الدلاهث " أحضان مميته"

" 8 "

أهلا كنزلاتي الحلوات ، اشتاقيتلكم هواي ، ادري بنفسي انقطعت عنكم هواي و أعتذر منكم بس جانت عندي ضروف
نبلش باحداث بارت اليوم ..
_مشاهدة ممتعة ..
.
.
.
.
.
.
.
.
.
.
ياحَبيبي
وخاف يبعدَنا الزمان
رُوحي تبقى لغير رُوحك ماتحِب
انتظرني اليوَم باچر
بلكي لو صِدفه التقينا
انه اعرفك
وانت تتذكر ضحِكتي ومستحَاي
و انه لو ميت اعرفك ما اتيهك
وياحَبيبي
ارجوك لاتنسَى السِوالف
والعشك لابُد يمُر القطار
البيه عرفتك
هِناك يم اخر محطه انتظار
باقي احبك .

______________________________

_ ثواني و كلشي جاهز ، بس عندي جَم سؤال
_ أحجي بسرعة خلصني ..
_شو أحس هذيل الحلوات جنهن مجبورات ، شٍني خاطفيهين ، حجة اخر كلمة و ضحك بأستهزاء

هجم فرزدق على سعيد بكل انتفاضة و لزمة من ياخته وهو يكول ..
_مالك شغل ، كمل شغلك وانتَ ساكت ، مفهومم؟ و اذا تدخل بشي اكبر منك أورطك بشغلات توديك بداهيه ، و تركه و هو مغتاض و راح ..
_موضوع أكبر مني ؟ عجيبب ، بس بسيطة الا أندمك ياسافل ..
و جان ناوي يروح لان خلص شغلة بس استوقفة صوت ساحر و هو يكول
_ شبيك سعودي ، منو مضوجك ؟
تحجيها بكل مياعة وهي تلعب بخصلة من شعرها و نضراتها تتيه أكبر واحد
_ سلوى ؟؟
_ أي أني سلوى شبيك عيوني ؟
حجه بتلعثم و هو يحك راسه و حاير وين يودي عيونه من نضراتها وهو يكول ..
_هاا ، لا بس جاي اسأل،  شتسوين هنا حد هسه ؟ يمتى تروحين للبيت ؟
ردت علي بضحكة رنانه كفيلة بأن تخلي يقع بشباكها و هي ترد عَلي ..
_ شبيك دادة ، اني ما اروح هو اني هنا بيتي
_بيتج ؟؟ شلون عايشه هنا ؟ هذا المكان مو زين
_ هاي شبيك عيوني ، ترا أني المسؤولة على البنات الي هنا
_مسؤولة عليهن ؟ شلون ؟
_ يعني اني الي ادربهم و ارتبهم و اجهزهم لشغلهم و هيج ...

نورس : مانعرف شنو المضموم ، و شلون القدر يضحكلنه بهاي السهولة ؟ و ما جنت ادري كل ضحكة طلعت الها ثمن و الها هوااي دروس ، و تربيلنه علة تخلينه نفقد روحنا و كلبنه و حتى مرات عيونه ، أتذكر عيونه و ضحكته و شلون يجي طاير و ملهوف من دوامة و يحضن أمي عزيزة و كأن ما شايفها من سنين طويلة ..

مو بَس اليجاهـد يرفَع ىىىلاح
اليضَحي بشوفتك أكبر مُجـاهد.

سوالفنا و ايامنه و عالمنه كلة يبقى ذكرة ، ذكرة ما تنسي ، شلون هيج لحظات من عمري بقت بس ذكريات وانه بانيه احلامم ، احلام طويلة لمستقبلنه و يصير عدنه اطفال حلوين و يستقبلون ابوهم من الباب و يفرح بيهم ، بس تبقى مجرد احلام مستحيل تتحقق بعد ..

و اتذكر مثل كل مرة و نفس السؤال أعيدة عَلي من نكعد سوا و يجاوبني بطريقة تخليني أخجل..

_علي
_روحة
_تحبني ؟
_ لا
صفنت مصدومة اول مرة يرد عليه هيج و أمتلت عيوني بالدموع
_ أنه ماحبج ، أنه اموت عليج ، و اهواج ، اعشكج
وووو ..
كعد يعددلي على اصابيعة ، و غطيت وجهي ابجي من الفرحة واني اشوفة كل مرة يزداد حبة الي أكثر مثل ما اني احبه

_بس ماندري هذا الحب راح يدوم ..

سعيد : من رجعت للبيت وانه ما فاركني صوتها ..

مخلي ايدة تحت راسة و مغمض عيونه و هو يتذكر شكلها و يتأملها وهو مبتسم
_ ياويل گلبي ، جني طحت ، عيونها دوختني و تيهتني ولا صوتها ولا ضحكتها الشگت گلبي و تربعت بي ولا ذاك الخصر ياويللل گلبي ..

و ضل للصبح على هاي الحالة ، و كأن أجت مي بارد على گلبه و حتى يلتهي ، بس ما جان مجرد موضوع عابر تطورت الامور ، و صار سعيد مدمن على ملامح سلوى ...

_ هاي شبيك سعودي ؟؟
تحجيها بدلع و تنعوص  ، و يرد عليها ذايبب وهو يكول..
_بيه انتِ ، ياويل گلبي ..
و أكتفت بضحكة رنانه تخلي يضيع أكثر و أكثر
_ سلوى ، أريدن اكول الج شي
_وهو شنو
_أنه ، يتبع ...

و لهنا يخلص بارت اليوم ، لا تنسون التصويت و نشوفكم بالبارت القادم 🤎..
أحبكم هواي كُنزلاتي ✨️..
. . . . . . . . . . . . . . . . . . . . . . . . . . . . . . . . . .