أغمضت عيني ففاضت

Part 6

-
دخل حمد الصاله وهو مستغرب من الي قاعد يصير يشوف اثنين قاعد يسحبونهم من بعض وما يدري شالسالفه بعدين استوعب ان واحد من الي قاعد يتهاوش رفيجه انس فراح يسحبه
حمد : انوس هد شفيك
انس : هالحمار قاعد يتهاوش مع البنت جان اتهاوش معاه
حمد لف جان يشوف نفس البنت الي ذيك المره كانت قاعد تصارخ
حمد قال بصوت محد يسمعه إلا انس : الحين أنت تهاوشت عشانها ؟
انس : يعني مو عشان بس حرام أمها تحتاج الفلوس وهو يطالبهم فيها
حمد : أنا أقول اطلع منها خلها كيفها لا تدخل روحك بمشاكل ، سكيورتي طلعوا هذا اشر على مبارك وطلعوا مبارك
انس شاف تارا : الناس تقول شكرا ما تقعد تخز
تارا طالعته من فوق لي تحت : شكرا على شنو ها ؟ بس قاعد تتهاوش وتزف وتصارخ على شنو شكرا انس : على الأقل ما خليتج تدفعين يا ناكرت المعروف
تارا : سوري بس ما سويت لي معروف ومشت
انس : صج ما تستحي على ويها
‏5 minutes later
حمد : احم احم ترا البنت راحت صار لها خمس دقايق وانا للحين تطالع زولها
انس : ها شفيك يالحبيب مو قاعد أطالع شى بس سرحت
حمد : زين امش خل نروح ناكل
انس : يلا تم
ونرد البيت عند البنات الي كانوا يدرسون لان عندهم فاينل وسُلا كل شوي تحلطم لأنها ثانويه عام ولازم تشد حيلها
سُلا تكلم روحها : أوف مالي خلق تعبت لا ما علي سُلا راح تشدين حيلج عشان تدخلين التخصص الي تبينه اوففف
دخل أبو مشاري : طالعها والله بنتي ينت واستخفت
سُلا : بابا
أبو مشاري راح حضنها : ياحبيبتي لا تعبين نفسج وباس راسها
سُلا : انشاءالله يبا
أبو مشاري : تعالي يبا معاي برا نتعشا بعدين ردي درسي
سُلا ايوا احب هالنحشات
وتعشوا وسُلا ردت درست لان مافي مهرب من الدراسه
~
يوم الاثنين اخر امتحان حق ١٢ وكان آخر امتحان حق بطلتنا سُلا بعد التعب والاجتهاد طلعت من القاعه وهي سعيده بما قدمت طبعا البنات قررو يسون مفاجئه حق سُلا فتجمعوا ويابو لها البامبز (🎉هذيل ) مع بالونات وقاموا يصارخون باسمها والي تلولش
ديما راحت حضنتها : ليش تبجين
سُلا : يما استوعبت اني خلاص ماراح اروح مدرسه بعد مره
ديما : انشاءالله تروحين حق المكان الي تستاهلينه يارب
سُلا : يارب ياكريم
حتى غاليه كانت يايه معاهم
غاليه وجنى ولارا و داليا نطوا على سُلا
جنى : واييي سولو ياكلبه راح اشتاق لج بالمدرسه بعدين منو يفزع معاي منو ينحاش معاي أوف ، وقامت تدمع
غاليه قاعد تصورهم : اهيآ تبجي عشان بتخلص انتي ليش تبجين
جنى : او ف مادري
لارا : والله يبيلكم تصوير ههههههه
داليا : قولو چيس
ريم : يلا بنروح نتغدا ودعي رفيجاتج
سُلا يلا الحين وكان عندها رفيجتين وحده اسمها أسماء والثانيه لينا
سُلا راحت تحضنهم وقاموا يودعون بعض
لينا : واييي راح اشتاقلكم
أسماء : حتى أنا والله انشاءالله ندخل نفس التخصص
سُلا : يارب والله الشوق من الحين
لينا : اول مره اشوف سُلا تبجي
سُلا كانت حاضنه أسماء
أسماء : هذا كبت السنين شكله ههههههههه
~
لينا : شكله ههههههههه
ريم : يلا بنروح ليون أسوم تعالوا معانا
لينا : ودي بس شوفي عايلتنا كلها هناك
ريم : اي مشاءالله نفسنا
اسماء : تخيلوا مسوين لي بالبيت ونونا الحماره مصورته ودازته ستريك
سُلا : هههههه
أسماء : اخيرا ضحكتي
لينا : احس صج سُلا ما يلوق عليها إلا تضحك
سُلا استحت
ديما : واي فديت الي استحت
نروح حق المطعم
ساره : بنات خلنا ناخذ سلفي
ديما : عطي الي تشتغل عشان تصورنه
ساره : can you take for us a picture
الترجمه : ممكن ان تلتغطي لنا صوره
الي تشتغل : of course
الترجمه : طبعا
وخذت لهم صوره وكلوا
سُلا : يلا أف ليش ناطرين
غاليه : بعرف انتي ليش مستعيله
سُلا : ابي انام نومه ما نمتها من ١٢ سنه
لارا : يارب ابي نفسها
سُلا : مابغى شى سنتين
لارا : الله يعين
سُلا : الحين تخيلو منو يلبس كحلي أصلا منو يلبس ملابس مدرسه
جنى : يماه انتي هي توج ما مداج توج طالعه من الامتحان
غاليه : والله استلمتكم هههههههه
لارا : لنا الله
جنى : أنتوا مكانكم دار المسنين ههه
~
سُلا : ههههههه
جنى طلعت صوره دار الرعايه وصورت على رياكشن تعرفين تقرين مركز الصحه النفسيه
سُلا : هذي من صجها
المهم فجأه ولا يسمعون أغنيه تخرج والي يشتغلون يايبين كيكه
سُلا قامت تدمع
غاليه حضنتها : وايي سُلا
طبعا البنات اشتغلوا تصوير
نرد البيت همن كانوا مسوين لها مفاجاه بسيطه
البنات عند الباب واقفين
سُلا : يلا شناطرين خل ندخل
ريم : بعرف أنتي الصبر متبري منج
سُلا : أوف
ريم فتحت الباب
الأمهات يلولشون والي قطت فلوس على سُلا
سُلا راحت سلمت على يدها وأيدتها وامها وأبوها بعدين سلمت على الباقي
وطبعا الكل يبارك والي يعطيها هدايا من الحين
جنى طالعت سُلا : حبيبي أنا حامل
سُلا : هههههه حبيبتي مافي كلهم حقي
نواف : يالبخيله عطينا كل واحد خمسين دينار
سُلا : ماراح يبقالي شى يلا مناك
اليوم الي بعده الي رايح دوامه والي طالع عند أبطالي الي كانوا قاعدين بالبيت
قامت سُلا من النوم بكسل ونزلت تحت شافت ان مافي احد فقررت تروح عند يدها
شافت يدها وناصر قاعدين
سُلا : السلام عليكم
ردو وعليكم السلام
اشر اليد حق سُلا عشان تقعد جمبه
سُلا باست راس يدها
الجد : هلا بنيتي شالاخبار
سُلا : والله ماكو
الجده : يابو جابر تعال ابيك
سُلا : طلع اسمك شكلك مسوي مصيبه
الجد : بنت استحي
وراح الجد داخل
ناصر و سُلا تمو يطالعون بعض قررت سُلا تكسر حاجز الصمت
سُلا : ناصر
ناصر : هلا
سُلا : للحينك زعلان مني
ناصر : مادري بس إذا صلحتي غلطتج ماراح أكون زعلان
نرد فلاش باك وقت فاينل سُلا دخلت غرفه ناصر لان يدها يبيها تناديه
سُلا طول الطريج وهيّا تتذمر : اوففف مافي غير سُلا كله سُلا وجان زين دازيني مكان سنع لا غرفه ناصر الحين عباله إني ميته عليه
سُلا دخلت الغرفه وكانت ظلمه
سُلا : شكله مو موجود ، وقامت تدور بالغرفه
ناصر كان توه راجع من الدوام  دخل غرفته وشاف وحده تحوس بالأغراض على باله أنها لارا
ناصر : لارو شتسوين
سُلا اختبصت
ناصر قرب منها بيستعبط عليها لارا جم مره أنا قايل محد يدخل غرفتي
سُلا : أ أنا مو لارا وبعدين عشتو ليكون غرفه الأمير الي يقول غرفتك فيها كنز
ناصر قام يضحك : هدي والله عبالي لارا وبعدين أنا مرات أحط أغراض الدوام بالغرفه فعشان جذي ، المهم شنو كنتي تبين
سُلا : يدي كان يبيك
~
الحمدالله دائماً وأبداً
~
ناصر : انزين شن خاشه وراج
سُلا : مو خاشه شى
ناصر قرب منها وسُلا بعدت
ناصر : سولي لا تبعدين
سُلا جمدت لما سمعته يناديها سولي مو متعوده احد يدلعها غير أبوها والبنات
ناصر : سولي
سُلا: ناصر عادي توخر
ناصر : مو عادي للمره المليون شنو خاشه وراج
سُلا : مو خاشه
ناصر : لو عدت السؤال بعد مره و طلعتي خاشه شى راح تزعلين
سُلا : مممممم
ناصر قرب منها بسرعه ومد ايده وخذا الاوراق الي كانت ماخذتهم
سُلا : بسم الله شنو صار
ناصر عصب لان هالاوراق مالت الدوام : سُلا جم مره عدت السؤال ها ؟
عند سُلا الصمت
ناصر صارخ : سألت سؤال ردي عليه
سُلا الي من صراخه ما عرفته واخترعت فطقته على صدره وقعدت تدزه و بصوت مبحوح : اول شىى لا تصارخ انزين ... بعد ين شنو الي قريته وقامت تطقه وتدزه
ناصر حضنها وسُلا توخره بس هيهات ماقدرت وآخر شي استسلمت وحضنته
ناصر : سُلا
سُلا رفعت راسها وقالت له يناديها سولي
ناصر : انزين سولي ليش كنتي ماخذه الأوراق ؟
سُلا : اول شى أنت شفت شنو مكتوب بالأوراق
ناصر : أي مكتوب فيهم دوره سنتين سنين بالخارج
سُلا : احنا تونا مجتمعين وأنت تبي تروح
ناصر : بس لو خذيت هالدوره راح احصل ترقيه وراح يزيدون راتبي
سُلا : منو كان يقول احبج و ماراح اخليج
ناصر : وأنا صج احبج و ماراح اخليج اول ما اخلص راح أجي أخطبج
سُلا : انت سامع شنو قاعد تقول ؟  أوف مابي وخرت عنه وطلعت من الغرفه منهاره
المهم نرد حق  وقتنا الحالي
سُلا : أي بس ما سويت شى بس خذيت الأوراق
ناصر : لا والله وهذا شى عادي يعني
سُلا : أكيد عادي أشوفك بتسافر واسكت ، تعال صج شصار بالموضوع
ناصر : الصراحه أنا فكرت واستخرت والحمدالله احسني مرتاح
سُلا : أي كيفك بس بعدين تعال دورني
ناصر : انشاءالله انج موجوده مو مختفيه
سُلا : متى بتسافر ؟
ناصر : الصراحه بعد شهر تقريبا
سُلا : آوف مليق
المهم مر اليوم بعدها بدون احداث تذكر
ننتقل حق بعدها بأسبوع الكل كان مجتمع بالصاله
أبو مشاري : يبا
الجد : هلا
أبو مشاري : شرايك نروح نعيد بسعوديه
الجد : عاد جيرانا واخوانه وحبايبنا
أبو انس : أي والله ، والله إني اشتقت لها
الجد خلاص شرايكم نروح باجر ونقعد فيها ثلاث أسابيع والبنات بعد معطلين والباقي يأخذون اجازه
~
استغفر الله واتوب اليه
~
سُلا طبت الصاله وهيا قاعد تصارخ
أبو مشاري : بسم الله شفيها
سُلا ركضت حضنت أبوها وأبو مشاري بادلها الحضن
الجد : بسم الله عليج صاير شى
سُلا : طلعت النسبه
الجده : اشوه والله عبالي لاحقج حرامي
سُلا : نوريه تفاولين علي
أبو مشاري لعب بشعرها : بنت استحي امي
الحريم كلهم : بشري جم
سُلا : جم تتوقعون
ام مشاري : سُولو لا تلعبين باعصابنا
سُلا : تمام يبت يبت ٩٨،٤
صار ازعاج والكل يبارك ويقولون مشاءالله والى اخره ...
الجد : الحين بعد ما باركتوا روحو جهزوا أغراضكم باجر بنسافر
وصار حوسه الي يجهز من هني والي يصارخ من هني
عند البنات
طبعا سُلا كل مخليه ديما تسوي عنها وهي بس تتآمر
ديما : سولو والله اهد اغراضج
سُلا : لا خلاص بسكت
ديما : اي تكفين سكتي راسي بينبط ولا أقول شرايج تروحين عند لارا او جنى او عذوبه
سُلا : طرده محترمه
وصح قامت تفتر عند البنات وآخر شى وصلو له ان يقعدون عند جنى
عند الصبيان البعض منهم هو يسوي ملابسه والبعض معتمد على  امه وخواته
الحريم الي صج كانوا محتاسين وبعد الرباعي المرح
بليل عند الصبيان الي كانوا نايمين بالدوانيه
انس : ويعععع
مشاري : صبر بذوق
نواف : راح ترجع
نايف : ترا جراد
نواف : حبيبي شرايك تذوق
نايف : لا طبعا
خلصوا العشه
وجا وقت النوم
الجد : لو شفت واحد قاعد راح اكنسل السفره
الصبيان كلهم هزوا رأسهم وطلع الجد
ناصر : جنه هذيلا الي يتهزئون وبالآخير يصفقون حق الي يهزئهم
نايف : ههههههه اي والله
~
خليفه : ناموا نامت عليكم طوفه
خالد : شرايكم كل واحد يقول قصه احس مافيني نوم
انس : والله يدي راح يوكلنا دو دود د
خالد : هههه يعني مال اليوتيب محترم هههههه
خليفه : شكلكم شاربين شى مو طبيعي
نايف : شكله
خليفه : مو طالع منها
نايف : احححح
انس : تعال ياحبيبي
نايف : لا بس مشاعري انكسرت
خليفه : جبببب يابو مشاعر
ناصر : يلا كل واحد يقول قصه
خالد : قعدوا دائره
ناصر : منو يبي يبلش ؟
نواف : يلا أنا ببلش كان يا مكان في وحده راحت تغير اسمها من صباح لضحى قال لها الموظف ترى مو مستاهله كلها نص ساعه ههههههه
خليفه مسك ضحكته
ناصر : قلنا قصه مو نكته ياحبيبي
خليفه ما قدر جان يضحك ومن ضحكته كلهم قاموا يضحكون وأصواتهم كانت عاليه فدخل الجد عليهم بعصايه
نايف داس على انس وخالد نام فوق خليفه ونواف حضن ناصر كان ضحك والكل ماسك ضحكته
ومشاري غمض عيونه همو واقف
الجد : أنا مو قلت ناموا،  وقعد يطقهم وهم ينحاشون
طبعا الجد قرر ينومهم بالحوش من إزعاجهم
الصبح الساعه 7:56
الجد قعد الكل عشان يأكلون ريوق وبعدها يتوجهون للمطار 
جنى : صباح الخير
الجده : صباح النور وينج أكلنا بدونج 
جنى : لا كنت أتكلم مع رفيجتي
قبل نص ساعه
جنى قفلت الباب وردت عالاتصال الي صارله ثلاث أسابيع مزعجها
جنى : السلام عليكم
الشخص الي يتكلم : جنى ، لو ماجيتي المكان الي قتلج عليه راح انشر صور عمتج مع حبيبها
جنى قامت ترجف : شلون عرفت اسمي
الشخص الي يتكلم : مو مهم اهم شى تعالي المكان الي بقول لج عنه
جنى : أنا بسافر أصلا ، واصلا عمتي ما عندها هالسوالف 
ارسل لها الشخص الي قاعد يهددها صور  عمتها وهي حاضنه عبدالله
جنى انهارت من الصور الي شافتها
جنى : لا مستحيل مستحيل
الشخص الي يتكلم : مو مستحيل جنى لما تسافرون تعالي هالمكان وقال لها أسم المكان الي كان قريب منهم حيل
جنى : ليش ليش أنا مو غيري شتبي فيني
الشخص الي يتكلم : جنى بس نفذي
جنى ماتبي عمتها تطلع بصوره مو حلوه جدام العايله وقررت تروح تشوف شنو يبي هالشخص
طبعاً بعد الانهيار الي دام يمكن عشر دقايق حطت جنى مكياج خفيف تخفي في الهالات ونزلت تحت وهي تتكلم طبيعي مع الكل
~
الجد : يلا دام ان الكل خلص أكله راح أوزعهم أب سيارات
خليفه : ليش ماراح نسافر بالطياره ؟
الجد : امبلا بس عشان لما نروح المطار ولما نوصل هناك راح يكون نفس الترتيب
خليىفه : تمام
الجد : ناصر ، جنى ، لارا ، نايف ، ديما ، ساره مع بعض
هز ناصر راسه وركب السياره والي كانوا معاه همن ركبوا
أكمل الجد : مشاري ، انس ، سُلا ، عذبه ، ريم مع بعض و نواف ، خالد معاي أنا ويدتكم و خليفه مع أمه وابوه معاهم حنان وأبو مشاري وأبو انس وزوجاتهم مع بعض
وصح مشوا على هالترتيب لما وصلوا المطار طبعا في بعض السيارات كان الوضع كئيب يعني بسيارة ناصر كانوا مشغلين أغاني وفي بهجه بس جنى ماتحس ان هالشعور موجود من بعد هالمكالمه الي دمرت نفسيتها
وبسيارة مشاري عذبه و سُلا ماكانوا يحسون بشعور البهجه رغم ان الكل كان قاعد يسولف ويضحكون بس عذبه كانت تفكر ليش انس ما يحبها و ليش طاحت بهالدوامه و سُلا كانت تفكر ان ليش ناصر وافق ان يروح ويهديها وهذا وهما توهم حابين بعض
وبالسيارات الباقي كان الوضوع طبيعي تقريبا
ركبوا الطياره بعد ما خلصوا الاجراءت
ويتم الاقلاع إلى المملكه العربيه السعوديه
عند عذبه الي كانت قاعده ورا انس
انس : اهخخ والله اشتقت
حمد : الصراحه أنا اكثر بعدين ليش مسافر وهادني ومالك داعي
انس : ويععععع هههههه مايلوق
حمد : دور لك احد يعاملك برومانسيه مثلي انت حدك شنو كان اسمها
انس : تارا
حمد : أي تارا احس راح تخليك من شخص حيل بلاير لشخص يحبها بروحها
انس : تارا يا تارا عطيت اسمها حق ولد عمي وطلعت بنت عايله متوسطه الحال بس أبوها مات تقريبا قبل أربع سنين وقبلها كان متهاوش مع أخوانه على ورث أمهم فكلهم اتحدوا عليه وهو بالمحكمه قرر ان خلاص بيتنازل بحقه حق اخوانه ومحد يدري ليش  وبس بعدها بفتره مرض و مات والأم والبنت من ذيك اللحظه راح يترجون واحد من اعمامهم يعطيهم شى بس مارضوا والولد الي تهاوشت معاه يصير ولد عمها وقرر ان يسكنها بعمارتي بس ان تدفع اقل بشوي
حمد : ياراسي دوخه من القصه ومن ولد عمك مشاءالله بس
انس : اي ولد العم حي رأسه يابلي المعلومات المهم يلا بنقلع بصكر
حمد : يلا بالسلامه
انس : الله يسلمك
طبعا أكيد عذبه سمعت كل الحوار قلبها عورها هالبنت وعورها ان انس سأل عن البنت وتدري ان خلاص اهيآ تتعتبر أخت انس لا اكثر ولا اقل كانت راسمه بمخها خطط مستقبليه بس راحت هباءاً منثوره وقررت عذبه تآكل منوم على مايوصلون لان تزاحمت الأفكار بمخها
يمها كانت قاعده جنى طبعا كل شوي توصلها رساله تهديد ان لو قالت حق احد راح ينشر صور عمتها وان على موعدهم تروح فقررت جنى تحاول بالي قاعد يهددها بس مافي فايده واستمرت على هالحال
عند الكرسي الثالث كانت قاعده سُلا
~
سُلا الي اكتشفت ان الكل كان يدري بان ناصر بيسافر إلا اهيآ وهني زعلت اكثر ولما سألت ناصر إذا كان راح يقول لها ولا لاء فكانت إجابته ان بيوم الي راح يسافر فيه كان راح يقول لها بس اهيآ عرفت وطبعا سُلا من كثر ما كانت معصبه قررت ان تقوله ما احبك بس ماكانت من قلبها وناصر قرر ان يصدقها فسُلا كانت قاعد تفكر ليش الناس تصدق الي نقوله وما تسمع قلوبنا وبعد هالتفكير نامت بتعب
وبالكرسي الرابع كانت قاعده عليه لارا ، لارا غير الحين أقول لكم ليش لان لارا تحب أو خنقول إنها صارت تحب نايف واهيا قبل سنتين اعترفت بحبها لنواف ادري ضيعتوا بس قبل سنتين لارا حست أنها تحب نواف فدشت عليه إنستا وقامت تتكلم معاه وبعدها اهو عرفها واهيا اعترفت أنها تحبه بس لما ردوا كلهم بيت الجد وشافت ان نايف يحبها صارت تحبه وما تحب اخوه والحين مشاعر الخوف الي ماكلته ان نواف يخطبها وماراح تقدر توقف الخطبه
بعد ساعه تقريبا هبطوا على المملكه
الطيار : تم الهبوط على المملكه العربية السعودية و الحمدالله على سلامتكم
ونزلوا الركاب من الطياره
وعلى ترتيب الجد راحوا حق مزرعتهم الي كانت بديره من دير المملكه
وصلوا والكل كان تعبان فارتحوا
يوم جديد على عائلتي
الكل كان قاعد يتريق إلا الرباعي المرح الي كانو نايمين وكل وحده غارقه بهواجيسها
عند الحريم
الجده : اليوم لازم ننظف
أم خليفه : اي لازم
أم انس : أصلا جنه أم سعد سمعت ان موجودين و أكيد بالعيد الكل راح يجي فراح يكون التنظيف من قلب
أم خالد طالعت البنات : بشاره أنكم راح تنهلكون هلك
أم مشاري : عيل وين باجي البنات
ديما : نايمين
الجده : ليش كأنو سهرانين
ديما : لاء بس يمكن من تعب الطريج
الجده : خلوهم شوي بعدين قوموهم
ديما : تمام
~

عند الصبيان الي راحوا المسجد عشان يصلون صلاه الصبح وكل الي بالمسجد كان قاعد يسلم على الجد لان يعرفونه بحكم ان الديره كانت صغيره وكان إنسان جدا كريم وعزمهم أبو محمد على غداء
آبو محمد : والله ان غداكم عندي اليوم
الجد : مانبي نكلف عليكم
أبو محمد : افا مأمن كلافه
استسلم الجد وراح اهوا وعياله وأحفاده وريل بنته يتغدون عند أبو محمد الي أصر
بدوا الأمهات بالترتيب وأم خالد راحت تقعد البنات الي كانوا نايمين
جنى : قامت وهيّا خايفه
أم خالد : بسم الله عليج تبين ماي
جنى هزت راسها باي
قاموا البنات والجده ما قصرت معاهم كل وحده خلتها تسوي شى

ادري وايد طولت بس كنت أبي بارت شوي يكون طويل احبكم