد بالكاع شبي هذا اجتي ضفر حضنتني بس كسرت ضلوعي تبجي وهي تحجي.
ضفر ::- واخيرا يعمري انتِ واخيرا كعدتي ولج كطعتي كلبنه عليج والله النومه ما تحلالج شبيج هيج نمتي والنومه نومه .
غفار ::- عوفيها ضفر تعالي يمي وانتِ شلون صرتي احسن ويلا كومي بلا عياره .
عزام ::- غفار كلمه ثانيه اريد منك كلمه والخلقك اكفر بيك ولي من يمي وكلكم اطلعوا يلاااااااا.
طلعوا كلهم وهو بقه واكف بصف الشباك الدنيه مغرب والبرد يطك بالعظم اني عفتها تسمط شصار يربي عقلي حيوكف همست كوه بصوت مبحوح.
يمامه ::- عزام شصار.
اجه اتجاهي وعيونه حمر مشتعلات نار ابتسم وكال.
أنت تقرأ
يمامة الضبع
Tajemnica / Thrillerهي فتاةٌ قويةٌ، لا تُهزمُ، ولا تستسلمُ أبدًا عيون رمادية كغيمات الشتاء تخفي بريقًا من نارٍ خفيةٍ نظرةٌ منها تُرسلُ رعدًا وشعاعًا تُسبي القلوبَ وتُجرحُ المشاعر في عينيه ضوءٌ غامضٌ، يجذبني كالفراشة إلى لهيبِهِ قوتهُ ترهبُني، لكنّ حنانهُ يُسكِنُ رو...
