يمامة الضبع

الجّرحُـ21

__________
________
يمامة الضبع

بقلمي:: ودق الدليمي

لا العمرُ يكفي لأحلامٍ أُطارِدها
‏ولا زماني بذي جُودٍ فيُعطيني
‏وما قضيتُ من الأيَّام أكثرها
‏إلَّا و وخزُ صروف الدهرِ يُدميني
‏ما علةُ الدهرِ؟ هل وحدي أعيشُ بهِ
‏أليس في الناسِ محظوظٌ فيُعديني

_________

يمامه ::-

ضميت الفون جوه الكرسي وبقيت افتر منا واروح منا حسيته اهتز باوعت بأرجاء البيت فارغ طلعته ولكيت مسجات كومه دخلت وجانت الرسائل من صفحه بالفيس بنيه اسمها جوهره امريكيه مزغرف هزيت ايدي وغميتها جوهره مره وحده منو يسمي هيج اسماء دخيل الله .

دخلت للرسائل وكتمت صوت ضحكتي كوه جانن عباره عن :

-حبيبي وينك مشتاقتلك .

-بعده نايم الحلو اوي نومة العافيه.

-هاي شنو صودك ( صدك) بعدك نايم.

-حزعل منك والله

-فوفويتي وينك يعمري جوجيتك.

-عندي امتحان قراءه بس اخلص اجيك.

اريد اهدأ لو اخذ نفس ماكو اختنكت من رسائلها يا علي دخيلك هاي بيا صف حتى املائها كله غلط انفجرت بطني من الضحك.

بسرعه طفيت الواي فاي عسريع ضميته من سمعت الباب الرئيسي ينطبك...

بهل الاثناء دخل عزام شايل بإيده علاجات وصل يمي بإبتسامه وهو يخلي العلاكه بحضني بس اني وجهي فاضحني صاير احمر

عزام ::- علاجج واجه وكلها ايام وترجعين اطفرين وشبي وجهج احمر؟

يمامه ::- ها لا هيج بس اذكرت شغله وضحكت عليها .

عزام ::- وهاي كل اليضحك هيج يصير حلو.

يمامه ::- تؤ بس يمامه .

عزام ::- من اروحلها فدوه راح اسويلج عصير واذا ما شربتي اطيح حظج.

هزيت راسي بدون جواب بس سالفة مريم شاله تفكيري راح للمطبخ حركت الكرسي زين من جابه صكعه متحرك جان انذليت من وراهم رحت ورا اشوفه يطلع بالفواكه ويخلي على الكاونتر حجيت بدون تردد

يمامه ::- عزام دا اريد اسألك سؤال وجاوبني علي بكل صراحه.

ترك الي بإيده وندار منتظرني اكمل اخذت نفس وكملت