أغمضت عيني ففاضت

بارت 1

~
كل شخص يحن حق عائلته فالعائلة وطن
~
الجد دز حق عياله الي فرقتهم الحياة ان يزورونه لأنه اشتاق لهم ، أكيد كلكم تسألون شلون فرقتهم الحياة !! الحين أقول لكم
قبل 12 سنه تقريباً كانت العايله مترابطه والله منعم عليهم اب خير من تجارتهم إلى ان دخل الجد شريك معاه وكان اسمه محمد محسن وكان الكل يشهد بصدقه وشهامته واشتغل مع إبراهيم (الجد) ولاحظ الجد في البدايه ان التجاره قاعد تزيد بس ماكملت فرحته إلا وان خسروا كل شيء ، وفي ناس كانوا حاقدين على محمد لأنه ما اشتغل معاهم فقطوا التهم عليه واهوه من كثر ماكانوا يإذونه طلع وراح سكن بسعوديه وابراهيم قرر انه يبدأ من اول وجديد  وقال حق عياله يروحون يشوفون حياتهم
~
تعريف عائله محمد
عايله محمد محسن (الجد) فتح تجاره
الجده : فاطمه عمرها 72 طيوبه وحنونه
عندهم ولد واحد واسمه أحمد متوفي
زوجته رهف عمرها 43
عيالهم عبدالله عمره 31 يشتغل طيار حنون على اخته وصفه ملامحه هاديه طويل ، لميس عمرها 27 عندها مشروع عبايات وصفها حلوه قصيره شعرها لمنتصف ظهرها صابغته على الأحمر
~
وعرفنا ليش الجد دز حق عياله ، كان رد العيال ان انشاءالله راح يرجعون بس اول بيبلغون اهلهم
عند جابر ( أبو انس ) دخل الصاله وقال بصوت جهوري السلام عليكم
الكل رد عليه بوعليكم السلام
قعد بالغنفه ( كنبه ) وجت يمه نهى ( ام انس )
أبو انس: شوفوا يعيال انتو أكيد تعرفون سالفتي مع أبوي
الكل هز رأسه باي
ناصر : عسى ماشر انشاءالله مافي شر
أبو انس : ما من شر بس أبوي توه دزلي ان يبينا نتجمع أنا وأخوي وأختي ونعيش عنده انشاءالله أنكم تتقبلون الفكره
ام انس: والله ان خوش شى الصراحه بدال ما جابل لارو اجابل احد ثاني
لارا بزعل : وليش أنشاءالله أنا مو عاجبتج
ام انس ضحكت وراحت حضنتها : امبلا عاجبتني
لارا ضحكت وقالت : الله احس وناسه راح أشوف بنات عمتي وعمي
انس : هذا الي هامج ؟
لارا : اي هذا الي هامني
انس : ويعه
لارا : ويعتك
انس : مالت
لارا : بابا شوف ولدك الاهبل
انس وهو يقط عليها المخده: انا اهبل ولا انتي
أبو انس : بس ياورع أنت وياه صدعتوا راسي
لارا: بابا راسك مصدع ؟ ايب لك بندول
أبو انس : لا ياروحي عادي بروح انام ويروح الألم إنشاء الله ، وقام عشان يروح
ام انس قامت معاه
ناصر : طالع انس ولارا بس أنتي وياه
انس : ترا أنا اكبر منك
ناصر : بس بالعمر أنا بالمخ الله يعين
لارا ضحكت جان يخزونها : وي شفيكم أنا بروح اجهز جناطي احسن لي
~
عند مشعل ( أبو مشاري) كان قاعد مع عياله وشاف الأشعار وقرر يقول حق عياله لان اتفقوا اهو وأخو وزوج اخته يردون بعد يومين
أبو مشاري : ياعيال
الكل بردود مفترقه سم ، هلا
أبو مشاري : سم الله عدوكم ، أبوي دزلي توه ان يبي يجمعنا فقررت ان نروح وحبيت أبلغكم
مشاري : والله إنها فكره حلوه
ديما : اي واخيراً بشوف سارو
سُلا : حلو بروح اطلع طاقتي هناك
نواف : احس سُلا بتروح تطلع ينانوتها عليهم
سُلا: ه ه ه مايضحك مع ويهك
نايف : امبلا يضحك
سُلا : أنا بعرف منو المحامي فيكم
نايف: مالج شغل
ديما : واي قاعده مع يهال
مشعل طالعها
ديما : إلا أنت طبعاً
مشعل : عبالي
ام مشعل : أنا أقول بدال الكلام الزايد روح سووو جناطكم لأني ما راح اسوي حق احد
سُلا : ماما ما اعرف اسوي جنطتي
ام مشعل واهيا قايمه : دبروا اموركم مالي شغل
ديما : عيل خل اروح ازهب جنطتي عشان اخلص
سُلا واهيا طالع ديما بنظرات بريئه
ديما : لا طالعين جذي
سُلا : تكفين سوي جنطتي
ديما : لاء
سُلا : بليز ما اعرف اسوي
ديما : انزين تعالي ساعديني
تليفون مشعل دق وكان مكتوب خليفه
مشعل رد: وعليكم السلام ، والله تمام أنت شلونك ، اي توه أبوي قالنا ، الله يسلمك سَلم على عمي وعمتي
عند خليفه
دق على مشعل عشان يبلغه : السلام عليكم ،  شلونك ؟ الحمدلله ، تدري بنرد عند جدي ، يالله أخليك سَلم على عمي وإخوانك ، يوصل ، وصكر الاتصال
~
في بيت فهد
سعاد : الله احس اشتقت حق امي وابوي
فهد: انشاءالله بعد يومين تشوفينهم
سعاد : انشاءالله ، أنت تلع العيال ولا أبلغهم أنا
فهد: انتي بلغيهم ودق عليه احد من الي يشتغلون معاه فاستأذن سعاد وطلع
سعاد بقروب العايله : هلا ياعيال
ساره : هلا ماما
جنى : هاي ماما
خليفه : هلا يُما
سعاد : سمعوا أبوي يبينا نرد نعيش عنده والصارحه أنا وأبوكم موافقين
جنى: راح نعيش مع بعض ؟؟
سعاد: كل واحد من اخواني عنده ڤلا ببيت أبوي
جنى : اها اوك متى بنروح ؟
ساره : مو چنج وايد قاعد تسأين ؟
جنى : استفسر عشان اجهز أغراضي
سعاد : بعد يومين بنروح فجهزوا أغراضكم
خليفه : يُما جهزي أغراضي عندي شغل وماراح يمديني
سعاد : انشاءالله
~
في بيت الجد
عند الجده : حنان وين ولدج
حنان : دزيته يشتري ماجله حق البيت
الجده : زين قوليله يكثر الأغراض داشين على رمضان
حنان : انشاءالله الحين أقول له ، ودقت عليه
عند عذبه بغرفة ريم
عذبه: تحسين شسوي شعري لما ييون
ريم : احس سوي كيرلي
عذبه : انزين ، شنو بتلبسين ؟
ريم : دراعه لان بعدها رمضان ، أصلاً بقول حق البنات يلبسون دراريع
طبعاً أهما عندهم قروب كانوا يتواصلون فيه بدون محد يدري
في قروب شلة تحتاج عقل
ريم: بناتتتتتت
سارة : هاااا
ريمم : شرايكم نلبس دراريع لان قبل رمضان
ديما : متى
ريم : لما تون
ديما وساره : اي اوكي
ريم: ويننن شلة الميانين
سارة : الله يستر انشاءالله مو قاعد يسون مصيبه
جنى : قاعد تحشون فينا !!!!
سُلا: شفتي وهذا وحنا مقررين نصير مؤدبين
ديما : منو يصير مؤدب ، أنا أقول روحوا نامو
سارة : حتى اختج مو مصدقه ههههه
لارا  : تحسون ان مافي أمل
عذبه : شكله مافي أملات مو أمل
~
بعد يومين والناس محتاسه وكلن يرتب اغراضه
~
اب بيت الجد : يا مره وين البخور
الجده : ريمووو وين البخور
ريم : كاني يايبته ، وعطته أبوها
عند حنان راحت تشيك على الغدا وتأكد ان مافي شى ناقص
عند عذبه : ريم خلصتي
ريم واهيا صاعده : لا بس باقيلي اللبس
عذبه : إنزين إذا خلصتي تعالي عشان نصور
ريم : اوكي
بالصاله
عذبه واهيا ناطره ريم تجهز
خالد: الله الله شالجمال
عذبه : وايي خَلود حبيبي والله انك تينن
خالد ابتسم : وينن المبخره
عذبه : تحت الحين ايبها
وراحت يابتها وعطتها خالد
عذبه : تفضل يا احلى اخو
عند ريم حاولت تلبس بسرعه وتفتح شعرها الي سوته كيرلي وطلعت
ريم : خَلود إذا خلصت من البخور عطني ابي
خالد : ابشري
عذبه : واييي ريوممم تهبلين
ريمم : و انتي اكثررر آكلج كيكه
عذبه استحت
ريممم : الحين صج باكلج
~
الساعة ١٢:٢٠
الكل وصل بيت الجد في منهم من كان مشتاق ومنهم الي الشوق ذابحه وصلوا كلهم مع بعض
جابر نزل يسلم على اخوه و ريل اخته : السلام عليكم
الكل : وعليكم السلام
كانوا واقفين برا وضغطوا عالجرس
داخل البيت في الصاله الكبيره الجد كان ناطر عياله بكل شوق وحب رن الجرس وقال الجد حق العامله تبطل الباب
العامله فتحت الباب ودخلوا
مشعل وجابر وفهد : السلام عليكم
الجد والجده : وعليكم السلام
الجده حضنت عيالها واحفدها واحد واحد
الجد : بس يا نوير خلي العيال
الجده : احس للحين ما شبعت منكم
جابر : إنشاءالله بنقعد عندج لما تملين منا
الجده : وانا اقدر آمل منكم
الجد : يُبا أنا أقول ليش ما نخلي البنات والحريم على راحتهم وراح نقعد بالدوانيه
الريايل والصبيان هزوا رأسهم بأي
الجد: حياكم الدوانيه
~
الحريم الي متحجبين فصخوا حجابهم
الجده قاعد تسولف مع حريم عيالها وبنتها
عند البنات بالجلسه الخارجيه
ريم : وااييي احس وناسه واخيرًا شفناكم
كلهم قالوا : اي والله
والي يحضنون بعض لأنهم من فترة مو شايفين بعض
سُلا : تحسون شنو اول مصيبه أسويها
ريم : أنا أقول اهجدي لان جدتي راح تكسر راسج
سُلا : انشاءالله تتعودون على مصايبي
جنى : أنا وانا رفيجتج للحيني ما تعودت
لارا : بنات منو يذكر لما سُلا كسرت طقم الفناجين مال يدتي جان تعصب عليها
ساره : اي اذكر والأخت زعلت جان تطلع تقعد فوق السياره ههههه
ديما: لا واحنا حسنا البيت كله ندورها ولا لقيناها
سُلا : احس اني ما تذكر عدل
عذبه : اذكر ناصر لقاها
جنى : اي الفارس المغاور لقاها
ديما : كان خايف عليها اكثر منا
ريم : هههههههههه اول كوبل اب بيتنا هههههه
سُلا : ويعتكم ، أصلاً اي واحد ناصر ماذكره
لارا : الحين ماذكره وغمزت
سُلا: لا صج ماذكره
كل الي بالجلسه ضحكوا على ويه سُلا
ريم : بنات تبون نطلب من ٠٠٠٠
البنات : اي
ريم : عطوني طلباتكم
عذبه: ايس أمريكانو
سُلا: ابي بلندد ماتشا
جنى : ابي مثلها
لارا : ابي روزبيري لمن ايس تي
ديما : ابي تركش لاتيه
ساره: ايس  لاتيه
ريم : الحين اطلب
الكل تغدا والي راح يريح عشان بعدين يجمعون بعد الأكل
~
عند البنات
ديما : ريمو ما وصل الطلب
ريم : الحين حاطلي بيوصل
رن تليفون ريم
ساره : لو يايبين طاري المليون
ردت ريم وقالت حق العامله تستلم الطلب
وقاموا يصورون البنات
طبعاً لارا ماخلت ولا وحده صورتهم كلهم
~
الساعة 8:50 بليل
الكل قاعد حولين التلفزيون عشان يشوفون لو باجر رمضان ولا الي بعده
وعلنت الدوله لان رمضان يوم الاثنين
والكل قاعد يبارك حق الثاني
الجد: مبارك عليكم الشهر
الكل : علينا وعليك يتبارك
الجد: ياعيالي انشاءالله باجر رمضان فيعني مو نلتهي عن عبادتنا وهيا كلها شهر ونحصل عليه اجر مضاعف بإذن الله
الأحفاد: انشاءالله
~
يوم الاثنين اول يوم رمضان
بغرفه عذبه عند لارا ، سُلا ، جنى ، عذبه كانوا نايمين مع بعض
ديما قاعد تحاول تقومهم بس وين منو يسمع
ديما: قومووووووو!!!!!
عذبه بعصبيه : خليني انام مو الحين دوامي
ديما : والله محد قالج تسهرين معاهم ياقلبي ، شوفوا لو ماقمتوا الحين والله أنادي يُما
لارا وجنى فزوا
~
ديما : الحمدالله ، سُلو قومي ويعه شالنوم
سُلا : خلوني انام
ديما : لا والله
سُلا : بغيبببب
ديما : كيفج
طبعاً الكل راح يبدل إلا سُلا نامت بس طبعاً هيهات تمشي عند ام انس
ام مشاري : سُلااا قوميي بسرعه
سُلا : بسم الله شنو فيي
ام مشاري  : شايفه جني
سُلا : لا حشى ، انزين ماما يصير أغيب ؟!
ام مشاري  : لا ما يصير يلا جدامي
سُلا قامت وهي معصبه
عند لارا الي قاعد تركض
ناصر : اعوذ بالله شفيج تركضين ؟
لارا : ديما ناطرتنا بالسياره بتودينا المدرسه
ناصر : انزين شوي شوي
لارا قالت انشاءالله جان تركض
ناصر : الحمد الله والشكر ، شاف سُلا طالعه من بيت الجد وحدها معصبه
سُلا : ماما مو لازم كل أسبوع أداوم اعتقوني لوجه الله
ام مشاري : شوفي والله مالي خلقج كلمه زياده وراح اسحب تليفونج قلة تربيه
سُلا : ويععععع ودخلت الڤلا
~
ناصر اب نفسه : هذي للحين ما عقلت وراح يسلم على يده ويدته وتوجه لدوامه
~
ديما تطق هرن
جنى : جينا جينا
ديما: ساعه ساعه عرايس وين سُلو
لارا : الحين بتجي
ديما : دقيقه لو ما جت مشيت
سُلا وصلت عندهم
ديما : واخيراً شرفتي
سُلا : تكفين سكتي عني النفسيه صفر
ديما حركت بدون ما تقول شى
طبعاً الكل راح دوامه والي غاب مثل عذبه وساره وريم
قررو يعطون نفسهم اجازه
بالبيت عند الجده بناتها وحريم العيال
الجده : حنان بسوي تشريبه و مچبوس
حنان : اي ونسوي مُقبلات
ام انس : خالتي أنا بسوي صمون
الجده : يعطيج العافيه بنتي
ام مشاري دخلت : اهخخ هالبنت بتطلع لي قرون