..................
عِـش مع اللّي تشوف قيمتك في عيُونه .
..................
......،......
صحى على صوت سامي المتحمس :- بدر يلا قووم بسرعه
التفت لجهته الثانيه يناظر الشباك المفتوح :- شفيه سامي بنام
نط سامي على السرير و وقف وهو يهزه :- قووم بدر اليوم مميز يلاا
تأفف بدر و وقف متوجه للحمام وهو يسب بسامي مايدري شفيه متحمس مره
ابتسم سامي بفخر وطلع من غرفته و توجه لغرفه فياض ودق الباب وفتحه بنفس السرعه
التقت عيونه بعيون فياض الواقف ولابس بوكسر فقط توه متروش
توتر سامي بس سوا نفسه عادي وتكتف يناظره :- تحتاج مساعده ؟
ابتسم فياض وهز راسه وهو ياخذ بنطلون مريح من الدولاب
قرب منه سامي وبدا يفتش بالدولاب واخرج بنطلون اسود ومد له :- خذ
اخذه فياض وهو عاقد حواجبه يناظر سامي اللي طوله يوصل لكتفه وهو يفتش بالدولاب :- اووف وينه اتذكر حطيته هنا
تمتم فياض باستغراب :- وشو ؟
التفت له سامي وهو متنرفز :- الهودي اللي شريته لك بيوم ميلادك اووف منهم الخدم ضيعوه
ابتسم فياض واشر على سريره :- هذا كنت لابسه امس
ناظر سامي الهودي وابتسم وناظر فياض :- اووه طيب بشوف واحد ثاني
همهم فياض ولبس البنطلون على ما يخلص وفعلا لف عليه سامي وبيده بلوفر اسود عليها رسمات بلون بنفسجي :- خذ هذا حلو يلا لا تتاخر
مشى من جنبه بس وقف والتفت لفياض اللي مسك يده :- على وش اتأخر ؟
ابتسم سامي وقرب يلمس شعر فياض ويرتبه :- مفاجاه امزح ما اقدر اخبي عليك بس بنروح منتزه هاليوم كله بنكون مع بعض برا البيت
هز راسه فياض ومسك يدين سامي ونزلها :- وش المناسبه ؟
عقد حواجبه سامي والتفت لباب ورجع يناظره :- بابا ما قال لك شي امس ؟
ابتسم فياض وهو يحاول يتذكر وهز راسه :- لا ما قال شسالفه سامي ؟
تلاشت ابتسامه سامي وتنهد :- معليه يمكن نسى مع تعب بدر بس انا اليوم يوم ميلادي
توسعت عيون فياض وهو يحس بالخيبه بصوت سامي :- اوه طيب
ناظره سامي وابتسم بتسليك وخرج من الغرفه بسرعه
تنهد و توجه لغرفه ابوه ودق الباب :- بابا ادخل ؟
ما سمع رد وفتح الباب يناظر الغرفه المظلمه والبارده واستقبله صوت بحر :- سامي بابا توي انام فيه شي ؟
