نصيب ممنوع

مقتطف 2

" نصيب ممنوع "

•~•~•~•~•~•~•~•~

بعد مرور ست اشهر

تبارك؛ دخلت للصحيات مستعجله حطيت لابكوت على الميز وگفت گبال المرايه اعدل شعري طلعت قلم الحمره من الجنطه رسمت شفايفي ورتبتهن عدلت گذلتي وحطيت شوي موررد خدود؛ شلت لابكوت ودالبسه دخلت رنا مستعجله تجر بيه

رنا؛ بشرفج تبارك اول يوم النا بالتدريب ونتاخر هل التاخير ساعه تسعه ولج هسه يطردونا محد يرحم بحالنا بالمستشفى صدگي

تبارك؛ هياتني اجيت بس اضم حمرتي؛ فتحت جنطتي طلعت العطر ورشيته وضميت الحمره

رنا؛ متحمسهههه حيل اول يوم بالتطبيق

تبارك؛ حننسحل يا حماس هذا!

رنا؛ امشي امشي نطلع

تبارك؛ طلعنا ومثل كل مره لازم رنا تضيعنا ضعنا من اول يوم والف مممرض سئلنا لحد مشفنا تجمع بمختبر التحليلات عرفنا هنا مكان التدريب
دخلنا اني وياها وهما يصيحون ب الاسماء

رنا؛ ياكروب هذا؟

حسن؛ A

رنا؛ صاحو اسمائنا لو بعد

حسن؛ اي من ضمن گروب A بس بعدهم ممقسمين حسب المشرفين

تبارك؛ اسمع صوت الدكاتره والمشرفين وهوسه الطلاب دقايق ونقسمنا كروبات وكروب B بقه واحنا طلعنا دنتمشه للمختبر الثاني

_رفعت راسي واحس حيلي نهد من شفته واگف بيده سجل وقلم وياشر ويضحك وي دكتور ملامحي بهتتت

رنا؛ شبيج وجهج نخطف امشي نستعجل

تبارك؛ حجيت وبالي شارد ومشتت " زز وو جي زوجي؟ "

رنا؛ شنو منو زوجج على منو مكرشه احجي وهيج تصيحين زوجي

تبارك؛ جريت نفس وعيوني علي تقربت من المقدمه العالم گله سكت وصرت اسمع بس صوته خايفه يرفع راسه ويباوعلي ويلزگ بيه او يگول شي او ينطي رده فعل واتفشل كدام دفعتي كلها وخصوصا اخر مره شفته بيها هي ليله عرسنا بس وصار ست اشهر لا اني شايفته ولا هو...

_تقدمت وايدي تعرگت من التوتر ضميتها بجيوب لابكوت لزم السجل ويصيح ب الاسماء واني گلبي حينفجر من الدگ لحد ما وصل اسمي وصاحه بصوت عادي لاتغيرت نبرته ولا باوعلي ولا اهتم اساساً
على بالي يمكن مشتبه او شي او ممتاكد انو اني موجوده بس من رفع راسه باوعلي بنضره عاديه جدا نضره كلشش عاديه مبيها اي مشاعر ورجع يكمل ويصيح ب الاسماء....

_عرفت هو متخطي سالفه زواجنا وتعلقه بيه جزء بداخلي يعني ارتاحيت خلص عاش حياته وجزء ثاني شعور ما احجي وي نفسي يگول شبسرعه اتخطه عساس هو مو يحبني وكذا؟
مقبلت اعترف بهل الفكره بداخلي ف حذفتها بسرعه وانتبهت للمختبر لحد ما حجه بهدوء...

_اني المشرف عليكم اكون وياكم طوال هل الشهر...

تبارك؛ هو يحجي وحرگ ب ايده وعيني نزلت على ايده وخاتم الزواج لساته موجود ب ايده احس ذبلت احس گلبي نقبض ليش لابس الخاتم؟ هو مو تخطى هو مو لازم ينساني ليش لابسه عود يمثل قوي وممهتم بوجودي وهو لابس الخاتم!! يمسلت هذا اني متاكده؟

يتبع....

🤌🏻 القصه الوحيده المستحيل تحزرون احداثها والي يحزر جزء منها اي شي يطلبه اسوي 🫣

موعد نشر القصه هل المره مو بكيفي لا
بكيفكم انتو شوكت مايعجبكم كولو نريد بارت وانزله
يعني شلون؟
كل مقتطف يوصل ١٠٠ مشاهده
اذا الاول وصل والثاني وصل وصارن ٢٠٠
انزللكم بارت عسى ما فد ساعه يوصل هلكد مشاهدات انزللكم البارت الاول
ف انتو تتحكمون بالنشر مو اني ✨💜

لذالك الي حاب يشارك القصه وينشرها حتى اول بارت يكون جاهز