نصيب ممنوع

البارت السادس عشر

" نصيب ممنوع "

البارت السادس عشر

للكاتبه زهراء المياحي

تفاعلو بالبارت واريد رايكم بتصرف تبارك
احلى تعليق انشره

♡~♡~♡~♡~♡~♡~♡~♡~

تبارك؛ دخلت غرفتي اتصلت بنهال هي ردت

نهال؛ هلا بيج حبيبتي شسالفه گطعتي فد گطعه

تبارك؛ جداً اعتذر بس انشغلت بالدوام والدراسه ومشاكل البيت

نهال؛ حقج وصلتني اخبار انو عماد طلق زوجته
وانتِ طلعتي امتياز؛ عفيه عليج دوم رافعه روسنا

تبارك؛ جريت نفس؛ تسلمين خاله
شسمه خاله انتِ معزومه

نهال؛ معزومه؟

تبارك؛ حجيت بصوت شبه للهمس لان مستحيه منها
" لخطبتي يوم الجمعه "
هي ما حجت شي بقت ساكته

نهال؛ خطبتج انتِ؟

تبارك؛ اي

نهال؛ لمنو؟

تبارك؛ يعني اصدقاء عمو غسان

نهال؛ اها بيها الخير حبيبتي
والله اعذريني گلبي فتوح مريضه وما اگدر اعوفها واجي

تبارك؛ " اي اكيد براحتج من تصير زينه "
_اسمع صوتها مثل خنگتها العبره وحجت

نهال: ان شاء الله خير شايفه الف سعاده تستاهلين حبيبتي

تبارك؛ سدت التلفون ومبين عليها تريد تبجي
اني مسحت دموعي
حقها يعني هي تريدني لابنها بس لازم تعرف انو اني وسيف ماننجمع
حتى بالاحلام....
رجعت اتصلت بيها هي ردت
_خاله سيف يعني حاولي لاتگوليله

نهال؛ لا ابني تخطه وعايش حياته يگدر يكمل
گتله او لا ميسوي شي سيف عاقل

تبارك؛ طبعا

نهال؛ مع السلامه

تبارك؛ الله وياج...

_رحت لصمود ابجي وسولفتلها شصار
وشلون اني متاذيه بس هاي حياتي وكل واحد لازم
يعيش حياته بدون الثاني وسيف لازم يتحمل مشاعره مو اني اتحملها
لازم يعرف اني ما اگدر اتقبله ك زوج

.........

تبارك؛ صمود اخذت التلفون وبلشت هي تعزم العالم گالت مو
مسؤليتج هاي اهم شي انتِ فرحانه وتلتهين
جهزت كل شي وهو الولد جان كلشش كريم بحيث گال
شكد متصير التحضيرات مو مهم
اخذت اجازه من الجامعه علمود خطبتي ردتها تصير مستعجله
ما اريد يصير بيناتنا تواصل حرام بيني وبينه اقلها كل شي يصير حلال

_اجه يوم الجمعه والبيت خبصه وگرايبنا وهوسه
وره ما تغديت رحت وي صمود وبنات عمي للصالون
صمود ماكو وگفت فوگ راسي وگفه يگول امي
كل ساع تنطي معلومات للام الصالون وماهدت ايدي
حتى لا اتحسس بفقدان امي بهل اللحظه السعيده من حياتي