SONGS OF UNIVERSE 🌍🚀

CHAPTER 12

CHAPTER 12 🌍
~prof.KIM~

අපි හැමෝම.. හැමෝම කිව්වේ මම,අපේ කැප්ටන් ස්මිත්,ප්‍රොෆෙසර් කිම් සහ ප්‍රොෆෙසර් අලුවිතාරණ, මගේ පොඩ්ඩා,ලුලූ වගේම එයාලගේ තව තාරකා විද්‍යාඥයින් කියලා හිතන්න පුලුවන් කීප දෙනෙක්... අපි හිටියේ ප්‍රමාණයෙන් තරමක් විශාල කාමරයක යුනිවර්ස් ගැන කතා කරන ගමන්..

" ඒක ඇත්තටම හරිම භයානක දෙයක්... අපි කොහොමද හරියට ගමන් මගක්වත් දන්නෙ නැති වල්ගා තරුවකින් එහෙම එකක් කරන්න හිතන්නෙවත්.. "

ඒ ජාන්ලගේ පැත්තේ කෙනෙක්..

" ජීවත් වෙනවා කියන එකම අභියෝගයක්.. ජීවිතේ තියෙන්නේ අභියෝග භාර ගන්න තමයි... හොඳයි අපි පොඩ්ඩක් සුබවාදී විදියට හිතමු.. මේක සාර්ථක උනොත් අපිට කිසිම ගැටලුවක් නැතුව යුනිවර්ස්ට අවශ්‍ය ඉන්ධන සම්පූර්ණයෙන්ම ලබා ගන්න පුලුවන්..."

" එත් ඒ තරම් ජලය ප්‍රමාණයක් රැස් කරගන්න නම් යුනිවර්ස් තරම්ම විශාල යානයක් අවශ්‍ය වෙනවා... අපිට එහෙම ඒවා නෑ දැනට... "

හොඳ ප්‍රශ්නයක්... මට මෙතන ඉන්න කම්මැලිත් වගේ දැන්... ජාන් නම් හරිම බැරෑරුම් විදියට මූණත් හදාගෙන හැමෝටම හොඳට ඇහුන්කම් දෙනවා... ආශ්... තමුන් වයිස් කැප්ටන් වන්ග් යිබෝ මිනිහෝ... සිහියෙන් ඉන්නවා...

" හරි ඒක නම් ප්‍රශ්නේ අපිට පුලුවන් ඒ වෙනුවට අලුත් යානයක් නිපඳවන්න.. "

ආයෙමත් ප්‍රොෆෙසර් අලුවිතාරණ...

" හිතන තරම් ඒක පහසු නැහැ ප්‍රොෆෙසර්... අපේ සම්පත් සීමිතයි... අනික එහෙම යානයක් හදන්න ගොඩක් කල් ගත වේවි... එතකොට වල්ගා තරුව අපෙන් ගොඩක් ඈතට ගිහින් තියේවි... "

ඒකත් ඇත්ත... ඒ වෙන කවුරුත් නෙමෙයි මගේ ජාන් තමා... ආඩම්බරයි මට... හුම්ම්...

" ඒත් අපිට පුලුවන් සාමාන්‍ය යානයකින්ම ඒක කරන්නත්.. "

ප්‍රොෆෙසර් කිම් වෙතට හැමෝගෙම අවධානය යොමු උනා... නිශ්ශබ්දව හැමෝම සවන් දෙද්දි ප්‍රොෆෙසර් ආයෙමත් කතා කරන්න ගත්තා...

" everything is physics...සෝ, අපිට පුලුවන් ඒක සරලවම කරන්න ඔරිගාමී යොදාගෙන.. "