تبدأ القصة بطفلة سومرية الاصل تسير امور حياتها منذ البدايه بعرقلة و الكثير من العثرات و قد دار بها الزمن دورانا لولبيا جعل منها جثة هامدة حيث يكمل قلمي سرد بقية الأحداث الغامضة و المبعثرة ...
#الكاتبة : جبل .
هلو ياحلوين شخباركم ؟ ان شاء الله حيكون البارت الثاني اليوم ، أتمنى أن ينال أعجابكم حبايب _مشاهدة ممتعه . . . . . . . . . . . . . مره گتلك من اموت شلون بيك؟ وچان ردك محد يموت على واحد ماتوا اهلي وما متت ليش عفت انسان غار من التراچي الغافيات بحدر زلفك شحال هسه الناس جاست مدري شنهي بلا مقابل .. وانت قابل بس وحگك باچر يعوفوك كلهم وحدك ترجعلي ذابل باچر اثار الغرب هوسه على خصرك اكثر من اثار بابل. ___________________________________
وجان يجي اليوم المشؤوم و تنكلب حياة عزيزة رأسا على عقب ، عزيزة حظها مثل حظ أمها تعيس و أكثر و ما مكتوب الهن السعادة بيوم من الايام .
_جان يجي هذا اليوم الي يتغير كلشي بي ، أجه صديق أبو زاهد الي اسمه هزاع ، جان صاحبه هزاع عسكري و لئيم و طبعة مثل طبع ابو زاهد غثيث بشكل و صعب . _ ف َ نزل من العسكرية يم بيت أبو زاهد حتى يرتاح يمهم و يرجع يكمل طريقة ، و بهذا اليوم أنخبصت أم زاهد و بتها عزيزة و هنَ يحضرن الاكل و ينضفن خاف أكو شي على الرغم من أن البيت نظيف ، و طلعن يخبزن ورا البيت حتى يصبن الغدة و يكون كلشي على ما يرام ، أم زاهد جانت مستعجلة و طبت بسرعة و عافت بتها بهاي الاثناء تلم الخبز . _بهاي اللحظات جان هزاع يغسل برا و طبت عزيزة وهي شايلة سفطة الخبز و وجها أحمر و ظل هزاع صافن عليها و جنه وكع من أول نظرة .
_بس ما جانت مجرد نظرة جانت أنتقام على حياة عزيزة الطفلة المسكينه .
_بلحظتها صبو الغدة و جان هدوء و كأن هذا الهدوء قبل العاصفة بهاي الاثناء حجة هزاع ،
_هزاع : خوية أريد أطلب منك طلب _أبو زاهد : أعتبر طلبك تم گبل لا تكمل چلمتك .
_هزاع : تسلم خوية ، بس أنه رايد مرة منكم ، أنه رايد بنيتك على سنه الله ورسوله.
_بهاذي الاثناء أنطوا موافقتهم كل من أبو زاهد وولدة تاركين المسكينه و بتها وراهم بدون لا يستشيروهن.
_رجع هزاع لبيته و خلال أسبوع أجو حتى يخطبون عزيزة و جايبين بدلتها وياها و الشيخ كذلك حتى يعقدون و ياخذون الطفلة وياهم لحياة مجهولة .
_أم زاهد ما سكتت عينها بهذا الاسبوع وهي ما مصدقة بنتها و عزيزة كلبها راح تروح بأرخص ثمن ، و غصبا عليها ما أعترضت و كعدت تعدل بتها و تحني شعرها و أديها و تجهزها للموت الي رايحة اله .
_عزيزة جانت طفلة و كلشي متفتهم ولمن أمها حجت الها ضلت تبجي و تصرخ مثل الطير المذبوح و أم زاهد ما بيدها شي غير تبجي وياها .
_إلى أن دخل زاهد و شافها تبجي و سأل شنو الصاير و جاوبته وهي تكول عزيزة : حباب زاهد ماريد اروح ، و صوتها متشحرج من كد البجي. ما حصلت غير العياط من زاهد الضرب و من خوفها سكتت و بعد ما حجت إلى يوم العرس .
_لمن أجه هزاع و أهلة رحبوا بيهم بيت أبو زاهد أشد الترحيب و أم زاهد الدمعة بطرف عينها وهي ترحب بيهم . كامت أم زاهد و أم هزاع راحن للغرفة يلبسن عزيزة حتى يعقدون ، جانت البدلة جبيرة عليها حيل لدرجة أمها صغرتها بالدنابيس . و طلعوا و كعدت عزيزة على الكرسي و أقارب هزاع و بيت أبو زاهد و هن يهتفن بأهزوجات الفرح و يصفكن و يدبجن و الطفلة تباوع بأسى و صافنه على روحها و تفكر شنو المضموم الها بعد .
_كعدت ورا الباب بعد ما أعلنوا أن الشيخ راح يعقدلهم و أنطت الموافقة وهي مفاهمة شنو الي جاي تحجي ، و بجت بقهر لان راح تفارق أمها ألي هي الوحيدة التحبها و طلعوا ملابسها و غراضها و لفوها بعبايه و طلعوا من البيت وأم زاهد حاطة شيلتها على حلكها و تبجي و تباوع بقهر على عزيزة روحها . _طلعت سيارات بيت هزاع من بيت أبو زاهد تحديدا من العمارة متجهة للبصرة لبيت هزاع .
_هزاع قرر أن يسكن ببيت بوحدة حتى يختلي بهاي الطفلة المسكينه .
وصلوا للبيت و بدت حياة عزيزة الجديدة وهي تنتظر شنو الي راح يصادفها بيها .
_دخلت لبيتها وعيونها تتنقل بارجاء البيت حد ما وصلت وي أم هزاع للغرفة و هي توصيها متطلع منها أبد و راحت .
_دخل عليها هزاع وهي ترجف مثل السعفة و الدمعة معلكه بطرف رمشها.
_ مشه بخطوات بطيئة اتجاها وكل ما يمشي خطوة تزداد دكات كلبها أكثر . _باوع الها بتلذذ وهو يكول هزاع: نورتي بيتج يا مرة . وأكتفت عزيزة بهز راسها بدون ما تنطق حرف . _نزع عكاله و شماغة و ذبهن بأهمال على الجرباية و بدة يفتح بدكم دشداشته و ضلت عزيزة تاكل بنفسها من التوتر و الخوف إلى أن خلص و أقترب بأتجاها مرة ثانيه وهو يسحب طرف بدلتها و ....
يتبع..
____________________ هنا تنتهي أحداث الجزء الثاني و ان شاء الله نال أعجابكم ، هذا مجرد بارت قصير لان من صدك أني مموجودة بالبيت ، أن شاء الله عن قريب أبدي أكتب الكم بارتات طويلة و تنال رضاكم و اعجابكم . أحبكم كلش هواااي .
حساب الانستا موجودة بي دائما @rxe.da
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و هنا قناة التلي أنزل الكم كلشي أول بأول .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
