يمامة الضبع
بقلمي ::- ودق الدليمي
قد تَخْدِشُ الرُوحَ أحزانٌ فتبكيها
فتبحثُ الرُّوحُ عن رُوحٍ تُسَلّيها
داويتُ بالأمسِ أرواحًا مُجَرّحةً
واليومَ تُجْرَحُ رُوحي مَنْ يُدَاويها؟
____________
ضفر ::-
خليت ايدي على وجهي وبجيت من كل الم بداخل روحي زين شسوي اروح لو ما اروح اختارهم لو اختار موتي بإيدي ياربي تايهه والله تهت .
مسحت عيوني وكمت بروح خامله من كل لون بهاي الدنيه ضايعه ومنو اليدليني رحتله وقررت انطي جواب والله يكون بعوني طلعت من قصر جحيمي لكيته منتجي على السياره رحت يمه والشهكه تارسه صدري همست.
ضفر ::- اروح.
اندارلي وكأنما عرف جوابي هز راسه واشرلي اركب صعدت وره واجه ويانه الولد ابو عيون صفر المُلقب بصكعه شاف وضعي ووسع عينه على وسعها فتح الباب اليمي وكرفص بالكاع وهو يريد يسأل بس ميعرف شلون .
صكعه ::-تمام تمام بس كليلي شبيج احد سوالج شي شهل الحال ولج يبت الناس شبيج عيونج حينفجرن.
دخلت بنوبة بكاء طويله فرفحت روحي واحس الهوه ضاك من صدري شكله صاحبك باعني وخلاهم يغتصبوني لو هسه الموديني بنفسه للموت وهو مثل العرف راح وهز اكتاف غفار وضربه اكثر من مره وذلك بس يضحك رد علي بصوت عالي.
صكعه ::-لكككككك ليششش غفااااار بنيه خطيه ليش هيج سويت بيها والمن موديها لاهلها حتى يذبوحوهاااااا .
غفار ::- صكعههههه ما جنت اعرف مو بوعيي من وديتها للريس وشسويلها هذا حال الدنيه مثلها مثل غيرها وراجعه لاهلها وهاهيه.
صكعه ::-هو شنو الهاهيه تعرف شتلغي لو لا البت انتهى مستقبلها منو اليباوع بوجهاا ليش هيج خليتها ليش غفار متعرف اذا راحت تمووووووت .
اختل توازن صكعه وطاح إيده على راسه مثل الاذكر شي وصادفته بي كعد يمه غفار وما اعرف شنو يهمس اله وهو يهز راسه شويه وكام دخله جوه واجه للسياره فتح الباب اندارلي وانطاني راجدي حسيت خدي اشتعل هو اني عوزني؟
بجيت وهو عاط
غفار ::- نفسسسسس ما اريددددد منج اخليج جوه التاير وانعل اليطلع وراج يا ***** تخربيني ويه صاحبي كليله كلشي ما سوولي لو ما رحتي لإرادتج احد غصبج لا ام ***** تريد تخربني ويه صاحبي بت *****.
أنت تقرأ
يمامة الضبع
Mystery / Thrillerهي فتاةٌ قويةٌ، لا تُهزمُ، ولا تستسلمُ أبدًا عيون رمادية كغيمات الشتاء تخفي بريقًا من نارٍ خفيةٍ نظرةٌ منها تُرسلُ رعدًا وشعاعًا تُسبي القلوبَ وتُجرحُ المشاعر في عينيه ضوءٌ غامضٌ، يجذبني كالفراشة إلى لهيبِهِ قوتهُ ترهبُني، لكنّ حنانهُ يُسكِنُ رو...
