نصيب ممنوع

البارت التاسع

" نصيب ممنوع "

البارت التاسع

للكاتبه زهراء المياحي

'°'°'°'°'°'°'°'°'°'°

_كعدت الظهر اكلت وكفت داغسل اماعين احس احد وراي لتفت شفت سيف بعدني مملتفه حط ايده فوك الكاونتر وحصرني حجه بهدوء وبرود

سيف؛ انطيتي ابوي كلادتج الذهب ومليون!

تبارك؛ بلعت ريگي؛ لا هاي مو اني....

سيف؛ اششش

تبارك؛ عگدت حواجبي؛ تمام اخلص الي ب ايدي
واجيك بس.... صفنت بعيونه وهو شاب نار بلعت ريگي سكتتت

سيف؛ على اعصابي واكف

تبارك؛ اشرلي

سيف؛ شلون تفتحين الباب وتنطين وتصرفين بكل اريحيه؟

تبارك؛ مو...

سيف؛ اي؟

تبارك؛ لزمني من اذني وهمس

سيف؛ اكسر ايديج اذا بعد تصرفتي تصرف بدون علم مني
هو ابوي مو ابوج وحتى تسوين هيج
وغريب تفتحين الباب شكو؟
سالفه التبرع بالفلوس سالفه مو حلوه بطليها وضميلج حاجه لاتنتركين
بالشارع يم الچلاب تكومين تجدين!! احسبي احساب اختج وياج مو بس انتِ
طايحه الحظ

تبارك؛ ابتعد عني وطلع رگع باب المطبخ
اني شمرت الماعون من ايدي وطبيت لغرفتي رگعت الباب
كعدت اهز برجلي لحد ما اكلت ب اظافيري اكل كمت
طلعت هو يصيح وي نهال؛ اني عطت بي
" لا تعلي صوتك على امك شنو تختلف عن ابوك؟ "
هو لتفتلي تفاجاه ونهال شهگت
بلعت ريكي استوعبت توني شحجيت

نهال؛ تعرفين سيف مو اخوجج؟

سيف؛ ما تابت ورجعت...

تبارك؛ گمت صرت مقابيل نهال اخوزر بي
" بلشت تطلع جوانبك الخايسه؟ ارجع لوعيك لا تخلي اختلاطك
وي ابوك ويفسدك لا تصير مثل الفاكها النظيفه بس تبقه ساعه
وحده يم وحده عفنه تنقلها العدوى وتتعفن وتصير مره ومحد يگلبها
خليك مثل ما احنا تعودنا عليك الصياح والتهديد مو اسولف سيف
الي نعرفه اكو شي اسمه اكعد تفاهم هذا شي دارج وحلو اذا تعرفه؟ "

سيف؛ خوش درس كملي بعد عدلي تربيتي

تبارك؛ لتفتت لخالتي " انتِ مو امه! من تشوفي يعلي صوته عليج
ارگعي براجدي يرجع لبطن امه لا يتهور ويصير مثل ذولاك "

نهال؛ كافي تبارك

تبارك؛ باوعتله هو قرب مني باوعلي بنضره
على بالك اليوم يگلي اگتلج اني قويت نفسي وباوعتله بتحدي
بس هو ملامحه تغيرت صار احمر كلش؛ جسمي رعش بخوف وبسرعه برطمت ونزلت دموعي حاولت اقوي نفسي بس دموعي تنزل رخت ملامحه وسكت
ابتعد شوي عني واني دموعي تنزل بدون صوت