" ලොකු අප්පච්චි අනේ තව ඔරුවක් හදලා ..."
අද අයියා ඉවරයි. එයා රට ගිහින් අවුරුදු පහකට පස්සෙ ආවේ ඔය දැන් ආවේ . ආවා කිව්වට මොකද ලබන සතියේ යනවලු . ගිය පාරත් අවුරුදු හතරක් ඉදල ලංකාවට ඇවිත් සතියක් දෙකක් ඉදල ආයෙත් ගියා . හිරයක් කර ගත්තෙත් නෑ .අපිට මගුල් කතා කරල මනාලයා නැතුව පල් වෙන්න බැරි හන්දා දැන් පාඩුවේ ඉන්නවා ..
අම්මා ඉන්නකල් කොච්චරවාත් කිව්වද පුතේ කසාදයක් කරගනින් මොනාද පුතේ උබට අඩුවකට තියෙන්නෙ ගගා...
කොහෙද කතා කරපු මගුලටත් පයින් ගහල රට ගියානේ....
බට්ටිටත් රට චොකලට් ගෙනත් දුන්නා ගමන් අම්මා තාත්තත් අමතක වෙලා අයියගෙ උකුලේ. ප්‍රණීත් නම් කිව්වේ කමක් නෑ ඔය ලමයෙක්ට කිට්ටු වුනාමවත් කසාදයක් ගැන හිතෙයි කියලා .
ප්‍රණීත් නම් අයියා කසාද නොබැඳ ඉන්න එකට මම අවුලෙන් ඉද්දි කියන්නෙම ඒක එයාගේ කැමැත්ත කියලා ..මට නම් හිතෙන්නෙම අයියා කොලබ කැම්පස් ඉන්න කාලේ මොකක් හරි වුන හුටපටයක් හන්දා තමයි ඔහොම වෙලා ඉන්නෙ කියලා. ඇහුවට කිව්වෙත් නෑ ...මට මතකයි අම්මා අන්තිමට කිව්වා පුතේ උබ රොඩී කෙල්ලෙක් එක්ක යාලු වුනත් කමක් නෑ මගුල් අරන් ගෙනෙන් කියලා. ඒත් කවුරුත් නෑ කිය කිය මගෑරියා නෙ .
අද වැස්ස හොදටම ..අයිය ව අල්ල ගත්තා බට්ටි කඩදහි ඔරු හදන්න . තෙමිලා ලෙඩ වුන ගමන් යවනවා ලොකු අප්පච්චිගෙ ම අතේ බෙහෙත් ගේන්න .මට බෑ ඔච්චර කෑ ගහන්න. කෑ ගැහුවත් ඇහෙන්නෑ වගේ ඔහෙ වැස්සෙ නටනවා මඩ කාවෝ වගේ..
මම ආයෙත් පාරක් කුඩයක් අරගෙන ගියා ඒ පැත්තට. අයියා නම් බැල්කනියේ වාඩි වෙලා පත්තර කොලයක් නව නව ඔරු හදනවා .බට්ටි වැස්සෙ තෙමි තෙමි ඔරු පා කරනවා ..
" චූටී දූ කන ඇහෙන් නැත්ද මෙහෙට එනව මගෙන් ගුටි නොකා ...අම්මපා රෑට කැහැපන් බලන්න.
දානවා එලියට ...."
" කමන් නෑ ලොකු අප්පච්චි මාව ගේ ඇතුලට ගනී.."
" අයියා ඉද්දි මෙයා හෙන ගෑස් ලයින් නෙ අපිට දෙන්නෙ ..."
මම අයියා දිහාවට හැරිල බැලුවේ මොනව හරි කියයි කියලා. ඒත් අයියා ඉදියේ මේ ලෝකේ නෙවෙයි. එයා වෙව්ලන අත් වලින් පත්තර කොලේ නැමුම් පාරවල් නවනවා හෙමින්. මම ටිකක් එහා දිහා බලන් ඉද්දි වැහි බිංදු නැතුවම පත්තර කොලේ තෙමෙනවා පේනවා ..
දෙයියනෙ අයියා අඩනවා ...
YOU ARE READING
කඩදහි ඔරු (complete)
General Fictionවැහි ලිහිණියෝ වැහි අරන් දුර ඈත ගෙනිහිල්ල දැන්මම ඉතින් කඩදාසි ඔරු තනි වුනා වැහි නැතිව මග තනි වුනා ... ☆____________________________☆ " ඔබ නැතුව මම තනි වුනා ☆____________________________☆
