...........................
عـمـري قضيته بك ولا دريت
انك غيمه ماترعد بـسـمـاي .
..........................
......،......
الساعه 10:29 مساء
تنهد سامي وشال القماشه اللي بللها بمويه بارده والان صارت حاره
التفت يناظر حمدان الجالس جنبه :- ماينفع كذا لازم اوديه للمستشفى ماعنده مناعه يتحمل اكثر
تأفف عمر ودخل يده بتشيرت بدر وطلع مقياس الحراره وناظر عنان الواقف عند الباب :- عنان حرارته صارت 40
وقف سامي ورفع بدر وناظر عمر :- جيب كماده اي شي فيه ثلج
هز راسه عمر واسرع بخطواته خارج الغرفه
قبل يشيله سامي وقف وناظرهم بصدمه :- ماعنده اثبات ماقدر ادخله
ناظره عنان بغضب وقرب منه :- ايش وين اثباته وش مسوين انتم وش نيتكم ؟
تنهد سامي وابعد يد عنان اللي رفعه بعصبيه و وقف مطلع جواله :- انت اخر من يتكلم اص
ابتعد عنهم واتصل على بحر اللي ثواني ورد بعصبيه :- وينكم تأخرت سامي خله وتعال ما أمن عليك عندهم
تنحنح سامي وعيونه على بدر النايم :- بدر تعب بابا لازم نوديه للمستشفى بس تعرف
قاطعه بحر اللي فز من سرير فياض :- وده لمستشفى ****** الخاص انا جاي الحين
قفل من ابوه وقرب يشيل بدر بس سبقه عنان اللي رفعه وناظر بعصبيه
قلب عيونه واخذ جاكيت بدر ومشى خارج من الغرفه واخذ الكماده من عمر و نزلوا لتحت
فتح باب سيارته وركب عنان وبحضنه بدر ومد له الكماده :- خلها على جبهته وكل شوي حطها على رقبته وصدره
هز راسه عنان وهو ينفذ كلامه بينما سامي ركب قدام وقبل يحرك ناظر حمدان اللي ركب جنبه وتكتف
ابتسم بخفه وحرك بعد ما شغل موقع المستشفى
بينما بحر لبس جاكيته وناظر فياض :- والله بقولك اذا وصلت وبطمنك عنه انت ارتاح الحين
تنهد فياض وتكتف يناظره :- ابي اروح معك ليش ما تفهم بحر ؟
تقدم له بحر ومسك وجهه وباس جبينه وابتعد :- حبيبي فياض لمصلحتك ماتبي تشوف احد انت صح ؟ عشان كذا لا تروح خلك هنا والله بطمنك عنه
هز راسه باستسلام وناظر بحر اللي اخذ عصاته وخرج مو مهتم لبسه
.......................
ركن سيارته ونزل تارك عصاته من عجلته ودخل المستشفى وقرب من الاستقبال :- بدر بحر توه جاي
