أغمضت عيني ففاضت

Part 12والاخير

اليوم الي بعده بفندق عبدالعزيز وجنى قاموا عشان يتجهزون حق عزيمه الجد الي مسويها لهم وبعدين بيروحون المطار عشان يسافرون شهر العسل
ببيت الجد كلهم  كانو  قاعدين يسولفون بعد ماخلصوا من الريوق
سُلا : جنوي من امس وأنا أبجي ياحيوانه زين جذي
جنى راحت حضنته : ياكلبه لا تبجيني مادري شلون ماشوفج أربع وعشرين ساعه
عذبه : جد سُلا ماسكتت الا لمن ناصر حضنها
جنى ضحكت
و سُلا تسكتها : جذابه
ومن هالسوالف
جنى حست بان الدينا تدور فيها بس ماقالت شى
ويا الوقت انه يسلمون على جنى لأنه بتسافر
طبعا سُلا وجنى سوو مناحه وطبعا أكيد بعد أم جنى و ساره
وعبدالعزيز مستلم توصياتهم وهو وده يقولهم ان لو بيده يحطها بعيونه ومايرمش
المهم وصلوا المطار وعبدالعزيز كان حاس انه جنى فيها شى
وقال : جنى فيج شى
جنى تضيع السالفه : لا مافيني شى صح احنا وين رايحين
عبدالعزيز : مفاجاءه
جنى : يلا عزوز قول
عبدالعزيز عطييني بوسه وأفكر
جنى بصوت واطي بس سمعه : وصخ
عبدالعزيز : سمعت ترا
جنى : انزين يلا قول
عبدالعزيز : ماكو عطيني بوسه بعدين
جنى : صح أني فضوليه بس مراح أعطيك بوسه
وركبوا الطياره جنى أطالع فلم وعبدالعزيز كان نايم  و جنى حست انه مكان بعيد بعدين اكتشفت أنهم بيروحون لندن
عند الجد والأحفاد الي قرروا يرجعون الكويت اليوم
فكان شوي لويه وحوسه
في الكويت بعد شهر
والحداث المهمه كالتالي
انه سُلا وناصر زواجهم بعد ثلاث اشهر
وأنه جنى طلع فيها سرطان ( الله يشافي جميع مرضى المسلمين ) وطبعا هالخبر هز كل العايله
ووقتها كان رده فعل جنى الي قالت حق عبدالعزيز انه تقدر تطلقني لأنه تقريبا انتشر بنص جسمها ووايد متأخرين بس كان منه الرفض وان إذا ماوقف معاها الحين متى يوقف معاها وماراح يخليها لو شنو
وأنس خطب تارا وامها صارت احسن من قبل وخلاها تحبه
وبيوم من الأيام بشوارع لندن اصرت جنى على عبدالعزيز يطلع وهو كان رافض رفض شديد بس أقنعته
وطلع عبدالعزيز
جنى حست أنها خلاص : اشهد ان لا إله إلا الله و واشهد ان محمد رسول الله
وبدا جهاز النبض يصفر وكل شى بدا ينزل
عبدالعزيز حس بنغزه ورد المستشفى علطول وشاف الدكاتره والنيرسات متجمعين عند باب غرفه جنى
عبدالعزيز بالإنجليزي : شنو صاير
النيرس : البنت الي داخل قاعد تموت
عبدالعزيز جنه احد صب عليه ماي بارد ودخل الغرفه غصب شاف جنى
عبدالعزيز بصراخ : جنى تكفى قومي لا تصكرين عينج
جنى بصوت متقطع وكله تعب : عزيز أ ح بك
عبدالعزيز مسك أيدها : حتى أنا جنى بطلي عينج
جنى : عزيز قول لهم إني احبهم ومااقدر احارب خلوني انام
والاجهزه صفرت
عبدالعزيز بصراخ  : جنى قومي قومي لا تنامين
والدكاتره يحاولون يوخرونه بالغصب عشان يصكرون ويها
عبدالعزيز بالإنجليزي : لا نطرو ما ماتت إنها تنام شيلوا اللحاف عنها
الدكتور  بنبره حزن : أنا اسف
النيرس دمعت معاه
وعبدالعزيز مو شايلته ريله بس لازم يبلغ أهلها
بالبيت الكل كان قاعد
دق تليفون أبو خليفه
أبو خليفه : الو هلا عبدالعزيز
عبدالعزيز : سلام عليكم عمي ومهد الموضوع بنتك راح تعود الي ارحم منا كلنا
أبو خليفه : شقاعد تقول انت
عبدالعزيز  شرح بعد مره وهو منهار  وقال انه بيردون الجثه الكويت عشان الدفن
أبو خليفه انهار وبدا يمهد الموضوع
كل الي بالصاله قال لا إله إلا الله ان لله وان اليه راجعون
ام خليفه : توني ماصرت يده ماشفت بنتي ترد من شهر العسل وبدت تنها وطاحت غشانه
والبنات كلهم بدون استناء بيجون
ومرت الأيام مثل الشوك
وسُلا أجلت العرس للسنه اليايه
ونقول لبعد سنه يوم عرس سُلا الكل كان محتاس يسون شعرهم واليك أب
سُلا سوت العرس محفوف يعني بين الأهل بس والصديقات
لارا : تحسون اسوي : كيرلي ولا كبه
ديما : احس سويه : كبه احلا
تارا الي تزوجت انس وكانت حامل بأول طفل : وأي بنات احس أني ثقيله
ريم : هانت بقى شوي وتولدين
تارا : أي الحمدالله
ريم : شنو بتسوين شعرج
تارا : كيرلي
سُلا : أحسه راح يطلع خيال
عذبه : السلام عليكم
الكل وعليكم السلام
أكيد تبون تعرفون شعور عذبه لمن تزوج انس كانت منهاره وطلعت من الحفله قبل ماتشوف المعاريس شافها نواف وأعجب فيها وخطبها وقررت تنسى انس وتبدا صفحه يديده مع نواف والحين تحس ان نواف وأيد احسن من انس
عذبه : جني تأخرت
ساره : لا ماعليج
وكلهم ضحكو
سوو شعورهم و الميك أب
ريم : بنات بسرعه ترا بدو يصلون المعازيم روحوا لبسوا
الكل صار يلبس والي كان لابس نزل يسلم
ومن فرح وسرور بين كل المعازيم
عند سُلا وناصر الي المصوره كان تصورهم وناصر كل شوي يقول شى يخلي سُلا تنحرج
سُلا : ناصر اسكت قاعد أتوتر
ناصر : هدي
سُلا مامداها تقول شو إلا وناصر باسها على ثغرها بس هالمره بالحلال
سُلا ويها صار طماطه : ناصر مو جدام المصوره
ناصر : كيفي حلالي
لارا : اءء ترا وقت الزفه الحين ولفت
سُلا : ناصر أفف
ناصر : لا تلعبين فيني لا تقولين ناصر إلا لما نوصل الفندق عشان ماخرب حمرتج
سُلا : وصخ
ونزلوا على زفه اقبلي شمس الكواكب ( اعتقد اسمها جذي )
كانو ماسكين أيد بعض وينزلون بحب والكل يلولش
ريم : وقصتهم الحمدلله انتهت بزواج
ديما : صج الحمدالله
ريم : شوفي شلون يطالعها راح آكلهم
ديما : جد مشاءالله
ريم الله يهنيهم يارب
ديما : آمين
بعد ١٢ سنه
الأحفاد زاروا الجد

سُلا تزوجت ناصر ويابوا بنت اسمها غلا عمرها ٨ و ولد اسمه إبراهيم عمره ٦ وعاشوا بحب 

عبدالعزيز  ما تزوج بعد جنى

لارا ماتزوجت لا نايف ولا نواف تزوجت حمد رفيج اخوها اول شى ماكانت تحبه بس بعدين حبته وعندهم بنت اسمها غرام عمرها ٥  والحين كل ماله حبهم يزيد

ريم تزوجت عبدالله بعد صراع لأنهم كانوا يكلمون بعض وأبوها اكتشف وغصب عبدالله يتزوجها
وللحين ريم تحمل شوي من الكره لأنه كان يعامله بأول الأيام مو عدل و عندهم ولد اسمه محمد عمره ٦

نايف تزوج وحده برا العايله بالنهايه اكتشف ان مو دايما الحب الأول يفوز  وللحين الله مارزقهم بعيال

نواف تزوج عذبه ونساها انس  ويابو توائم بنت ولد سمر و نوح عمرهم ٢

انس تزوج تارا كل يوم انس يعوضها عن حنان الأب رزقهم بولد فهد عمره ٦

ساره تزوجت خالد ويابو بنتين وولد غرام وغيم توأم عمرهم ٥ و فواز عمره ٤

ديما تزوجت مشاري والله للحين

وبجذي نكون عشنا بالتفاصيل الحلوه والمره وعرفنا ان مو دايما الحب الأول يفوز

تم بحمدالله ختم روايتي الأولى 7 سبتمبر 2024