نصيب ممنوع

مقتطف

" نصيب ممنوع "

•~•~•~•~•~•~•~

تبارك؛ وصل لباب غرفه الفندق جريت نفس؛ شلت البدله بايدي ومرت عمي تساعدني بيها والبنات وراي يدخلنها؛ دخلت للغرفه وصوت الهلاهل والهوسات وراي والنسوان تدبچ وتصفگ واني ملامحي خاليه من المشاعر
داخلي فراغ ماعندي اي مشاعر توصف حالتي بهل اللحظه

_صحيح حاسه ب استغراب وضياع؛ غير هذني ما حسيت لا بخوف ولا قلق ولا توتر مثل اي شعور تحس بي اي عروسه بليله عرسها
ممكن لان اعرف شنو الي حيصير بهل الليله!! واعرف مستقبلي شنو!

تبارك؛ تقدم بخطوات والبنات يساعدوني بالبدله كعدت على الچربايه ودنگت امثل اني مستحيه وخجلانه واريد ابجي؛ هن طلعن بس مرت عمي بقت نسد الباب واصوات الهلاهل والهوسات صارت شبه مسموعه لحد ما اختفت؛ رفعت راسي لمرت عمي هي جرت نفس ولزمت خاصرتها
تسوي هل الحركه من تكون متوتره

صمود؛ چبت جنطتچ حطيت بيها ملابس؛ انزعي البدله واستعجلي نروح

تبارك؛ هزيت راسي وگمت على حيلي؛ شلت البدله ودرت وجهي هي نزعتني السحاب ودارت وجها نزعت البدله على السريع وطلعت الملابس من الجنطه دگ تلفون عمتي راحت بزاويه الغرفه تتتصل وتهمس مجان انتباهي يمها احس بالي مشتت؛ لبست فستان طويل مال محجبات
تقدمت هي شالت البدله عني

صمود؛ تبو اني نازله جوه بس يدخل الغرفه تلفونج ب ايدج اي شي يصيير بس رمشي علي ما اتاخر عليج نص دقيقه بس يزفو وينزلون الشباب گبل اطب للغرفه

تبارك؛ هزيت راسي ب ابتسامه مصطنعه هي فتحت الباب على السريع وطلعت جريت نفس احس بحمل چبير صار على گلبي سمعت هوسه زلم ودبجات وگلبي يدگ طبل الدبچات استمرت تقريبا ثلاث دقايق ونفتح الباب واني گلبي گام يرچف ودگاته زدادت دخل مبتسم وفرحان ويهوس وسد الباب لتفتلي وعيونه علي ابتسامته شبه اختفت جر حسره طويله وحجه بهدوء

_شلونج؟

تبارك؛ ضغطت اكثر على التلفون واتخيل اي شي يكوله گبل اتصل على مرت عمي بسس اكتفه ب شلونج ومشه بالغرفه نزع سترته اني گبل انتفضت من مكاني؛ حجيت بتلعثم " ششش شش كو نازع الستره؟ خيرررر يعني!! "
لتفتلي صفن بيه ثواني نفتح الباب دخلت مرت عمي لزمت ايدي واشرتلي

صمود؛ بس عشر دقايق وننزل لان الولد بعدهم

تبارك: قاطعها وحجه بهدوء

_ابقن هنا لاتطلعن اني نازل

صمود؛ تمام

تبارك؛ شمر سترته على الجربايه وطلع

صمود؛ حجه وياج شي؟

تبارك؛ اصلا ملحگ يحجي شي وانتِ بسرعه دخلتي

صمود؛ انتظر اتصال من عمج وننزل

تبارك؛ هي دنگت شالت البدله تعدل بيها حطتها على الجربايه وتدددرددم علي

صمود؛ شعنده مشتري بدله خو ياجرها ويرجعها

تبارك؛ لتفتت لغرفه الفندق وعيوني على الزينه اتذكر توسلاته البارحه وهو متسمك يحاول يقنع بيه هل الزواج يستمر!!!
دگ تلفون مرت عمي فزيت لتفتت الها وهي تهز راسها وسدته

صمود؛ هياته اجه عمج امشينا محد هنا

تبارك؛ طلعت من الغرفه ونزلت الدرج وصادفته واكف باب الفندق عيونه علي ومكتف ايده يباوعلي عبالك راح اضيع منه او اخر مره حشوفه مرت هيج نضرات بسيطه بيناتنا بس هو حچه بيها عتاب اهوايه وذم الي....

_عبرته وطلعت اول موصلت للسياره تلگاني عمي داريد اصعد حط ايده على راسي وحچه

غسان؛ الحياه كدامج طويله ب اذن الله وتذكري هذا مو اول هم او حزن انتي مريتي ب الاكثر والاصعب

تبارك؛ عيوني دمعت وهزيت راسي ب ابتسامه وصعدت

_رجعت للبيت طبيت غرفتي امسح المكياج واهز رجلي بس تذكرت نضراته انتهاريت ابجي ليش اذاني؟ ليش هيج سوه بيه ويعرف اني اموت بدونه ليش حبني؟ والله جنت انطي الدنيا وما بيها وروحي هم بس لو ما حابني جان كلشي بخير

يتبع.....

سلام بنات
شرايكم بالقصه!
مختلفه مثل كل مره تعودتو على اسلوب قصصصي 🫣

_حرفيا حدللكم دلال لان عطله وخلصت من الجامعه 🫂🥲

اجم احم اولاً
البطل صدك ميخون البطله
والبطله هم متخون البطل

_البطل ميضرب ويعنف واذا شاف البطله وي واحد يضرب
ايده بالحايط وهيج عصبي ويسوي دراما
بالعكس هادئ

_وهل المره البطل ميشلع گلب البطله هي التشلع گلبه
تخيلو يكتبون قصتهم واحد ميطيق الثاني بالاخير يحبون بعض
واحنا الواگعين بيها!!! 🤌🏻🤌🏻

_بالنسبه للحسابات ف ماعندي فيس ولا حساب تلي للقصص
ولا توك
عندي انستا بس ما انشر بي قصص وهيج وخاص مو عام
ميتجاوز الحساب ٧٠ متابع

البارت الجاي انشره من توصل القصه ١٠٠ مشاهده 🎀