شلونكم كنزلاتي الحلوات؟! اشتاقيتلكم هواي ، اسفة لان ما التزم بمواعيد البارت بس تعرفون ضروفي و ماعندي مجال ، ف ياريت تعذروني ، و احس شوي ان كتابتي ما متناسقة و مجاي اشوفكم معجبين بيها هواي و محد يصوت و المشاهدات قليلة ، صوتولي ، بس تعرفون شي ؟ ميخالف ماطول بعدني ببداية المشوار اكيد ما راح اتلقى دعم و من هاي السوالف ، المهم طولت عليكم بالكلام ، نبلش باحداث قصتنه .
_ مشاهدة ممتعه .
.
.
.
.
.
.
.
.
.
.
.
.
.
.
.
.
.
.
.
وَأنتظرتَك
بَين صَفنات الليّالي
وجَرح دَخان الجگاير
وبين لچماتي وحَسرتي
وحيرتي وكَسرة الخاطِر
وبين مَدري
و وين صايَر ؟
وأنتظرتَك هلبَت تمُر طيف
إيضمضُم دموعي إعلّه باچر .
_____________________________________
نبلش جزء هذا اليوم بالبقعة القذرة ، من الممكن نخلي أعذار للمفسد و المجرم حتى نتستر هلى افعالة ؟ او من الممكن نتستر على الأفعال للحفاظ على نفسنه ؟ او من الممكن حتى نتجنب المشاكل ؟ و العديد من التساؤلات الي متخلص .
_سعيد و ما ادراك ما سعيد
سعيد : بأيام المتوسطة تعرفت على صديق اسمة فرزدق و استمرت صداقتنه لشهر إلى أن أنضميت لمجموعتهم ، صح جنت بالبداية خايف بس عجبتني الشغلة و هم بيها بنات و فلوس و خوش فرصة .
_ بأيام دوام علي جانت اسعد ايام حياتي حتى اكون على راحتي و افتر وي أصدقائي و ندخن و بعدها نوكف بباب مدرسة البنات ، ماجنت اعرف شنو أسوي بس هم ما قصروا شوي شوي وياهم بديت اتعلم و اخذ على المواضيع و صرت توب .
سعيد : انه ماعرف لسوالفكم هاي طلعوني منها مالي شغل بهاي الأمور
فرزدق : لك يابة صير رجال ، شني هاي المياعة العندك؟
سعيد : أنه رجال و موش مايع ، بس اذا عرف اخوي يضربني بسببكم .
فرزدق : معليك انه اضبط امورك و محد يكشفك و تسوي اليعجبك و لا تنضرب و لا أحد يعرف ، بس ها كون تصير ذيب مو شلون ما جان .
سعيد : شني يعني؟
فرزدق : معليك انه و الشباب نضبط امورك ، بس كون تسمع حجينه و تخلي ببالك زين .
سعيد : خوش انه رايح للبيت
و بدة فرزدق و اصدقائة يغسلون دماغ سعيد و يدربوا على القذارة و التمرد و الهمجية
إلى أن صار سعيد شخص ثاني و كأن هذا مو ابن عزيزة ولا تربية علي ، صار انسان ثاني ، مشة بالطريق الاعوج ، و هل يا ترى هذا الطريق راح يكسر رجلة و يلوي ذراعة ؟
_ سعيد صار عميل عند تجار المخدرات و يستلم بضاعة و يبيع و يشتري و بسرية تامة و صار يجمع بالفلوس فلس على فلس ، لشنو جاي يجمع ماندري ، هل راح نكتشف هذا الشي بالايام الجاية ؟ هم ما نعرف .
كل هذا و محد حاس بشنو جاي يصير و شنو الفاجعة الي جاي يتخطط الها و علي مثل الأطرش بالزفة ، و مرت الأحداث إلى أن أكتشف علي مستوى سعيد الدراسي و درجاته الكسيفة ، أخذت سحل للبيت وهو يصيح
علي : أدخل ، ادخل جوة ماريدن اشوف ركعة وجهك ، لك ليش هيججج ليش
ويفرفح مثل الطير المذبوح وهو يكول
علي : لك ليش هيج ؟ المن اتعب و اشتغل و ابتعد عن داري ؟ غير على حسابك انتَ و امي ؟ هاي بدال ما تفرحني بدرجاتك العالية ؟
من اليوم انه ادرسك بأيدي ، وإذا ما جبت خوش درجات ياسعيد ، أنه ابطلنك بأيدي و اخليك تشتغل ، تروح تدورلك شغل و تصرف على نفسك و على البيت .
أنت تقرأ
الدلاهث " أحضان مميته"
Mystery / Thrillerتبدأ القصة بطفلة سومرية الاصل تسير امور حياتها منذ البدايه بعرقلة و الكثير من العثرات و قد دار بها الزمن دورانا لولبيا جعل منها جثة هامدة حيث يكمل قلمي سرد بقية الأحداث الغامضة و المبعثرة ... #الكاتبة : جبل .
