تفاعلكم نازل بالبارتات مع ذلك مستمر انزل لكم وحتى كتبت بارتين وبنزل واحد والثاني بعده بيوم يومين وانتم مقصرين مره
صح تقرون بس لا تعليق لا تصويت قليل مره
والحين اللي يبي بارت ينزل بسرعه يكتب و يصوت ومع كل الاسف بحط شروط لاني والله مقهور يعني مش طبيعي الوضع
يعني اكتب واتعب ومشغل مخي وصداع طول الوقت وقهوه رايحه وشاهي جاي وبالاخير ما تنشهر روايتي ؟ ما عاد فيه دلع لكم خلاص بصير دادي قاسي لكم
وبستمر كذا اول ما تتم الشروط بينزل لكم بارت طويل
( 100 فوت ، 200 كومنت )
استمتعوا يحلوين
تجاهلوا الاخطاء الاملائية
............................
من سلسبيل الكلام وصوتك الهادي
وش يمنع الورد ما ينبت على صوتك .
...........................
...،......:.........:.....:.....
يوم جديد الساعه 7:10 صباحاً
خرج من الحمام ورمى فوطته على سرير وفتح دولابه وبدا يلبس وكعادته من سنين ما يلبس غير الاسود كانه يعيش بحداد ما انتهى
رش من عطره واخذ العود يحط على يدينه ويدهن دقنه ورقبته
اخذ عصاته وجواله ولبس جاكيته الرسمي وخرج من الغرفه
نزل بخطواته الهاديه و صوت عصاته يهز البيت الصامت
وقف قدام لوحه وناظر الخادم اللي تقدم وبينه صينيه اكل :- ليه ما عطيته اكله لحد الان ؟
بلع ريقه بتوتر ونزل عيونه بعد ما فهى بعيون الواقف قدامه :- سيدي الان صحى من النوم
همهم واشر له يوقف بمكانه بينما هو دفع اللوحه وانسحبت لداخل الجدار مظهر ممر طويل بدايته غرفه ونهايته مكتبه
تقدم وفتح باب الغرفه بالقفل الالكتروني ودخل يناظر الجالس على سريره ويلبس رجله الاصطناعيه
تنحنح وتكى بظهره على الجدار متمسك بعصاته :- لو تدري وش صار
ناظره بدر ببرود تعود عليه بحر وصد عنه وهو يوقف ويمشي بهدوء للحمام
انتظره بحر يخرج وانتبه لشعره الطويل وقرب منه لما جلس بتعب على السرير وجلس جنبه :- كانت ليله صعبه ؟
هز راسه بدر وهو يمسح على وجهه حاس بصداع وتنهد بحر وهو يناظر قدام :- بخليهم يقصون شعرك ويعطونك دواء صداع وتعال للمكتبه بكلمك
التفت له بدر يناظره وهمس :- الوقت ما يكفي
ابتسم بحر ورفع شعر بدر عن عيونه :- بعطيك ساعتين زياده
