تبدأ القصة بطفلة سومرية الاصل تسير امور حياتها منذ البدايه بعرقلة و الكثير من العثرات و قد دار بها الزمن دورانا لولبيا جعل منها جثة هامدة حيث يكمل قلمي سرد بقية الأحداث الغامضة و المبعثرة ...
#الكاتبة : جبل .
ضوى بعيني ولا اطفيك مو ونسة من اسافر حتى ادور اعليك شما اركب قطار احجزلك انت وياي بلكت صدفه نتلاگه و أردن بيك
أحمد نصير #الكاتبة_ جبل .
_______________________________
صافنة بالفراغ ماعرف شسوي انصدمت شلون تعوفني هي الوحيدة الي بقت الي وين اروح وين يصفى بيه الدهر معقولة يرحمون بحالي ؟ هزيت راسي بقوة انفض كل هاي الأفكار و اقنع بنفسي ان اني قوية و رح أكدر اعيش و اصدهم و محد يذلني بس اعرف كلش زين منو هم و شكد قذرين عشت وياهم نص عمري و مستحيل تتغير قذارتهم و افكر و افكر و افكر بس ماكو جواب مقنع و نزلت دمعتي بخيبة واني اتذكر ضحكتها و سوالفها و حنيتها عليه ، بجيت و ضعفت و انطيت نفسي فرصة اطلع كل الي بداخلي بس بحتى هاي ماكدرت فتحت الباب بقوة و دخلت تطك بعلجها و تتمايل بمشيتها المقرفة و تتنعوص بصوتها اليلعب النفس و هي تكول ...
_________________________________
لج اركضي اركضييي بكل ما عندج اذا لزمج ما يرحم بيج اركض بكل ما عندي و احجي بداخلي حتى اسرع من خطواتي و كوة اخذ النفس لحد ما تعثرت وكعت على وجهي و اني اسمع خطواته صارت قريبه من يمي كبل كمت وكفت على حيلي بيه ما بيه لازم اكوم لازم انهزم مستحيل اخلي يوصل يمي و رجعت اركض بالدرابين حد ما وصلت لشارع مقطوع و كله بيوت و هياكل ....
____________________________________
انتِ اصلا وحدة قذرة و محد يحبج روحي شوفي واحد من الزباله الطالعة منها يلعب وياج يا قذرة و ضلت تباوع عليه بقرف و تحدي و نضرة الشماتة ذيج وياها بعيونها ، صح قهرتني بس ما كدرت اسكت الها و اخليها تستقوي عليه فيروز : انتِ القذرة لان امج ماعرفت تربيج رنا : على الاقل عندي أهل مو مثلج جاية من الزبل يا قذرة ، و كعدوا اطفال الحي يهتفون بصوتهم المزعج قذرة ، قذرة ، قذرة . هضموني بس مو على كلمة قذرة هل صدك اني من الزباله؟ اهلي ذبوني بالزبل ؟ اني وصخة؟ افكار تدور ببال طفلة محد اهتم لمشاعرها ولا للبسها ولا اكلها و جان شعري دائما مفتوح و مكركب و محد يمشطلياه و يسويلي تسريحة مثل باقي البنات حزت بنفسي و ضليت مقهورة و الدموع معلكة برمشي تكابر و ما تقبل تطيح على خدي رحتلها اركض اريد مبرر على كلشي و جان الطخ بجسم صلب وكع جسمي الهزيل على الكاع سلوى : لج شبيج انتِ غبية عمية متشوفين تصرخ بكل ما عدها و تهز بيه مثل السعفة فيروز : والله عمة ما ادري مشفتج ما انتبهت عليج سلوى : هم قذرة و هم ثولة و عمية لج مو زين من ملفينج ببيتي.. وكعدت تكمل اسطوانتها مثل كل يوم ضرب و غلط و فشاير و عض حد ما تجي احن مخلوق تنقذني منها ......
_________________________________
و لهنا تخلص المقتطفات ان شاء الله ورا الامتحانات ابدي انزل بارت و نتفق على عددهم اتمنالكم ليلة سعيدة ، احبكم الدلاهث " أحضان مميته" بخط الكاتبة جبل .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حساب الانستا أعزائي الجميلين 💋.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قناة التلي أحبائي الحلوين 💋.
بالانستا اتواصل وياكم تواصل رسمي و ارد عليكم كلكم ما اتكبر عليكم😂💋 و بالتلي انزل الكم موعد البارت و خاف يصير عندي شي أبلغكم تمام نسواني الحلوات ؟ 🥹💋 احبكم كلششششششش هواااااايييييي 💋
