وش قال ابو نوره ؟ :
اهه لو تدري حبيبي كيف ايامي ، بدونك تسرق العمر وتفوت
......................
......،......
الساعه 9:11 صباحاً
دخل وهو يسحب عربة ادويه وناظر الموجودين
تقدم من النايم على السرير وبدا يغير له المغذي ومركز بشغله
سمعهم يتهامسون وقدر يفهم بعض الكلام
انتهى ورفع الغطاء على النايم وناظر اللي قرب له وبشعره شيب :- شلونه عز ؟
ابتسم الممرض وهو يفتح الملف الي معه :- لا الحمدلله بخير بس يحتاج راحه مافيه اضرار بالفخذ سوا بالاعصاب او العظم يومين بالكثير ويطلع
التفت للي وقف بعد ما كان منسدح وتنحنح :- و هادي ؟
تنهد الممرض وهو يدعي الحزن :- مع الاسف بالعناية للحين بننتظر 24 ساعه وننقله بغرفه خاصه اذا تحسن و انتم تعرفون ان الرصاصه اللي صابت بطنه كانت مسمومه وتلوث الجرح وكانت قريبه من بنكرياسه وحالته خطره بس بإذن الله بيتحسن قريب
خرج بعد ما سكتوا وهو يحس بحزنهم وقفل الباب وراه
مشى خطوتين واخرج جواله وهو يتصل وعلى طول انفتح الخط وتكلم :- سيد كلهم هنا الا وسام وعمر والصغير
هز راسه وهو يسمع الطرف الثاني وابتسم :- حاضر سيد الان اتوجه لهم اراقبهم فقط ؟
همهم وقفل الخط و توجه بسرعه لغرفه التبديل و بعدها لسيارته و توجه لبيت حمدان
بينما بغرفه عز عنان للحين واقف ويناظر حمدان الواقف قدامه وتنهد :- بحر مارح يسويها
ناظروه بنفس اللحظه وهم مستغربين وهو كمل كلامه :- بيروح بكره بحر مارح يخاطر يسويها وانتم تعرفون بدر يعني مستحيل يسوي كذا باصحابه
همهم سلطان وتقدم لهم :- معه حق عنان لازم انعرف من الي متسلط علينا الحين وبعد ست سنوات منقطعين من شغلنا وما عندنا اعداء كثيرين والحين بروح اراقب هادي واذا جاكم يوسف خلوه يرتاح
خرج سلطان بينما حمدان رجع ينسدح بالكنبه وراسه بحضن نمر النايم وناظر عنان :- ماعندك ماضي بعد ما نعرفه ؟
ناظره عنان بطرف عينه وصد عنه وهو يتكي بظهره على الجدار ويفكر
التفتو ليوسف اللي دخل وهو يمسح عيونه الحمرا وناظرهم :- ما صحى عز ؟
