يمامة الضبع
بقلمي ::- ودق الدليمي.
النُّورُ أنتِ، وغَيرُكِ الظَّلْماءُ
فتَبَسَّمي كي تُشرِقَ الأضواءُ
جَفَّتْ ينابيعُ الوِصال، فأمْطري،
واسقي الهوىٰ، أنتِ: السَّما، والماءُ
يا آيةً في الحُسْنِ ليس كمثلِها..
-خُلُقًا وخَلْقًا في النِّسا- حَسناءُ
البدرُ أنتِ، ومَن سِواكِ كواكبٌ،
والغَيثُ أنتِ، ومَن سِواكِ غُثاءُ!.
________
يمامه ::-
ضحكت بعلو صوتي وهو مصدوم من ردة فعلي اريد اهدأ ماكو هيج خبر لا شنو خبر صاعقه وهزت كياني كله مسحت عيوني باوعتله لكيته مبستم وصافن بوجهي
يمامه ::- عليك العباس هسه حروح جاريه.
صكعه ::- وحق العباس حترحين .
راحت ضحكتي بحلفانه رفعت راسي للسمه و عطت بصوت خلى جروحي تزيد .
يمامه ::- يااااا رب دخليك من عالي سماك عبدك على وشك الانهيار ياربي .
ضميت وجهي بحضني وبجيت بكل كسره وحزن وروح مكسوره وجناح مخلوع من جذره ...
رحت لفراشي وهو سد الباب والضوه ورحنه بس اني ودموعي بتفكير طويل :
لايام ابوي وخوفه عليه من صعدة الحيطان ، لايام امي وهي تخلي مكياج واني اطفر يمها اريد منه ، لايام اخواني من نتعارك على الالعاب وابجي وهم يضحكون عليه ، لايام امير وخوفه عليه وحبه ، لايام عمو ابو جعفر الاخذله كتبي واني مبرطمه ما اريد اقره ، لاجمل ايام ختمت يومي بيهن همست بحزن جالي صوتي.
يمامه ::- ارجعلكم بس مو ذيج يمامه الجانت ورده بحياتكم ..
ارجعلكم بس مو ذيج يمامه الجانت ترسم ضحكاتكم ..
راجعه واني بروحي مكسوره .
راجعه واني كلبي ميت.
راجعه ومو ذيج يمامه...
نمت واني ادعي ربي يعدي الجاي بخير ...
كعدت على هزه بمتني درت وجهي لكيتها ضفر بس وجهه منفوخ استغربت وجهه شبي؟
يمامه ::-شبيج؟
ضفر ::- صباحج نور لا مابيه يلا كومي بسرعه عندي علاجات.
ما حجيت وياها مبينه طايحه مدري مضروبه طلعت من الغرفه امشي على رجلي واخيرا خبر حلو بين هيج ايام مُتعبه
أنت تقرأ
يمامة الضبع
Tajemnica / Thrillerهي فتاةٌ قويةٌ، لا تُهزمُ، ولا تستسلمُ أبدًا عيون رمادية كغيمات الشتاء تخفي بريقًا من نارٍ خفيةٍ نظرةٌ منها تُرسلُ رعدًا وشعاعًا تُسبي القلوبَ وتُجرحُ المشاعر في عينيه ضوءٌ غامضٌ، يجذبني كالفراشة إلى لهيبِهِ قوتهُ ترهبُني، لكنّ حنانهُ يُسكِنُ رو...
