نصيب ممنوع

البارت العشرون

" نصيب ممنوع "

البارت العشرون

للكاتبه زهراء المياحي

*~*~*~*~*~*~*~*~*~*

تبارك؛ بعد هل الرسايل من سيف حبست نفسي
بغرفتي الي بيت عمي الجديد بس اني ورند وعمي وصمود

_شكد لح علي عمي نطلع بس ماقبلت لان كلام سيف
لسلته مطبوع براسي ممكن صحيح
وتلعني الملائكه وصلاتي تبطل لحد ما حسيت ب اختناق وكئابه

تبارك؛ وهنا قرررت قرار اعدم كل مشاعري تجاه
كل انسان؛ ربي يعرف شنو الي بداخلي وسيف حقير ونذل
اختار مصلحته وكلامه كله اسقاط بحقي وحق نفسيتي
يعني هو تمشي حياته ويطب ويطلع مرتاح واني لا؟

_مرت هل الاربع اشهر علي بصعوبه
لحد ماداومت جامعه مرحله ثانيه قررت اسوي صداقات
واول وحده تقربت منها طالبه من دفعتنا رنا جانت شاطره
ومجده ومتدور سوالف موزينه مثل الباقين
هي كلشي متعرف عني بس اني اعرف كلشي عنها لان هي
بطبعها تسولف للرايح والجاي واني حذره وما احب اسولف عن
عائلتي وذاكرتي...

_احس خففت عني وحده ايامي الجامعيه
سوالفها وضحكتها وتصرفاتها جديده علي لان
عمري مصادقت اي بنيه غيرها جنت اخاف اقترب من احد

تبارك؛ اجه وقت التدريب الصيفي وكعدنا نختار
المستشفيات الي مفروض اطبق بيها وردتها نظيفه
وكادرها زين تعامله وخاصه حتى لو بفلوس المهم
ما اعاني؛ بس الي صار مجنت متوقعته....

_حددنا المستشفى الي نطبق بيها واختاريتها
اني ورنا والمفروض بعد ست اشهر اطبق بيها
بهل الاثناء اني لتهيت لان عماد عرف اني بيت عمي
ومو يم سيف واجه تعارك ويصيح لحد ما عمي كعد
فهما وگله لاتخبصنا والحجي يوصل لعمامك وتبارك تطلع عليها سمعه
لذالك هدا بس ماهدات تهديداته الي وصلت بي المرحله من يشوفني
يهدد يبطلني من الجامعه بس هذا مجان اخر همي نهائياً

تبارك؛ بعد هل المرحله بحياتي اعتبرت شوفه سيف
شبه مستحيله واساسا نسيته صار اربع اشهر مشايفته
ولا عندي اي تواصل عنه وتهديده الي جان بساعه غضب

_وبلشت من جديد بدايه جديده
نقلت همومي وتعبي بالدراسه وطلعت اول كورس
الاولى ع دفعتي؛ وكتها الدكاتره كرموني ومن ضمنهم جانت
اكو دكتوره كلش تحبني بحيث سببتلي مشاكل لان من كد متحبني
البقيه صارو يغارون مني لان هي تميزني ع الكل وتحبني اكثر من الكل

_كلش صارمه وعنيده وتحب مادتها وتطيها حقها وتريدك
تحترمها وتحترم الماده لذالك كل هل الصفات جانت بيه
مطيعه وما احب اخالف ولا استخف ولا اتكبر ولا اتصرف
تصرفات مالها داعي شكلك تضحك وتضوج المقابل لذالك حبتني

_وهنا وصتني ع مستشفى الكادر مالتها كلش متفوق
وگالت حتلگين هناك دكاتره يعاملونج ك متدربه متفوقه
مو متدربه عاديه؛ وگتها طرتمن الفرح وحسيت حياتي بلشت
تتحسنمن جديد