ليست كل نهاية حقيقة لربما تكون نهاية قصة وبداية اخرى ؟ .
يامنى روحي وقلبي
تعبت اداري في اشتياقي
..
والله واحشني زمانك
جلستك حضنك حنانك
..
ودي اشيلك واسافر واترك العالم واهاجر
حتى تعرف لأجل عينك قد إيه اقدر اخاطر
.....................
البارت الاخير
مع غنيات محمد عبده
......،......
بعد اربع ايام "بيت حمدان"
جالس بالصاله ويناظر عز الجالس قدامه وبحضنه باسل ويتكلم معه بهمس
تنهد والتفت يناظر هِمان الجالس على طاوله الاكل و شِعاع واقف معه يتهامسون وبينهم شنطه صغيره فيها ملابس
عدل جلسته وناظر عز اللي التفت له وهمس :- هادي تحتاج شي ؟
هز راسه وناظر باسل الصامت وفتح يدينه :- تعال بسول
وقف باسل وقرب منه وجلس جنبه يناظره :- بتتعور عمو هادي
ابتسم هادي وسحبه يجلسه بحضنه وباس خده بقوه :- انت ما تعورني بسول بس قول وشفيك من مزعلك عمو عز قايل لك شي ؟
عقد حواجبه عز وتكتف وهو يصد عنهم وباسل ابتسم :- لا عمو عز احبه بس وين عمر طول ما جاء اشتقت له و عمو سلطان وينه؟
قبل يجاوبه هادي التفتوا لباب اللي انفتح ودخل عنان وناظرهم :- الوليد صحى الحمدلله
تنهد شِعاع براحه وقرب منه يحضنه وبادله عنان بقوه وناظر باسل
ابتعد عن شِعاع وفتح يدينه لباسل اللي ركض له وشاله :- ما اشتقت لي ؟
ابتسم باسل وشد على عنان اللي دار فيه :- اشتقت لك عنان والله
نزله عنان ومسح على شعره :- ما تاكل انت شوف خدودك راحوا
ابتسم باسل ونزل راسه بخجل كعادته :- الا اكل بس انا كبرت خلاص بتروح خدودي يقوله عمو عز
عنان ناظر عز ثواني وهز راسه :- عز ماعنده سالفه تعال اوكلك اعرفهم مو فاضين لك هالسلق خلوك جوعان صح
شال باسل و دخل المطبخ وضرب كتف هِمان الي كان بيطيح بس تمسك وناظره بحقد :- قسم لو تعيدها لا اقوم عليك يوررعع
ابتسم عنان وفتح الثلاجه يناظرها :- ماعندكم كبسه ؟
عقد حواجبه هِمان والتفت له وهو ينزل نظارته اللي كان لابسها :- كبسه بالثلاجه؟ الحمدلله صدق استخفيت وايه فيه كبسه بس بالقدر قدامك يا الشايب ذا بدا يخرف صدق
ناظره عنان وقلب عيونه وناظر باسل الساكت :- ما يعرف ذا غبي الشيب وقار صح باسل
ابتسم باسل لكلامه وهز راسه بينما عنان ابتسم ونزله على الطاوله وفتح القدر وبدا يأكل و يؤكل باسل وهو يسولف معه ويحاول يغير جوه بعد ما عرف اللي صار له من يوسف
