سّود الليالي تعلمك شلون هجّرني يذبحك .
...................
......،......
بداية غروب الشمس
واقف قدام البوابة يناظر الناس الي تدخل وتخرج وبدا التوتر يتسلل لقلبه خصوصا لما تأخروا و وقفته بدت تعوره
تعدل ساند ظهره على الجدار وراه ومسك جواله يراسل سامي ويطمنه انه بخير لحد الان على الاقل
حس بصداع من الازعاج بما انه له فتره طويله ماخرج للازعاج ذا
مسك راسه ثواني وحس باللي يوقف قدامه ويهزه :- بسم الله عليك بدر تحس بشي خلاص خلاص مشينا
ابتسم بدر بخفه ومسك يد يوسف يهديه :- لا بخير تأخرتوا
قرب سلطان ونمر وحمدان وهم مبتسمين :- لا تغرك ابتسامتهم طولوا يتجهزون تقول رايحين زواج المشكله ملابسهم خايسه
ضحك بدر لما حمدان ضربه على راسه وحضن بدر اللي بادله بخفه كونه مو متعود وسلطان حضنه بدوره بينما نمر صافحه مايبي يكثر عليه
تنحنح يوسف ومسك ذراع بدر و دخلوا مع بعض والباقين وراهم :- المهم نرجع لموضوعنا نلعب ولا ناكل اول ؟ يووه عاد فاتك بدر كبسه شِعاع تجنن والله للحين طعمها بفمي بس الاهم محد اكل غيرنا حتى هِمان طردنه مع شِعاع وعز و زوجاتهم مع ان سلطان مفروض يخطفني بس عشانك هالمره سامحته تعال نشوف هاللعبه
عقد حواجبه حمدان والتفت لسلطان المنصدم :- طبيعي يسولف كذا هو؟ اتذكر انا الي اهبد ولا نموري ؟
ناظرهم نمر بنفس الصدمه :- ايه انت المزعج مو هو احح حمدانن
قلب عيونه حمدان بعد ما ضربه على بطنه واسرع بخطواته داخل بين يوسف وبدر وبدا يسولف هو و يوسف وبدر يبتسم لهم
قرب نمر من سلطان وناظره بطرف عينه :- هيي يالشايب لا تتعب اول ما تحس بشي اجلس
تنهد سلطان وفتح علبه المويه وشرب منها شوي قبل ما يكح وتجمد بمكانه لما قرب منه يوسف وضربه على راسه :- كم مره كم مره قلت لما تشرب مويه تجلس
تنحنح سلطان وناظر الناس الي بدت تنتبه لهم ومسك يد يوسف وسحبه :- طيب طيب امش
سحب يده يوسف وكمل بطريقه مع بدر وكل شوي يناظر سلطان
ناظر نمر اللي يمشي جنبه ومد له منديل يمسح المويه اللي انكبت عليه :- شايب غبي
تأفف سلطان وسحبه من يده يمسح ملابسه :- كلها سنه يا تبن غاثني فيها
ابتسم نمر وعدل شعره واسرع بخطواته :- ايه سنه بس بعضنا بدا يشيب ويتعب الحمدلله على الشباب بس
ابتسم سلطان بخفه وهو يلحقهم وكل شوي يضحك لما حمدان يتحمس و يروح يبي يلعب ونمر يمسكه لان نص الي يلعبون اطفال
