نصيب ممنوع

البارت الرابع عشر

" نصيب ممنوع "

البارت الرابع عشر

للكاتبه زهراء المياحي

*٠*٠*٠*٠*٠*٠*٠*٠*٠*٠*٠

تبارك؛ اسمعلها وهي تقنعه يتركني

فتوح؛ اتركها تجيك

سيف؛ عجيب شلون تجي؟
تقنعيني هسه اهد بشر من الاهتمام والسوال وهو يجيني؟

فتوح؛ اي

سيف؛ شسالفه العالم تخبلت؟ ليش بس اني
الاهتمام يجيب راسي ويخليني احب اكثر

فتوح؛ اكو بشر تنطيهم تنطيهم وهما ماكو
ولا مهتمين ولا على بالهم ميهتمون

سيف؛ استغفر الله

تبارك؛ سحبت نفسي ورجعت لغرفتي

_مر شهر كامل سيف ممعبرني ولا يحجي وياي
ومن نگعد على نفس السفره ميسويلي لفات ولا يقرب مني
ومن يطلع ميشتريلي اي شي...
بالبدايه فتوح ارتاحت لهل الوضع وهو مبين علي تعود
الا اني احس بهتتت وتعبت

_اكعد يمه واكل وكل ساع اريده يسويلي لفه
او يشتريلي اشياء بطريقه
ويهتم بيه
اني فتحت عيني بعد مافقدت ذاكرتي هو ماتركني ولا هد
ايدي ولا يوم وهسه هد ايدي اله المن بعد؟ يا ايد تلزمني!
هو ابتعد حتى اشتاق اله واني فعلاً اشتاقيت اله بس مو اشتياق
محب ولا اشتياق مشاعر عشق..

_محد راح يفهمني والكل يلومني حبي وخلص
كبرتي الموضوع؛ طلعت اكثر من مره وي نهال وصمود
علمود ملابس الجامعه واشتريت اشياء هم للجامعه
رتبت غرفتي ونظمتها وكلت استعد للجامعه

_بس صابني ارق مايخليني انام ابداً
يخليني كاعده بس صافنه على سقف الغرفه
لا اتحرك ولا اسوي اي عمل

_صمود عزمتني ع خطبه مهدي ورحنا نشتري فستان
من رجعت اشوف سيف يباوعلي بنضرات عبالك منتصر
وماخذ جائزه كل ساع من اعبر من يمه هو يصيح راح مهدي
ضجت من تصرفه يعني تمام اعرف هددته وگتله ارتبط بي بس مو هل الدرجه
واصلا مجنت معجبه بهذا مهدي

_رحت حفله الخطبه وبقيت يم صمود يومين بالبيت
سهرت وي البنات سوالف وضحك وشقه واحنا كاعدين
نفتح الباب بقوه لتفتت شهگت حطيت ايدي ع حلگي
دخلت زوجه عماد السابقه تلهث وحجابها واگع ع اكتافها
گمت ع حيلي ولتفتت لزوجه عماد مستغربه تباوع بيني وبينها

_عماد وين؟

تبارك: ششششعليج؟

_منو هاي وشتريد من عماد!

تبارك؛ عمه صموووووووود وينننننج تعالي

_رند صيحيلي عماد بسسسسسسرعه

عماد؛ منو هذا الي يصيح؟

تبارك؛ دخل عماد من شافها وكف مجمد هي لتفتت اله