نصيب ممنوع

البارت الثاني

" نصيب ممنوع "

البارت الثاني

للكاتبه زهراء المياحي

لاتنسون تصووويت 🫣

♡~♡~♡~♡~♡~♡~♡

تبارك؛ چان يوم متعب بالمستشفى واول مره تطلع عندي خفاره وابات بره البيت اتصلت ب صمود وانطيتها خبر تعلم عماد وعمي خاف يسئلون؛ طلعت بره المستشفى اخذ نفس دنيا ليل بحدود الساعه ١٠ نعسانه بنفس الوقت ما اگدر انام لان خفاره ولازم ابقه گاعده!

_كل ما اتذكر وجودي وياه بنفس القسم والمستشفى تجيني خنگه موطبيعيه
صارلي اداوم وياه اسبوع واحد ماطايق الثاني لا اني ولا هو واحسه بلش يشد وياي هو مچان هيچ سابقاً بس ممكن لان شافني مكمله حياتي مرتاحه بدونه او مجرد فيوزات من عنده وليش حاط راسه براسي!

_اخذت شهيق وطبيت للمستشفى وصلت لقسمنا اخذت نفس ودخلت هو كاعد على التلفون باوعتله بطرف عيني ورجعت كعدت على الكرسي صافنه على الباب
گام حسن اشرلي

حسن؛ رايح اجيب كهوه تردين وياي؟ تحبيها ساده لو حلوه!

تبارك؛ تسلم ما اريد هسه بعدين مو على بالي اشرب شي

حسن؛ وانت دكتور حاب تشرب شي؟ ساده لو حلوه

تبارك؛ هو سئله واني صفنت وحجيت؛ ساده ميحبها حلوه

حسن؛ ها؟

تبارك؛ رفعت راسي واشوفهم ثنينهم صافنين بيه؛ مها كمزت من مكانها

مها؛ اني هم احبها ساده اجي وياك؟

حسن؛ اها ياله عادي تعالي

تبارك؛ انتبهت لشنو حجيت؛ عدلت كعدتي وطلعت جيوبي من لابكوت رفعت راسي اباوعله هو لازم التلفون ب ايده ويباوعلي بصدمه؛ تحمحمت چان يترك التلفون ويگوم على حيله بلعت ريگي اجه وگف فوگ راسي يخوزر بيه

_شنو الصار هسه؟

تبارك؛ حجيت بتلبگ؛ شنو ما مم م صار شي!

_ساده ميحبها حلوه؟

تبارك؛ اخذت نفس وقررت اواجها بس نضراته الي وشلون انفعل وصار عصبي خربطت وضعي؛ " عادي مصار شي واذا؟ "

_تبارك؟؟؟

تبارك؛ جريت نفس واباوع بعيونه يخوزر بيه؛ گلت بگلبي شبي هذا؟
" شوي مره خصتك انت قريب اهوايه علي هسه احد يجي ويفهمها غير "
زمخ بيه وحجه

_يفهمها غير! وانتي مداومه صارلج اسبوع هنا تعاركنا اول ايام الدوام
والكل عرف بعركتنا وقبل دقايق تگله يحبهااااا سادددده مو حلوه!!
ضمي لسانج زين لا ا...

تبارك؛ كمت من مكاني " اي كمل ضمي لسانج لا شنو؟ تكصه؟ "

_اعرفي حدودج كلش زين وابتعدي عني خليني اعيش حياتي براحه
كلش كافي السويتي بيه تبارك