أغمضت عيني ففاضت

Part 7

لا تخون ثقه شخص عزيز عليك
الحمد الله يارب والشكر لك دائما وأبدا

~
سُلا : أوف تعبت
جنى كانت خايفه من ان موعدها مع الشخص المجهول ولازم تروح
جنى بصوت واطي : سُلا
سُلا : هلا
جنى : تعالي ورا عند الزرع
راحوا ورا عند الزرع 
سُلا : جناوي شفيج
جنى : بدت تبجي وحضنتها
سُلا بادلتها الحضن وما عرفت شتسوي
جنى : مادري شلون راح اقولج بس لو شنو يصير سُلا ما تقولين حق احد 
سُلا : بسم الله شنو
وقامت جنى بسرد لها كل شى وعلمتها ان اليوم لازم تقابل الشخص
سُلا من الصدمه : ريم خالتي
جنى : اي
سُلا : احس يمكن فوتوشوب مو صج
جنى ورتها الصور وسلا للحين مو متقبله ان صج
جنى : سُلا لازم تساعديني اروح
سُلا : لا تروحين
جنى : لو ما رحت راح ينشر الصور وريم ياتودع أو تنجبر على واحد
سُلا : انزين عندج خطه
جنى : بقول ان وحده من بنات خالات داليا بتطلعنه وهما راح يوافقون
سُلا : استودعتج الله
جنى حضنتها
بعد تقريبا ساعتين
جنى : ماما
أم خليفه : ها
جنى : بروح مع بنت خالة داليا 
أم خليفه : وين بتروحون
جنى : بنروح سوق ومطعم ونرد
أم خليفه : سالي أبوج إذا وافق أنا موافقه
جنى : بابا مو هني
أم خليفه : انزين روحي بس لا تتأخرين وشيلي السايلنت من تليفونج
جنى : تمام
بعد عشر دقايق وصلت المكان الي كان كبير
كتبت حق الشخص ان اهيآ بره
الشخص : دخلي
جنى قالت كل الايات الي تعرفها وما بقى دعاء ما قالته
جنى لما دخلت شافت ولد واقف
جنى : منو انت وشتبي فيني
الشخص : اختاري سؤال أجاوب عليه
جنى : منو انت
~
الشخص : اسمي عبدالعزيز ال سهم
جنى : عبدالعزيز ، ...
عبدالعزيز : قلت سؤال واحد وقرب منها
وجنى من الرعب وقفت مكانها ماتحركت
صاروا قراب من بعض
عبدالعزيز : جنى
جنى رفعت راسها ودموعها تنزل
عبدالعزيز : جنى والله ماراح اسوي شى جنى تتزوجيني
جنى : عبدالعزيز ليش ليش رحت وهديتني ليش ماخليتني معاك وقامت تطقه على صدره
عبدالعزيز: جنتي
جنى انهارت اكثر لان ناداها بالاسم الي كانت متعوده عليه من وهيا صغيره
جنى : ليش رحت
عبدالعزيز : كنتي صغيره وماقدر اخذج جنى والله إني ماقدر أعيش بدونج
جنى : ك كنت ...... صغيره مو وبچت اكثر
عبدالعزيز الي كان يبي يحضنها بس جنى دزته
جنى : عبدالعزيز ليش سويت فيني جذي ليش اخترت هالطريقه تخوفني فيها قولي ان مو صور خالتي 
عبدالعزيز بصوت عالي : لو دريتي انه أنا راح تين
جنى طقته : اهبل للحين مافهمت
عبدالعزيز : افهم شنو
جنى : احبك بس انت غبي وما تفهم
عبدالعزيز ابتسم : جنى تتزوجيني
جنى طالعته وللحين ما استوعبت ان قالها تتزوجيني
عبدالعزيز : جنتي
جنى : مادري أفكر
عبدالعزيز من الوناسه كان بيحضنها بس بنتنا وخرته عنها
جنى : لما تخطبني من أبوي واصير حلالك احضني
ضحك عبدالعزيز : جنى تدرين انج ماتغيرتي
جنى : بس انت تغيرت رحت ولا سالت عني
عبدالعزيز : جنى والله كان لازم اروح بحكم شغلي وبعدها أصلا ما قدرت ارد إلا قبل سنه وبدت أراقبج ولما وصلت لي هني
جنى : تذكر لما قلت لي ماراح اهدج تدري بعدها بجيت جم يوم وكل يوم صرت أبجي اهو ليش هدني اهو أنا ماكنت حلوه
عبدالعزيز : جنى إذا إنتي مو حلوه عيل منو حلوه
جنى بتذكر : صور خالتي صج
عبدالعزيز : اي للأسف
~
جنى : انزين أبي اروح
عبدالعزيز : وين يابنت العم
جنى : قبل تسع سنين رحت بدون لا تسألني
عبدالعزيز ابتسم : تدرين ان ماكان بيدي صح
جنى : لا مادري
عبدالعزيز: تمام جنتي باجر بخطبج
جنى كانت مفهيه : هاه
عبدالعزيز : يعني بتصيرين حقي
جنى قامت تكح 
عبدالعزيز :ماقدر ابعد اكثر 
جنى و يها صار احمر : اوكي بروح ، وطلعت من المكان
بالبيت عند سُلا كانت قاعد تحاتي جنى وكل شوي تدعي وتستغفر حتى ان الكل سألها شفيج
جنى ردت البيت وهيّا للحين ماستوعبت ان قالها بخطبج بس بصيغه ثانيه
اول مادشت جنى البيت حضنتها سُلا
جنى : بسم الله شفيج
سُلا : ماصار شى صح
جنى : هدي تعالي بقول لج شنو صار
لارا شقاعد تقولون من الصبح وأنا شاكه فيكم
جنى : تعالي معانا أقول لج
وبدت جنى تقول حق لارا بس ماقالت لها ان هددها بصور عمتها قالت هددها ان ينشر صورها وقالت لهم لي آخر شى
سُلا : يما عبدالعزيز هذاك ولد عمج
جنى : اي
لارا : وناسه يعني بيخطبج
جنى استحت
لارا : واي فديت المستحين أنا
خل أعرفكم على عايلة عبدالعزيز
ابو عبدالعزيز اسمه عبدالرحمن عمره ٥٤
أم عبدالعزيز اسمها مها عمرها ٤٣
عبدالعزيز عمره ٣٠ شخصيه طيبه بس لما يبي شى يصير سايكو ومايرضى شى يقرب من الي يحبهم واهو الوحيد حق أمه وابوه
في بيت ابو عبدالعزيز
عبدالعزيز : يما
أم عبدالعزيز : هلا
عبدالعزيز: أنا قررت أبي أتزوج
آم عبدالعزيز لولشت : هذي الساعه المباركه واخيراً انت بس اشر وأنا أخطبها
عبدالعزيز: يما أبي بنت عمي جنى
آم عبدالعزيز: يازين ما اخترت الصراحه البنت تهبل
عبدالعزيز: انزين يما خل نروح باجر نخطبها
آم عبدالعزيز: وليش مستعيل
عبدالعزيز: بس أبيها
للتوضيح عايلة عبدالعزيز كانوا ساكنين بالرياض
ابو عبدالعزيز سمع الحوار كله فدخل عليهم  : تم ياولدي ويازين ما اخترت احلى البنات وازينهم
عبدالعزيز  بداخله أكيد احلى البنات دامها جنى
~
أبو عبدالعزيز : خلاص باجر نروح نخطب جنن
عبدالعزيز : شرايك نروح اليوم
أم عبدالعزيز : اهجد اليوم المهم خل اروح اكلم أم جنى
عند أم جنى : ديما يبي تليفوني قاعد يرن
ديما : وينه
أم جنى وهي تمسح الأرض : كاهو فوق الرف
ديما عطتها ياه
أم جنى غريبه أم عبدالعزيز داقه : الو السلام عليكم
أم عبدالعزيز : وعليكم السلام شلونج يام جنى
أم جنى : زينه الحمدالله أنتي شلونج
أم عبدالعزيز : الحمدلله يام جنى باين باجر أنا وأبو عبدالعزيز نخطب جنى حق عبدالعزيز
أم جنى ماستوعبت
ديما خذت التليفون من أمها لأنها تنحت : الو خالتي
أم عبدالعزيز : الو وين أمج
ديما كاهي بس شنو صاير
أم عبدالعزيز : بنخطب جنى حق عبدالعزيز
ديما صارخت : صج !!!
أم جنى خذت التليفون منها : سامحيني ياوخيتي ما استوعبت حياكم الله تنورونا
آم عبدالعزيز : الله يحيج انشاءالله باجر متى فاضين
أم جنى : يعني بعد صلاه العشاء انشاءالله
أم عبدالعزيز : انشاءالله يلا ماطول عليج
أم جنى : يلا مع السلامه
عبدالعزيز : يما شنو قالت
أم عبدالعزيز : قالت لا والله بنتي مايعطيها حق احد
عبدالعزيز خل نروح نخطفها
أم عبدالعزيز قعدت تضحك
أبو عبدالعزيز : ولدج طلع مطيور
أم عبدالعزيز: مثلك
عبدالعزيز : الوالده تعطي ولا تبالي وقعد يرقص ، يعني وافقوا ياويل حالي
أبو عبدالعزيز : اثقل
عند أم جنى الي جمعت اخونها وريلها وقالت لهم
للحين محد بلغ جنى بيخلونها مفاجاه ( والله مفاجعه 🤣)
~
يوم الخطبه
الجده راحت تقوم جنى وشلة الرباعي
الجده : بنات يلا قوموا
البنات فزو وكل وحده تتهاوش على الحمام عزكم الله
عذبه دشت قبلهم
سُلا : بطلي الباب عذوبه حبيبتي
عذبه : يلا مناك
سُلا : ويععععع مليقه
عذبه : أنتي روحي الي برا
سُلا : جنى دخلته
عذبه : مافي إلا بالدوانيه روحي
سُلا وحست أنها منزمان مو يايبه العيد فقررت تروحه
سُلا دخلت الدوانيه ودخلت الحمام عزكم الله خلصت اول ما طلعت جان تلقى ناصر بويها
سُلا : بسم الله
ناصر : أنتي شتسوين هني
سُلا : يايه العب يعني شسوي
ناصر : اوكي تكلمي عدل
سُلا : مابي
ناصر ضحك : للحين زعلانه
سُلا : لا أصلا ليش ازعل مالي شغل أنا شكو وقعدت تبربر
ناصر طبع قبله على ثغرها الصغير الممتلي
سُلا من الصدمه ماتحركت وبعد ثواني قليله دزته
سُلا : أنت شلون تسوي جذي ، وطلعت
ناصر بعد ماراحت : سُلا اسف ماكان قصدي وتنهد
~
سُلا طلعت تركض وهي مو مستوعبه ودموعها بدت تنزل
عند الجده والبنات الي محتاسين حريم العيال قرروا أهما يطبخون والبنات قرروا ينفون طبعا لان التنظيف مايبي له شى
ياه وقت ان الكل يبدل والي ح ميك أب
ريم : جنو ثبتي الله لا يوفق العدو
جنى : أوف ثابته
ريم : جب ثبتي
جنى : عالاقل احترموا إني اليوم بنخطب
ساره : واخيراً راح نفتك منج شوي
جنى : هذا اذا مابجيتو بالعرس
ريم : والله احس كلنا راح نبجي
ديما : اكثر وحده راح تبجي بالعرس سُلا
جنى : أوف سكتوا راح أبجي
ساره ضحكت عليها
لارا كانت قاعد تسوي شعر عذبه وسلا ناطرتها تخلص عشان تسوي شعرها
سلا : يلا متى تخلصون
لارا : مابقى شى
عذبه : صح تعالي أنتي وينج ماكنتي موجوده لما كنا نتريق
سلا : على ما أخذ شور
عذبه : اها ، صح بتسون حفله عزوبيه حق جناوي
سلا : احس أي خنسوي
لارا : من الحين الثيم هندي
سلا : أي والله راح يطلع نار
عذبه : خلاص قبلها نروح نشتري الزينه ونزهب ملابسنا
سلا : تم
وجا وقت المنتظر وصلوا أهل عبدالعزيز طبعا كلهم يو عبدالعزيز قال حتى حق يده وأعمامه الباجين
الجد رحب بالكل الصبيان بالدوانيه والبنات بالصاله
بصوب الحريم الي يسلم والي يسولف والى اخره وطبعا الكل كان منبهر من جمال احفاد الجده
بالدوانيه عند الصبيان
جد عبدالعزيز اسمه فارس عمره ٧٥
آبو عبدالعزيز : احم احم يابو خليفه ياينكم اليوم بنخطب عبدالعزيز حق جنى
أبو خليفه : هذي الساعه المباركه من عندي أنا موافق بس الرأي الأول والخير حق البنت
الجد فارس : سالوها الحين
راح خليفه عشان يسأل جنى وكان جوابها إذا انتو راضين أنا راضيه
~
احبكم🤍 احس تعودتو علي اتأخر 🫣