"အက်ဖွေး…!…ဝေ့…အက်ဖွေး …"
"အိမ်ရှေ့က ဘယ်သူလည်း "
အိမ်ရှေ့က လာသည့် အော်သံကြောင့် ရန်သျှင်းမေ လည်း အိမ်အပေါ်ထပ်မှာ သန့်ရှင်းရေးလုပ်ရင်း ဝါးရံတာဘက်ထွက်လာပြီး ပြန်မေးလိုက်သည်။
"ကျွန်တော် ပိုင်စိုးပါ အက်ဖွေးရှိလား မမသျှင်းမေ "
" ရှိတယ် အက်ဖွေးက ဟိုဖက်အိမ်မှာရော်"
" ဪ….ဟုတ်ကဲ့မမ အဲ့ဒါဆို ကျွန်တော်တို့ဟိုဖက် သွားပြီနော် "
" အေးအေး "
ပိုင်စိုးနှင့် ထွန်းအေးတို့နှစ်ယောက်သား စောမင်းနှောင်အိမ်ဘက်ကို သွားလိုက်ကြသည်။
စောမင်းနှောင်အိမ်ရှေ့ကိုရောက်သည်နှင့် စောမင်းနှောင်ကို လှမ်းခေါ်လိုက်လေသည်။
" ကိုကြီးငီစော…ဝေ့ကိုကြီးငီစော "
" ဝေ့…ဘယ်သူတုန်းကွ "
အိမ်ရှေ့က ခေါ်သံကြောင့် စောမင်းနှောင်လည်း ဝါးရံတာဘက် သွားကာ ထွက်ကြည့်လိုက်တောမှ အက်ဖွေးရဲ့အပေါင်းအသင်း ပိုင်စိုးနဲ့ ထွန်းအေး ကို တွေ့ရသည်။
" ကျွန်တော်တို့ပါ ကိုကြီး,……
အက်ဖွေး က ဒီမှာရှိတာယ်ဆိုလို့ "
"အေးရှိတယ်လေကွာ အိမ်ပေါ်အရင်တက်ခဲ့ လာ …"
ပိုင်စိုးနှင့် ထွန်းအေးကလည်းအက်ဖွေးရှိရာ အိမ် အပေါ်ထပ်ကို တက်သွားလိုက်လေသည်။
အပေါ်ထပ်ရောက်တော့ ဖုန်းထိုင်ကြည့်နေသည့် ဧည့်သည်တစ်ယောက်ကိုနှင့်အတူ ဖုန်းကြည့်နေသည့်အက်ဖွေးကို တွေ့ရသည်။ စောမင်းနှောင်ဘက်ကိုကြည့်တော့ စာအုပ်လေးကိုင်ကာ ဘုရားစင်အောက်မှာ စာထိုင်ဖတ်နေလေသည်။
" ဟာ ပိုင်စိုးနဲ့ထွန်းအေး ဒီကိုလာတယ် လာခဲလေဒီမှာလာထိုင်"
မိုးဇက်နားမှာထိုင်သည့် အက်ဖွေးက သူတို့ကိုလှမ်းခေါ်လိုက်သည်။
ကောင်ငယ်လေးနှစ်ယောက်က မိုးဇက်ကို မြင်တော့ ခပ်စိမ်းစိမ်း မျက်နှာထားလေးဖြင့် နည်းနည်း ချိန်နေဟန်ပင်။ ဒါကိုရိပ်မိနေတဲ့ မိုးဇက်က ဖုန်းကြည့်ရာကနေ ထိုကောင်ငယ်လေးနှစ်ယောက်ကို ကြည့်ကာပြော လိုက်သည်။
YOU ARE READING
တောင်ပေါ်မြေက ရင်ခုန်သံ
Romanceပထမဆုံးရေးသားတဲ့ficမို့ အရေးသားညံ့တာသိပါတယ် ဒီထက်အရေးသားကောင်းအောင်ကြိုးစားပါ့မယ် ဘာပဲဖြစ်ဖြစ် သည်းခံပြီးတော ဖတ်ပေးပါနော်
