أغمضت عيني ففاضت

بارت 2

~
الجده : أكيد سُلا
ام مشاري : في غيرها
ريم وهي نازله عندهم : قاعد تحشون اب سُلا
الجده : اللهم اني صائم بس
ام مشاري ضحكت : اهخخ
ريم : سُولي عسوله بس إنها شيطانه
الجده : خليني ساكته للحيني مو ناسيه طقم الفناجين
ريم : اوله يُما للحينج ما نسيتي
الجده : لا كان هديه بس يفداها
ام انس : عاد سُلا تجننن
ريم : اي حدها
~
بالمدرسه عند البنات الي كانو كلهم بمدرسه وحده
بالفرصة
سُلا : بناتتتت
جنى : ها
لارا : ويعه
سُلا : ويعتج ، سمعوا شرايكم ننحاش
جنى : تم أصلا مالي خلق احضر الحصه
سُلا : كفو
لارا : لا طبعا
سُلا : يا قاتلت المتعات ، ليش لاء ؟
لارا : اخاف ناخذ تعهد
سُلا : ياخوافه ماراح يسون شى هذا إذا درو
لارا : لا والله لو درو راح يدقون على اهلنا وانا مو ناقصه احد يزفني
جنى : ماراح يدرون تعالي
لارا : استغفر الله
رن جرس الفرصه وانخشوا البنات بمرسم فنيه
جنى : اهخخ اشتقت حق داليو
سُلا : حتى أنا ، ما قالت لج متى بترد
جنى : امبلا چنه بعد أسبوع
سُلا : اشوه عبالي بتطول
لارا : ويععع احس مليت
الضابطه الي بمدرستهم كانت صوب المرسم وقاعد تصارخ
الضابطه وهي تكلم رفيجتها : يعني وين بيروحون
لارا : قلت لكم بيصيدونا
سُلا : قلتي قلتي
جنى : أوف كله من حنتج
لارا : ا
الضابطه : لا والله منحاشين تعالوا جدامي على الاداره
سُلا تساير جنى : بسم الله
جنى : مافي تم القبض
لارا على وشك أنها تبجي
بمكتب الوكيله
الوكيله سحر : يا ماشاءالله مشرفتنا سُلا
سُلا : شفتي شلون
جنى قامته الضحكه
الوكيله : لا والله تستظرفين تعالي وقعي تعهد وراح تنفصلين يومين انتي والي معاج
سُلا : بس يومين
لارا قرصتها : ابله
الوكيله : ابي رقم أبهاتكم او أمهاتكم
لارا : أنا ادق على أبوي اهوه يصير عمهم
الوكيله تعالي دقي وبعدين وقعي تعهد
لارا : انزين أنا شكو أوقع
الوكيله : مو كنتي منحاشه معاهم ولا يتهيئ لي
لارا : اي كنت منحاشه
جنى : أنا بعد أوقع ؟
الوكيله : لا ليش توقعين
جنى : حتى أنا أقول جذي
الوكيله طالعتها بنظره
جنى : شدعوه بوقع
لارا دقت على ناصر لان الوحيد الي راح يطلعها من المصيبه
رن تليفون ناصر و هو قاعد في المكتب يسولف مع رفيجه
ناصر طالع رفيجه الي يسولف : بس دقيقه في رقم قاعد يدق علي
صديقه فارس : أخذ راحتك
ناصر : الو السلام عليكم
لارا : وعليكم السلام
ناصر : منو معاي
لارا : هذا وانا أختك ما عرفتني
ناصر : بس هذا مو رقمج
لارا : ايي لأني قاعد أكلمك من تليفون المدرسه
ناصر فز : ليش فيج شى
لارا : لاء بس انحشت مع بنات عمك وكتبنا تعهد وخذينا فصل يومين والوكيله تبي احد يجي ياخذنا
ناصر : والله عبالي فيج شى خرعتيني ، وانتو ليش منحاشين
لارا : انت تعال بعدين أفهمك
ناصر : انزين مسافة الطريج واكون عندكم وصكر المكالمه ، فروس
~
فارس : هلا
ناصر : والله الأهل مسوين مصيبه وبروح
فارس : وتبيني امسك مكانك
ناصر حك راسه : اي بس ساعه
فارس : لو تبي اليوم كله
ناصر : مشكور ياخوي
فارس : العفو يالحبيب روح لا تاخر على اهلك
ناصر طلع من المركز وتقريبا وصل المدرسه بعشرين دقيقه
عند الوكيله
الوكيله : ها شنو م
طق الباب
الوكيله : تفضل
ناصر : السلام عليكم
الوكيله : وعليكم السلام ، تفضل اخوي
ناصر طالع سُلا بعدين طالع لارا : دام فضلج
الوكيله : عيال اخوانك منحاشين من الحصه وهذي مو اول مره فاحنا عطيناهم تعهد وفصل يومين واتمنى ما يعيدونها
ناصر بنفسه أنا صرت عم : انشاءالله ماراح يعيدونها
الوكيله : انشاءالله
ناصر : نقدر نروح
الوكيله : اي ، وآسفين إذا أزعجناك
ناصر : لا ولا يهمج
كل هذا صار جدام البنات
سُلا وهي تقرص لارا
لارا : إيي أنا شكو تقرصيني
سُلا : لا والله ليش يايبه اخوج
لارا : أكيد ما راح اكلم أبوي عشان ما انزف
جنى : سُلا من داخل مستأنسه وغمزت
سُلا واهيا تقرصها : اقسم بالله لو عدتيها راح تزعلين
جنى : هي شفيج شادتها ريلاكس
ناصر طالعهم : ما تبون تردون البيت
لارا : الحين خل نجيب جناطنا
~
ناصر : تمام أنا ناطركم بالسياره
وراحوا البنات يجيبون جناطهم
بالسياره ركب ناصر وهو معصب من تصرفهم
البنات ركبوا السياره
ناصر : شمسوين
لارا : اهده ترا بس انحشنا
ناصر : يعني مسوين إنجاز
جنى : احم احم ، شدعوه بس انحشنا وندري ان احنا غلطانين
لارا : ايي
ناصر : و منو صاحبة الفكره !!!!
سُلا : يعني شوف يقولون إنها أنا
ناصر شوي هدا ( ولدنا خفيف 😭) : انزين وليش منحاشين
سُلا : فعاليات
ناصر : لا والله
سُلا : اي والله
ناصر طالعها : نشوف الفعاليات الي تصير بالبيت
لارا : لا تكفى لا تقول حق احد
ناصر : والفصل يومين شلون عليهم ؟!
جنى : انتَ بس لا تقول واحنا نتصرف
ناصر : وانا ليش اسكت شنو المقابل
سُلا : اي شى تبيه
ناصر : إنزين إذا بغيت شى بقول لكم
جنى : اشوه
ردوا البيت ناصر صرفها ان كان فاضي فمرهم
إذن المغرب وتفطروا
سايد البنات
عذبه : احس ودي نسوي شى
ريم : شرايكم نسهر مع بعض
ديما : سُلا ، جنى و لارا ما يسهرون الكلاب حتى ما قالوا انهم بيطلعون
سُلا : يعني شوفي اهوه جا خذانا
~
ديما : جان دقيتوا
لارا : نسيناچ
ديما : شوفوا منو يوديكم المدرسه بعد
ريم : خلكم من هذا كله الحين موافقين ولا لاء ؟
ساره : اكبد موافقين
عند الصبيان قاعد يلعبون بالوت
نايف : خلودددد العب عدل
خالد : لا تصارخ ويعه
نايف : راح نخسر
مشاري : ياخي واضح أنكم راح تخسرون
نواف : وانتَ شدراك ؟
مشاري : إحساسي الهندسي
خليفه : ياخي المهندسين عندهم ثقه غريبه
مشاري : ثقتنا من الله بيبي
خليفه : وجعع
نواف ضحك
مشاري : ضحك بلا ضروس
نايف : هي انتَ إلا اخوي
مشاري : جت زوجته
نايف : راح تنطق
مشاري : قوم وأعلمك
ناصر : والله اني قاعد مع بزران
خالد : تكلم النفسيه
انس : كنت بدافع عن اخوي بس يعني صج
ناصر : ناطرك تدافع
نايف ضحك على انس
الساعه 12 الفجر
عند البنات
ساره : أنا مادري شلون وافقت اسهر معاكم
ريم : محد طقج على ايدج
لارا : ريم تليفونج قاعد يدق
ريم خذت تليفونها وراحت تتكلم برا
ريم : الو هلا حبيبي
~
عند مكان اول مره نروح له
في السعودية
عبدالله : هلا بروحي والله ان صوتك واحشني
ريم الي استحت : ممم انتَ صاير ما تدق
عبدالله : والله اني مشغول بس انشاءالله بعوضك
سُلا : ريمو ويهد تعالي
ريم : انزين كاني يايه ، عبود بعدين أكلمك لان الحين البانت عندي
عبدالله : انتظر اتصالك
ريم : باي
عبدالله : بحفظ الله
ريم ردت الغرفه : ها شتبون
ديما : بنتابع فلم
ريم : اوكي يالله شغلي
وخلص اليوم
مر أسبوعين وشي بدون محد يحس
يوم الثلاثه بعد العشاء
سارة بالقروب : بناتتت
ديما : ها
ريم : هلا
سارة : عندكم ملابس عيد ؟
ريم : ويي ماعندي
ديما : الحمدالله اني خالصه
عذبه : حتى أنا ماعندي
سارة : انزين خل نروح نشتري
ريم انزين أشوف واحد من الصبيان يودينا
سارة : خل ديما تودينا
ديما : امي معاقبتني
سارة : ليش ؟
ديما : لأنها معاقبة سُلا على النخشه فقالت كله منج جان تعاقبني معاها
ساره : ويييي
ديما : اهخخ بس يارب اني عبدك المظلوم
ريم : الحين ها تبوني اكلمهم
ديما و ساره : اي
ريم بقروب الصبيان
ريم : السلام عليكم عيال اخواني وخواتي احد منكم يودينا السوق
خالد : كان ودي أوديكم بس عندي شغل
ناصر : عندي شفت ماقدر
انس : بحكم شغلي اسف
نايف : أنا أوديكم
ريم : هذا الكفو مو انتو
~
نايف : متى تبون
ريم : يعني الحين تقريباً
نايف : انزين أنا أنطركم بالسياره
ريم : اوكي
ريم بقروب البنات
ريم : بنات نايف بيودينا بسرعه لبسوا
كل البنات : اوكي الحين نجهز
وكل وحده راحت تتجهز بعد 10 دقايق نزلو
جنى : اول مره اخلص بسرعه
لارا : في مباره مالت قطر والكويت
جنى : ايوه خبيرت المباريات
ديما : الله يعني كلنا فايزين محد خسران بهالمباره
لارا : اول مره أكون مستانسه حق مباره
وركبو السيار وهما يسلمون على نايف
سُلا : نيوفي احس من زمان ما شفتك
نايف : الحمدالله مفتك من شوشتج
ساره بصوت واطي : هدف عكسي هههه
لارا سمعتها جان تضحك
باقي 6دقايق ويوصلون المول
سُلا : أوف جنى وخري
جنى : يعني وين اقعد
لارا تابع المباراه المباره بكل حماس ولا معاهم
ديما : ويعه انتي وياها شوي ونوصل سكتو أ
لارا : اي قوللللل
ريم : بسم الله شفيج
لارا : قطر يابو قول
ريم : خرعتيني عبالي في شى
المهم دخلوا المول
ريم : بنات خل نقسم بعض
ديما : خلاص أنا وياج وساروه مع بعض وشله المخبل مع بعض
طبعا الرباعي المرح خزوها خز
ديما : يما كلوني
عذبه : بنات شرايكم نروح هل محل في كولكشن حلو
البنات : تم
~
وراحو يتسوقون إلا لارا قعدت مع نايف عشان تابع المباره
جنى : بنت عمج لو يخيرونها بينا وبين الكوره تختار الكوره
سُلا : تكفين ودي أشوف شكل لارا ونايف وهما يتهاوشون على برشلونه ومدريد
عذبه : اعتقد راح تصير حرب
سُلا : راح تصير مجزره
عذبه : شرايكم بهالنفنوف
سُلا : أحسه راح يطلع حلو عليج
عند ريم وساره وديما خلصوا من الملابس دشوا محل اكسسوارات
ريم : بنات شوفوا الطقم مشاءالله
ديما : واييي يجننن
ساره : ريمو اشتريه
ريم : صبر خل ادق على يبا يحولي فلوسي
ساره : جدي الشوقر دادي
ريم : الو يبا هلا
إبراهيم الجد : الو هلا ريم
ريم : عادي تحول لي فلوس ؟
الجد : أنا مو معطيج ؟
ريم : اي بس شريت فيه ملابس
الجد : انزين جم تبين ؟
ريم : يعني حوالي الألفين
الجد : انزين طرشي لنك
ريم : مشكور
الجد : العفو بنيتي
عند لارا ونايف قعدو بكوفي طبعاً بينهم سبيس ( اسلامش 🤣)
لارا : ايوا قولللللل
نايف : ليش تصارخين
لارا تفشلت بس رقعتها : كيفييي
نايف : ترا احنا بمجمع
لارا : انزين نسيت
نايف : انزين لا تنسين بعد مرا
لارا طالعت فيه جان تقول : انزين انتَ شكو
نايف : كيفي
لارا ضحكت
نايف بنفسه : يازين الضحكه
نايف : منو فاز
لارا : قطر
نايف : جنه احنا فزنا مبروك
سُلا : شقاعد تسون
نايف : ناطرينكم
ريم : جينا
نايف : تبون تشربون شى ؟
جنى : اي
نايف : اوك ، وطلب لهم
ردوا البنات البيت وهما منهلكين
~
يوم الخميس
بقروب العايله
الجد : ياعيالي انشاءالله باجر عندي ضيوف وأبيكم كلكم تكونون موجودين
العيال : ابشر
الجده نادت حريم عيالها وقالت لهم ينادون بناتهم وصبيانهم
كلهم تجمعوا
خالد : هلا جده
الجده : هلا بوليدي
نواف : لنا الله
الجده : أنت سلم بالأول بعدين قول لنا الله
سُلا : نويفف لقط وجهك ههههههههههه
نواف : انتي شتبين
نايف : اي والله لقط وجهك
نواف : تعالي صح أنا جم مره قايل لج ما تناديني نويف
سُلا : كيفي احب الاسم أحسه لايق
نواف : لا تحسين
سُلا : ابشر ، بوقف الإحساس
نايف ضحك
الجده : نهد السلام ونضحك
ديما : لقطو وجيهكم
الكل ضحك ، سلموا طبعا على الجده
الجده : الصراحه راح تكرفون وايد اليوم
خليفه : الجده صريحه
الجده : عشان ما تنصدمون ، المهم البنات راح تتوزعون و الصبيان عاد يدكم يوزعكم
سُلا تساسر جنى : جنوي ويعه مالي خلق
جنى : أص سكتي الحين يسمعون
سُلا : اففف
الجد : يا صبيان يلا مشينا
انس يساسر خليفه : والله الشايب ناوي علينا
خليفه ضحك : اهخخ شكله راح نكرف
الجد : يلا مشينا
الجده : بحفظ الله
توزيع البنات
سُلا ، جنى ، ريم ينظفون الصاله
ديما ، لارا ، ساره ، عذبه بالمطبخ يساعدون الحريم
توزيع الأولاد
نواف ، انس ، مشاري يجيبون الذبايح
ناصر ، نايف ، خليفه ، خالد ينظفون الخيمه
عند البنات بقسم التنظيف
الجده : انتو رتبوا بروح أشيك على المطبخ
البنات : ابشري
الجده : ريمو شوفيهم لا يشيطنون
ريم : ابشري
الجده راحت
سُلا : اي شنو راح نسوي
ريم : تنظفين
سُلا : شنو
ريم : يبي المآي الي هناك ومسحي
جنى : وانا
ريم : يبي المكنسه و كنسي
جنى : وانتي شنو بتسوين
ريم : أنا برتب
سُلا بدت تمسح طبعاً ما نخلي من شطانتها لأنها كبت الماي كله صار بحيره وتزحلقت جان تتزحلق وراها جنى
جنى : اييي
سُلا : وانا شقوللل اححح قوميي
ريم : أنا قايله انتو ما تنحطون مع بعض ، قومو خل نخلص
بالغصب قاموا
ريم قامت تمسح معاهم عشان يخلصون
ريم رن تليفونها وراحت تتكلم برا لان كان ازعاج
ريم : الو هلا
عبدالله : هلا شلونك ياقلبي ؟
ريم : زينه الحمدالله ، انتَ شلونك ؟
عبدالله : من سمعت صوتك صرت بخير
ريم : منزمان ما دقيت
عبدالله : وانتي ليش ما تدقين ؟
ريم : عندي البنات ما اقدر ادق
عبدالله : انزين وانا كان عندي شغل بس الحمدالله خلص ، اسمعي
ريم : هلا
عبدالله : راح اجي الكويت بالعيد
ريم : الله واخيراًً راح تجي الكويت
عبدالله : اي واخيراً
سُلا : ريموووو وينجججج تعالي
ريم : انزين جايه ، عبود سمعت يعني فلازم اروح
عبدالله : لنا الله
ريم . باي حُبي
عبدالله : استودعتك الله
ريم دشت الصاله
ريم : كنستو ؟
جنى : اي خلصنا دورج
ريم : انزين انتو روحوا تجهزو
سُلا و جنى : اوكي
عند الأولاد بصوب الي يجيبون الذبايح
بمزرعه الجد
العامل : انتَ اي واحد يبي؟
نواف : ابي وحده حلوه مربربه أسنانها نظيفه
مشاري : قاعد تنقي غنم ولا تنقي زوجتك ؟
انس ضحك : وليش تبي مربربه ؟
نواف : يوه بعد لازم تكون حلوه شلون ناكلها وهيّا مو حلوه
العامل : انتُ يبي هاذا ؟
نواف : لا شوف الثانيه
انس : والله انك دوخت الريال اب طلباتك
نواف : خلاص انتو اختارو
مشاري : خلاص جيب هاذي
العامل : هاذي
مشاري : اي
وخذوا الذبيحه
مشاري : مسكوها عدل
نواف : والله إنها ثقيله
انس : خل المربربه تفيدك
عند الأولاد بصوب الي ينظفون الخيمه
ناصر : خالد و ونايف غسلوا الحوش أنا و خليفه بنظف الخيمه
خالد : نايف جيب الهوز
نايف : انزين
خليفه : مشاءالله الشياب قاعدين يقيمون الترتيب
ناصر : والله شكلهم
نايف رش الماي على الأرض بعدين رشه على خالد
خالد : نايف الله لا يلعنك ليش ترش
نايف : كنت سرحان
خالد لحقه وهو يركض
ناصر شافهم يركضون : هذيل شفيهم
خليفه : مادري
ناصر : امش نشوفهم
خالد : تعال والله ارش عليك
نايف : وخر ترا الهوز بايدي
نايف رش على خالد
خالد سحب من نايف الهوز ورش عليه
ناصر : شفيكم ؟
خالد رش عليه
ناصر: ورعع
خليفه : أنا وخرو عني
رشو عليه وصارت حرب بالماي
أبو انس : بس ياولد انت وياه لا تلعبون بالماي
الصبيان : ابشر
كانو بيروحون يبدلون ويكملون بس ابو مشاري ما خلاهم
ابو مشاري : وين رايحين
ناصر : بنروح نبدل ونكمل
ابو مشاري : لا مافي كملوا عشان مره ثانيه ما تلعبون بالماي
ناصر : ابشر
وكملوا تنظيف وشوي يطقون بعض بعدين يردون يكملون
دخلو انس و نواف و مشاري ومعاهم الذبيحه
نواف : انوس امسك عدل
نزلو الذبيحه جان تنحاش
ابو انس شافهم : لحقوها
وكل الصبيان يركضون ورا الذبيحه اشكالهم تضحك
عند البنات سمعوا صراخ جان يطلون من الدريشه
سُلا تضحك عليهم : امبي شفيهم يموتون
جنى : اهخخ بطني الغنمه خلتهم يركضون وراها
سُلا :بس باقيلي الميك اب
جنى : أنا خل اروح اتجهز
تحت بعد ما صادوا الذبيحه وذبحها ابو خليفه
عند البنات الي بصوب المطبخ
الجده : ها بنات طلعتوا المواعين
البنات : اي ياجده
لارا : عذوبه يبي الصحن الذهبي
عذبه : انزين
ديما وساره يقصون الفواكه
مر الوقت ولارا و عذبه بس يسولفون
الصبيان قررو يدخلون الذبيحه
نايف ، انس ، خالد دخلوا الذبيحه
انس : طريجج ياولد
ام انس : ديمو و سارونه لبسو شيلتكم ، انس ادخل
عذبه شافت انس جان تتذكر شنو صار الأسبوع الي طاف
انس كان يتكلم بالتليفون مع حبيبته
انس : مها سمعي خل ننفصل بعدين نرد
مها : ليش ؟
انس : بس احس تعبت من هالعلاقه
مها : اوكي يعني ما تحبني
انس : والله احبج يابنت الناس بس ضغط شغل
مها صكرت الخط
انس عصب چان يقط التليفون
عذبه كانت قاعد تمشي وسمعت المكالمه
انس شاف عذبه عرف أنها سمعت
انس : ترا مافي شى
عذبه : انت تكلم بنات ، سمعت كل شى ترا
انس : كانت غلطه وبحاول أصلحها
عذبه : انس أنا سمعت كل شى آخر شى قلت احبج
انس : ستري علي لا تقولين حق احد
عذبه : أصلا أنا شكو ، ولفت تمشي و دموعها تنزل
عذبه كانت تحب انس وهي صغيره وكبر هالحب معاها
دخلت عذبه البيت وهيّا تبجي
بالصاله لارا كانت قاعده
لما تدخلين البيت لازم تمرين من الصاله
عذبه بنفسها : انشاءالله مافي احد بالصاله
لارا : عذوبه شفيج تبجين
عذبه مسحت دموعها : م ا ف ي ش ى ب س اه اه
لارا حظنتها : بسم الله عليج ياقلبي منو مبجيج
عذبه : محدد ، بروح غرفتي
ام انس : عذوبه
عذبه : هلا خالتي
ام انس : صارلنا ساعه اناديج
عذبه : شكلي سرحت ، وين الذبايح
ام مشاري : حطوهم الأولاد وراحو الحين انتي روحي بعد بدلي
عذبه : انشاءالله
ريم : سُولو روحي نادي لارا
سُلا : ليش
ديما : يعيني واضحه تبي تكلمني
سُلا : ويعععع ملاقه
ديما : بباي قلبي
سُلا راحت ڤلت عمها جابر
سُلا : جميله (العامله ) وين لارا
جميله : داخل غرفه مال اهيا
سُلا تورطت لأنها ما تعرف وين غرفه لارا
صعدت فوق لقت غرفه بالنص
سُلا اب نفسها : احس هاذي الغرفه
دخلت الغرفه كانت كبيره وحلوه ماكنت حيل عفيسه
سُلا : لارو وينج والله غرفتج كبيره وتقولين غرفتي صغيره لا اصيدج
طلع ناصر من الحمام عزكم الله وهو لابس روب
سُلا : يماااا ، شتسوي هني
ناصر : انتي شتسوين هني هاذي غرفتي
سُلا قمطت العافيه : يعني هاذي مو غرفة لارا
ناصر : لا غرفتي
سُلا توها تنبته انه مو لابس غير روب : روح البس
ناصر قرب منها : اممممم خل أفكر
سُلا بعدت شوي : يوه أنا خن اطلع برا
ناصر ردها
صارو حيل قراب من بعض
سُلا : ناصر عادي توخر
ناصر : سُلا مو عادي أوخر ، أنا احبج من كنتي ياهل وللحيني احبج
سُلا انصعقت جان تدزه وتركض
سُلا ردت فلتهم و للحينها تفكر بالي قاله مو مستوعبه
ديما : جنوي روحي نادي سُلا
جنى : دقي عليها
سُلا شافت الاتصالات جان تتذكر البنات فراحت لهم
جنى : سُولو وينج
سُلا : كنت اب بيتنا
لارا : يقولون انج كنتي جايتلي
سُلا بتلعثم : اي كنت يايتلج بس شكلج كنتي تسبحين فرحت بيتنا
لارا : اها
عذبه دخلت الغرفه
عذبه : مشاءالله بناتتت تهبلونن
سُلا : والله انتي تهبلين
ريم : اليوم راح نفتك من شله الثلاثي المرح
ديما : ليش ؟
ريم : امي راح تخليهم يكرفون
سُلا : الله يعينا على الجده
نزلو البنات شافو جدهم
سُلا : هلا اب يدي
الجد : هلا بروحي
سُلا : تبي أبخرك ؟
الجد : اي والله جيبي البخور من هناك
سُلا راحت تيب البخور عشان تبخر الجد
ناصر دخل عشان يبلغ الجد ان الضيوف وصلو
ناصر : جدي ترا الناس وصلوا
سُلا كان بيطيح منها المبخر بس تداركت الوضع
الجد : بسم الله عليج يابنيتي
سُلا: اسفه
الجد : لا عادي يلا خل اروح
سلم الجد على الناس
نواف و انس كانو بس يعلقون على الناس
الجد : خليفه قوم صب القهوه
بيت الجد صار مزدحم بالناس من الريايل والحريم
ام مشاري : سُلا
سُلا : هلا يما
ام مشاري : روحي داخل المطبخ يدتج ابيج
سُلا شافت اليده مجمعه كل البنات بالمطبخ
الجده : شوفوا أبيكم تكونون عاقلات مآبي حركات ينون
سُلا : جده قالو تبيني
الجده : اي تعالي قعدي يمي لا تتحركين
سُلا : ياويلي
جنى ضحكت على سُلا
طبعا طول العزيمه الجده ماسكه سُلا مو مخليتها
و جنى تحر سُلا
ام انس : تفضلو على العشه
دخلو الحريم غرفه الطعام كان فيه بوفي
ام ماجد : إلا حبيبتي جم عمرج
سُلا : انا متزوجه
ام ماجد : اها ، واختج
جنى : أنا مخطوبه
ام ماجد : اي الله يتمم
ام ماجد راحت تدور بنات تخطبهم
سُلا ضحكت
الجده : سُولو شمسويه
سُلا اخترعت والله ما سويت شى
الجده : عبالي
سُلا : يالله اني عبدك المظلوم
عند الشباب
مخلين نايف يصب
نايف : نويف قوم صب تعبت
نواف : استح على شواربك أنت اصغر مني
نايف : ياربي
مشاري : والله هالثلاث دقايق ما سوت خير
~