ما ظنها ياربع خلقت من الطين.. فقولوا ما شاءلله كلكم يا رجاجيل

Part«2»

-الحمدلله-
-لا أستبيح النقل أو الاقتباس-
ناظرته يناظر القمر تقدمت له وهي تجلس بجانيه ونطقت: تبيها
رعد: من
حلا: تالا
ناظرها رعد وهو يغرق ببحر هواجيسه هل هو فعلاً يحبها ويبيها والا بس هوو وقت عرف أن غيمه مارح ياخذها وليد في شيء بداخله فرح بس ليه، التفت لها من نطقت بمن تفكر
تنهد تنهيدة طويلة وهو ينطق: مادري
حلا: غرد ايش بك
رفع انظاره للقمر وهو ينطق:

كل علمي أني احبها لكن
يوم شفت عيون غيرها نسيتها
حلا بهدوء: غيم
التفت لها بسرعه وهو يناظر فيها وهي فهمت منه أنه يتكلم عنه وفهمت من عيونه أنه مشتت
حلا: فكر كثير قبل تاخذ اي قرار
استقامت تدخل داخل تترك رعد الليل لوحده تنهد وهو يحاول يفهم قلبه ليه صار كذا كان يحبها ومن شاف عيون غيرها نسيها استقام وهو يدخل داخل وناظرهم كل العيال والبنات موجودين ماعدا غيمه
ناظر تالا يلي بكل مره يعاني حتى يعرفها من بين البنات عكس غيم يلي اول ما يناظرها يعرفها تنهد وهو يدخل غرفته يبدل ويغرف بهواجيسه وبعد ما أخذ قراره يلي عرف انو بهذا القرار مارح يظلم أحد غرق بنومه..
.
أشرت له بعيونه أنه يلحقها، استقامت تدخل غرفتها ومن بعدها دخل وليد تقدم يحضنها بسرعه ونطق: ليه يسوي كذا
تالا بهدوء: ماتدري يمكن خيره لك
وليد: بس أنا ابيها
تالا: تلاقي إلي أحسن منها
وليد: لا مافي أحد أحسن منها
تالا: إلا في واذا تبي أزوجك بنت تنسيك من هي غيم
وليد: مابي غيرها
تالا: أنساها
وليد: مستحيل
تالا: ليه تعمل كذا
وليد: وقت تحبي من قلبك تصيري ماتبي غير ذا الشخص وتكرهي أي أحد يحاول يفرقك عنه ومستحيل تلقي أحد أحسن منه ويعوضك عنه حتى لو مابينك وبينه شي
تالا: كيف حبيتها وأنت كنت تبيها عشان ف..
قاطعها وهو ينطق: صح كنت أبيها عشان مصلحه بس قلبي حبها
تالا: تتوقع لو عرفت ليه تبيها بترضى فيك طبعاً لا ف ليه تعلق نفسك فيها
وليد: بس كمان أنتي ليه تبي رعد
تالا: بس أنا ما أحبه
وليد: ولا تملكي أي ذرة مشاعر تجاهه
تالا: الا في بس خفيف مره وماني متعلقه فيه
وليد: أبيها أبيها شسوي
هزت رأسها بأسى على حالة أخوها يلي ما تدري كيف صار كذا

صباح يوم جديد
جالسين كلهم بالصالة بين الهدوء المخيف
التفتو كل من النساء والرجال ل الجد ناصر من نطق أنا جمعتكم هنا لأن أبي اقولكم شيء مره مهم ولازم تعرفونه
قبل 22سنه من الان
كان عمر غيم 4 سنوات ورعد 8 سنوات
كانت الغيم تلعب في الشارع وما كان أحد موجود حولها لأن كنا مشغولين بعزيمه ومفكرين أنها داخل جات تبي تقطع الشارع وكانت رح تصدمها سيارة بس من لطف ربي جاء رعد وانقذها ووقت عرفنا حنا دار حوار بيني وبين فهد ومحمد وإلي هو
أنو بس يكبرون غيم ورعد يتزوجون وما قلنا لأحد لأن مانبي نعلقهم فبعض وحنا ماندري وش يصير وقت يكبرون ومر الوقت وكبرو وجاءو الحريم وحجزو الوليد لغيم والرعد ل تالا وحنا سكتنا لأن ماني دحين تصير مشاكل وكره وحقد بين بعض واليوم أبي اقولكم أنه أبي أزوج ولدي رعد لبنتي غيم ومابي أي اعتراض وإلي يعترضني ما أعترف أنه ولدي
تحولت أنظار الجميع ل رعد وغيم ووليد وتالا
استقامت بهدوء وهي تنطق إلي تبيه يابوي يصير
تقدمت تاخذ أغراضها وتخرج لدوامها
ناظر الجد رعد يلي مصدوم ومو مستوعب ونطق ألحق بنت عم وقلها أنه بعد ثلاث أيام يوم الجمعه ملكتكم
ناظره رعد وهو للحين مو مستوعب استقام وأخذ مفتاحه وجواله وخرج
.
ناظرها تبي تروح ركض لعندها وهو يطق الدريشة
التفت له وهي تحس أنها تشتت ماكانت تبي وليد وخلصت منه بس ما توقعت أنها تاخذ رعد طيب كيف كذا محجوزين لبعض ومحد يعرف ليه محد قال هي ماتعرف عنه أي شيء كيف بتتزوجه نزلت شباكها وهي تناظره
رعد بهدوء: جدي يقول أن الجمعه ملكتنا
غيم: تبي الزواج
ناظرها ومايدري أيش ينطق هل يقول لها أنه معجب فيها ويبيها والا يسكت وما يتكلم لأنه الظاهر له أنها ما تبادله المشاعر ولا تفكر فيه سكت وهو يروح سيارته ويتوجهه لدوامه وهي بالمثل
.
ناظرت نفسها بالمراية ونطقت بهمس: بوش غيم أحسن مني ليه الكل يحبها صح أنها جميلة بس كمان أنا جميلة
ناظرت جسمها يلي كان مليان شوي وطولها المتوسط وبشرتها السمراء وشعرها الستريت وملامحها الهاديه هي بالفعل جميلة لكن ماتسوي شي على جمال غيم
ابتسمت بحقد تشوف نفسها وتقارن حالها بغيم
الغيم أنسانه تحب نفسها وتهتم بروحها عندها ثقة بحالها وشخصيتها قوية وجمالها يسحر ألف واحد يتمناها ما تلوم أخوها لو زعل أنها مهي من نصيبه بس كمان هي جميله
نطقت: صدقيني مارح تتهني يا غيم طالما أنا عايشه
.
ناظر العيال يلي يشوفون كيف حالته سيئة ونفسيته مقفلة وماله نفس لشيء وواضح أنه يبي يبكي كيف تحولت حالته بسبب أنه راحت منه حبيبته هو كان يبيها عشان مصلحة بس ماتوقع أنه يحبها ويعشقها كذا ماكان يبي كذا بس شيسوي تنهد بحزن وهو يحط براسه أنه رح يدمر حياته ل رعد لأنه أخذ منه معشوقته
.
هايف: ليه ابوي سوا كذا
محمد: قلت له من الاول طالما أنهم محجوزين لبعض ليه ما قلت أو على الاقل منعت الناس من أنهم يحجوزين وليد ل غيم وتالا ل رعد دحين الله وأعلم وش يسوون
نواف: أنا عندي إحساس أنو كذا رعد وغيم رح يكونو سعيدين
فهد: رح يكونو سعيدين بس وليد وتالا وش رح يصير عليهم
نواف: لا تخافو أبوي بيزوجهم
محمد: تتوقعون لمن
فهد: مادري بس أنا عني لو قال لي أزوجه لوحده من بناتي ما أقبل
محمد: وأنا بالمثل
هايف: وأنا كمان
نواف: اوف اوف ليه
هايف: بالله تبينا نزوجه وحده من بناتنا وحنا كلنا شفنا لمعة عيونه يوم درا أن غين بتروح لغيره
محمد: ما بنعلق بناتنا بولد متعلق بوحده غيرها
فهد: ممكن اعطيه وحده من بناتي بس اذا شفته نسى غيم ويستاهل وحده من بناتي غير كذا مستحيل
نواف: مادري عنكم أنتم أدرى بمصلحة بناتكم
محمد: بس دحين ابوي مارح يزوج احد لأن شغله الشاغل غيم ورعد
فهد: الله يوفقهم
الجميع: أمين