نصيب ممنوع

البارت الثاني والعشرون

" نصيب ممنوع "

البارت الثاني والعشرون

للكاتبه زهراء المياحي

_ نفس ما اتفقنا ٨٠ تصويت وانزل الكم بعد بارت
عسى ما بعد ساعتين يوصل ٨٠ هم انزل بارت

^'^'^'^'^'^'^'^'

تبارك؛ فتحت عيني نايمه ع السديه والكانونه بيدي مربوطه بالمغذي
استوعبت اني وين ومكدرت احرك جسمي احس بهبوط رجعت تمدتت
بس هل المره نمت من التعب؛ شوي حسيت بحركه فتحت عيني ممرضه
دتفصل المغذي خلص المحلول ومها فوگ راسي مبتسمه

مها؛ جبتلج اكل

تبارك: قربت مني الممرضه تفحصني سئلتني كم سوال
وگالت لازم يشوفج دكتور علمود ينطيج كم علاج
اخذت ايدي مها والكانونه بعدها مربوطه ب ايدي
وتمشيت لغرفه دكتور كتبلي كم علاج لان اهملت اكلي والنوم
وگال تصير للمتدربين لان يتعبون بهل الفتره
كتب كم علاج وراحت مها تجيبه من الصيدليه

_كعدت ع واحد من الكراسي شبه مصدومه
وراسي يوجعني كل ما احاول اتذكر شلون وگعت
اجر حسرات اجت مها تركض اخذت ايدي وطلعتنا
لحديقه المستشفى جابت الاكل وتسويلي لفات وتنطيني
سئلتها باستغراب " منو سواه؟ "

مها؛ تعالي اسولفلج الصار من البدايه للنهايه

تبارك؛ جابت صمونه حطت بيها كباب وطرشي وطماطه وخضره
وانطتني اخذتها اكلتلها وهي تحجي

مها؛ انتِ شفتج شلون وجهج ذبلان وتعبانه نمتي ع المكتب ماكو عشر
دقايق ودخل استاذ الي ما اريد اذكر اسمه؛ خلي نسمي غثه

تبارك؛ هههه ضحكتيني

مها؛ هذا الغثه من شافج نايم نغث اكثر كوم واركع الاوراق
بالمكتب ساعتها اني نزيت وانتِ نزيتي نزه لزمتي گلبج
ميعرف ميصير يكعد واحد من النوم وهو نايم؟
جنت اسمع بكفار قريش والبارحه شفتلي واحد منهم الي هو سيف

تبارك: اي

مها؛ المهم انتِ وگعتي وهو وكف صنم لا تحرك لا ركض
اني اجيت عليج وشلتج من الگاع احاول اطبق اسعافات اوليه صخام
ما اعرف بس تحليللت عاد هو تحرك وجاب النا ممرضات وشالنج
لوتشوفين نضراتي اله باوعتله بحقد هو التهه عشتو بيج كلش صار رهيف
استاذ غثه

تبارك؛ هههه اي وبعد؟

مها؛ شكلولج المغذي وضغطج هابط ومبين مماكله شي
ونوم ماكو اكيد بقيتي ١١ ساعه متخربطه وكعدتي هيج مره
تردين تنزلين دختي ورجعتي نمتي
وهو كل ساع يسئلني شلون صارت زينه وشبيها وهسه
زين روحي شوفيها اكلت؟

تبارك؛ اي يالحنين

مها؛ المهم اني عاد مكدرت ارجع للبيت
ف اضطريت ارجع وبعدين صفنت كلت خلي اسويلها عشه
اكيد جوعانه مماكله