خليفه : انا اغني بس منو ايب العود
لارا : وينه ؟
خليفه : بالدوانيه
لارا راحت
طبعا نايف كان نايم بالدوانيه
لارا : هذا نايم هني
طبعا من لقافه لارا أنها قربت من نايف
لارا تتأمل نايف ونايف نايم
نايف سحبها صارت فوقه
صارو يطالعون بعض خمس دقايق بس حسوها خمس سنين من طولها
نايف : كنتي قاع تأمليني
لارا : منو قال
نايف : محد
لارا : نايف عادي تهدني
نايف : قرب عند ويها اكثر
لارا شوي وتبجي : والله الحين احد يدش ويشوفني فوقك ويفهم غلط
نايف حط ايده على شفايفها
نايف : محد راح يدخل
لارا : نايف
نايف هداها
وخرت عنه بسرعه
لارا : وين خليفه يحط عوده
نايف : اء الحين اييلج ياه وعطاها
لارا خذته ومشت
~
ناصر كل هذا تيبين عود
لارا : شسوي على ما أدوره
خليفه : شنو تبون اغني ؟
لارا : دام إني أنا الي يبت العود غَن ......
نواف : شالجو الهابط
لارا : مالك شغل
سُلا : ههاي
نواف : أصلا عادي يالمراهقه
ديما : إذا ما بلشت راح تصير مجزره
خليفه بدا يعزف ويغني .........
.........البنات غنو مع خليفه
ومشاري عطاها هزت چدف
الكل قام يصفق ويصفر
ريم : والله الصوت روعه مشاءالله على ولد اختي
ساره : ريمو غصب تبين ان اهيآ عمتنا وخالتنا
ريم : وين احترام المعلمه
ساره : هههههههه بيني وبينج أربع سنيننن
ريم : مالج شغل
مشاري ضحك جان يقوم
سلا تذكرت ان واعده بنت خالتها غاليه
سُلا : مشمش
مشاري : ابلش شتبين
سُلا : شرايك توديني بيت خالتي حلا
مشاري : لازم
سُلا : أي جدا
ناصر يشوفها شلون تكلم أخونها ومن داخله وده بس اهوه الي تكلمه
مشاري وصل سُلا بيت خالتهم حلا
خل أعرفكم عليهم
حلا أخت امهم عمرها ٣٦
ريلها أحمد عمره ٤٥
عيالهم
مريم عمرها ٢٠ حبوبه
غاليه عمرها ١٨ اقرب وحده حق سُلا وتعتبر وحده من قروب المطانيخ
وبس الله رزقهم أب بنتين
بالبيت عند غاليه وسُلا
غاليه : واييي اشتقت لج ياكلبه
سُلا : أنا اكثر
غاليه : تعالي صح ما قلتي لي الفعاليات الي صارت أب بيتكم
سُلا : سمعي ياهي صارت فعاليات وبدت تقولها كل شى من بداية ما دخلو البيت لي يومنا هذا
غاليه : بسم الله كل هذا صار وأنا مادري
سُلا : شفتي
غاليه : شفت شفت يما يعني الحين ناصر يحبج ويبيج
سُلا ويها صار احمر : أي
غاليه : يمامي اول مره تستحين
سُلا : شقصدجج
غاليه : رجعت حليمه على عادتها القديمه
وكملوا سوالف وخلص اليوم وكل واحد عاش بشعور مختلف
صباح جديد على عائلتنا الساعه 7:30
على سُفرة الطعام الكل كان متجمع الي يأكل الريوق والي يشوف الأخبار والي يسولف والي ماله خلق يداوم ويسلك حق الكل
-
نزل انس مستعيل باس راس يده ويدته وسلم على الباجي
أم انس : اقعد تريق معانا
انس : والله مستعيل عندي حاله طارئه
أم انس : بالتوفيق ياحبيبي
انس : عطاها بوسه عالطاير اجمعين يانور حياتي ، وطلع
ام انس : واي قلبي الله يحفظه
لارا : والله لو أنا جان ما سويتيلي جذي
أم انس : لان أنتي ماتستحين على ويهج بس اخوج فديته
لارا : والله لو أني مو بنتج عاملتيني احسن
أبو انس : إلا لارتي محد يزعلها
لارا ابتسمت
أبو مشاري : أي تدلع جم لارا عندنا
ناصر : طاع استحت وحضنها
لارا حطت رأسها على ناصر
نايف من داخله وده اهو يكون مكان ناصر
الكل راح على دوامه وصار بليل الساعه 8:59 pm
عند انس الي خلص من عمليته وقرر ان يروح الكفتيريا بس شاف البنت الي كانت مسويه ازعاج عشان أمها بس هالمره في واحد كانت قاعد تتهاوش معاه فأنس راح عندهم
انس : السلام عليكم
الولد : وعليكم السلام ، هلا منو معاي
انس : معاك الدكتور انس جابر ال
الولد : والنعم ، أي اخوي تفضل
انس : الله ينعم بحالك ، بس شنو صاير قاعد تتهاوشون بمستشفى؟
تارا : هذا ولد عمي الحمار يبيني ادفع الايجار الحين
الولد : أتوقع اسمي مبارك
تارا : مممم
مبارك : انزين الحين دفعي ولا والله راح ايرج بالمحاكم
تارا : شنو ماعندك احساس أقول لك أمي تحتاج الفلوس عشان تعالج اوففف
مبارك عصب فسحب ايده
تارا تعورت بس ما قالت
كل كان تحت أنظار انس بس ماتحمل وقال: لو سمحت اخوي وخر عن البنت
مبارك شافه من طرف عينه وكمل يصارخ ، انس ما استحمل وراح دز مبارك وبدوا يطقون بعض
وتارا تصارخ انس بس هده تكفى راح تذبح الولد
بعدها تجمعوا الناس وبدوا يوخرونهم عن بعض بس الشتم مستمر
-
اسفه إذا طولت بس كان عندي فاينل وانشاءالله راده أقوى من قبل وأحبكم 🤍
أنت تقرأ
أغمضت عيني ففاضت
عاطفيةبعد ما فرقتهم الحياة بسبب طمع وحقد أشخاص قرر الجد ان يجمع كل عياله وأحفاده
